مشكلة الدور الثاني ..... ياااارب تعين

[رمانة الكويت]

السلام عليكم

شلونكم

اااااخ يا قلبي على بنتي دور ثاني وبشنوو بلاجتماعيات

الصراحه الغلط مني انا ماشديت عليها من اول السنة خليتها لاني بغيتها تعيد السنة لانها صغيرة ونتفه
بس شفت البنت تنجح خليتها. ماركزت عليها حيل ركزت على خواتها توقعتها تسقط ماتنجح بس انجحت بكل المواد الا الاجتماعيات كانت من اول لسنة واهي تسقط اصلا مو فاهمة المادة كلش وياعيني على مدرستها كل يوم ابله ويا صار الاجتماع ما شفت ابلتها مالت الاجتماعيات

البنت كسرت خاطري لما درت بنتيجها قامت تبجي حيييل انا مو مهم عندي تنجح لانها اذا اسقطت بتكونة مع البنات اللي بعمرها بس حييل كاسرة خاطري.

اللي مرت بظروفي تساعدني بافكارها. ترا هاذي اول مرة بحياتي اجرب الدور الثاني. لاني ماعمري خذيته ولا بناتي خذوه ولله الحمد. وعسانا ماعاد نجربه ولا تجربوه.

 

[رمانة الكويت]

اشدعوة محد عنده دور ثاني او مر بهالتجربة او عنده فكرة ؟؟؟؟؟

 

[^ MiSS MoOoka ^]

آلله يعينــج بس هي آي صف ،

سهآلات آن ششآء الله ترى الدور الثاني حيل يسآعدونهم وهي ضنتي صغيره
احنا ثانويه ويغششون ويدزونآ

احم انا طالبه مو ولية امر بس كسسرت خآطري بنتج والله
يسسهلها ان شآء الله دعـواتج لهآ هي آهم شي آدعيلها الله يوفقهآ ،

 

[الموجه الهادئة]

بعد قلبى الله يسهل على ابنيتج ويوفقها وانا بعد اول مره

ولدى عليه دور ثانى.. وخايفة واحاتى مثلج عليج بالاستغفار


وانشأ الله. ربى يوفقهم يارب.....

 

[الصابرة المحتسبة]

وعليكم السلام

الله يعوضكم خير وان شاءالله تنجح

ولاتلومين نفسج اللي صار صار بس المهم نركز على الجاي ،والاجتماعيات حفظ .

لخصي لها او تلاقين مذكرة ملخصة التعاريف وغيره والله يوفقها ووفق كل اللي عندهم دور ثاني.

 

[$ بنت علمي $]

وعليكم السلام

والله احنا مثلج بعد

عندي أختي ب6 اول مره تاخذ دور ثاني بالانقليزي وكاسره خاطري

أختي شاطره بكل المواد الا الانقليزي

و نسبتها حلوه مع الدور الثاني

يعني مع الدور الثاني ونسبتها حلوه

وبجت لما درت ياحياتي

بس اهلي ماعاقبوها لان تشد حيلها حيل ومسكينه ماتحصل نسبه حلوه بالانقليزي

الله يوفق بنتج ويوفق اختي

وعساهم يارب مايعدون هالتجربه ولا ياخذون دور ثاني ابد

 

[ام عمر ومريم]

قلبى معاكم وانا مجربة الدور الثانى من قبل ترى موسهل على اليهل يذاكر كتابين فى الصيف
لمن نصيحة من الحين سوى سيستم للمذاكرة ويبى مدرسة تراجع وتحفظ لان الوقت فى رمضان يطير بسرعة وتصير امتحانات الدور الثانى فجأة على الابواب

 

[the-angel]

انا جربته مره بحياتي اكبر قهر ليما دريت كنت بموت لا تلومينها اكيد مقهوره المهم انج ما تحسسينها بالنقص بينها وبين خواتها وطلعيها واشتريلها هديه مع هدايا نجاح خواتها ولا تقعد بروحها تفكر وقبل النوم لا تخلينها بروحها لان بتتذكر وبتبجي انا كنت جذي لمده شهر وشي

