مشكلة اعاني منها بالطباخ .. ليش ؟؟

[omali_store83]

السلام عليكم

منو عندها نفس مشكلتي

الحمدلله اعرف اطبخ مجابيس ومطبق واللي يخطر في بالكم والحمدلله الكل يمدح هالشي وان لي نكهه خاصه بالاكل ونفسي حلو بالطباخ

مشكلتي اي شي اطبخه ماحب اكل منه:lkmnkl:​

 

[q8q]

انا بعد جذي واعرف ناس شكثر نفس المشكله

 

[بنت الليل]

انا بعد كنت نفسج .. الكل يقول الاكل حلو .. اما انا ما اكل منه ..

بس مع الوقت صرت اكل .. الصراحة ما ادري شلون .. سبحان مغير الاحوال !!!

 

[جارة القمر]

أنا بعد


ما أحب أكل

أكلي




الظاهر علشان نتعب فيه


بعد التعب ما نشتهي نأكل


خصوصا المجابيس والحلويات صج ما أحب أكلهم



بس السلطات


أحب السلطات أكله




تري أغلب الحريم جذية

 

[هيون و بس]

انا بعد جذي بس السلطات

 

[bint_looda]

غريبه .. ! عاد انا سامعه هالسالفه عند وحده من قبل بس مسكينه مادري ليش جني ماصدقتها لول !!!
ترا يمكن لانج تكونين مجابلته طول الوقت وتعبانه فيه فماتحسين انج تشتهين تاكلينه خلاص

 

[النجمة المضيئة]

اي صح كلامج بس في ناس تشبع من ريحتة الاكل

 

[CUTE ENGINEER]

آنا بعد لما تكون الطبخة شوي متعبة وتبيلها وقت

يمكن من الريحة نشبع

بس الأكلات الخفيفة لأ

 

[ملوووكة]

ابيه انا بعد عبالى بس انا وانا من حلات اكلى الكل يقول سوي كتاب طبخ بس انا صرت ضعيفة من تزوجت و بديت اطبخ والله لو ما الله ثم اكلات من امي والخبز والجبن جان مت الله يعينج وتتغلبين على هالسالفة

 

[Snow angel]

انا بالبداية كنت كذا بعدين الحمدلله صرت اكل اللي اسويه

 

[irresistible]

طلعت المشكلة عالمية انا اطبخ وممكن شي انا احبة لما يخلص ماااااا اكل

 

[<<لمار>>]

انا نفسج لانى اشم ريحة الاكل وعموما انا هذا طبعى اذا شميت ريحة الاكل واهو ينطبخ مااشتهية

 

[sweet lady]

انا جذي مرااات اتوقع من كثر ماانتي مجابله الاكل وتشبعييين من ريحته

 

[mrs_sugar]

وييييييييييييييييي عبالي بس بروحي عندي هالمشكلة
و كاتمة في قلبي و ساكتة
خخخخخخخخخخخخ

 

[أم علي الرفاعي]

انا بالأول كنت جذي

ألحين شوي قمت أتقبله

 

[أمانيQ8]

انا