 

[أم عبووووود]

وعليكم السلام والرحمه

هلا حبيبتي

اول شي بنتج اي مرحله ؟

ركزي عليها وابدي درسيها من قبل الامتحانات بشهر ان كان استيعابها للماده قليل واحنا معاج بعد ماراح نقصر باللي نقدر عليه وان شالله راح تنجح ماتعيدها وحرام تعيدها عشان مادة واحده

ربي يوفقها ان شالله

 

[diamond doll]

السلام عليكم

لا تحاتين ان شاء الله تنجح بنتج وانصحج تخلينها تدرس من نماذج امتحانات محلوله قديمه لانه ييبون نفس الاسئله بالضبببط

اخوي نقطة ضعفه الاجتماعيات وقام يدرس من نماذج امتحانات ياب درجات وايد حلوه

وعادي لاتشغلين بالج يمكن هذا يكون درس حقها ويخليها السنين اليايه تهتم اكثر وتشد حيلها

والله يوفقها

 

[ديانا سبنسر]

اهم شي دوريلها مدرسة شاطرة تبسط لها المعلومة وتخليها بسرعة تحفظها لان الاجتماعيات على الحفظ

 

[الحراير]

الاجتماعيات سهل مايحتاج مدرس حاولي تدرسينها وتلخصين لها
انا ولدي بسادس ودور ثاني بعد هم نفسج احاتي وربي يوفقهم

 

[om al ghaleen]

حبيبتي كسرتي خاطري الام تشيل هم الدور الثاني
اكثر من الطالب ..
الحل ابدي معاها من الحين عطيها الاسئله وخل تحفظهم حتى لو كتابه لانه الماده كلها حفظ
انا بنتي جذيه بكل المواد امتياز الا الاجتماعيات
كانت درجاتها ضعيفه صدمتني لانه هالماده دسمه بالحفظ فبلشني من الحين ولاتقولين تو الناس ترا المعلومات والكميه نفسها تنفعها حق المراحل اليايه والله يوفقها وتبشرينا بنجاحها

 

[كـويتية]

حبيبتي والله تكسر الخاططر

انا بنت اختي ساقطة بالرياضيات بثامن والمسكينة عندها كتاب الفصل الثاني اما الاول ضايع قطعتي قلبي بالبجي

بس حبيبتي الاجتماعيات سهل تلقينهم بالمكاتب اكو تلاخيص يلخصون الكتاب كله بعشرين صفحة بس

موفقه

 

[الشوق معذبني]

اول شي اهي ب أي صف ؟

وشوفي يعني انا طـالبه والله لو عندي دور ثاني
لا ان شاءالله

اتمنى ان امي تقول لي :
هونيها وتهون وم عليه الله كاتب انج دور ثاني ب الاجتماعيات وحرام تعيدين السنه ف عشان جيه سمعي انا بييب لج كتب وشوي وتدرسين منهم وهم من تخلصين كل فتره بطلعج وجيه مااحرم عنها شي وماراح تعيدها بس وقفي حتى لو تنرفزتي لا تعصبين ولا تصرخين عليها
وايه لو شفتي الوضع لو نجحت روحي للمدرسه وانتبهي لا يصير مثل اول كل فتره ابله ولو صارت على طول انقليها او كلمي الناظره
ومن هالامور

ويارب تنجح

 

[كارلوفي فاري]

الدور الثاني يعتبر فرصه للطالب ومو تعالجين مشكله بمشكله بانج تفكرين انها تسقط علشان تكون مع اللي بعمرها.
الاجتماعيات مقدور عليه بس يبيله وقت انتي لخصيلها الدروس والتواريخ وسويلها اسئله وانصحج بمذكرات جمعية المعلمين حيييل حلوه كلها نماذج امتحانات
اهم شي الكميه لاتكثفينها عليها جزايها علشان تقدر تحفظ. وعلى فكره الدور الثاني سهالات يساعدون خصوصا اذا كانت ماده والله يوفقها ان شالله ويوفق ولدي وكل اللي عليهم دور ثاني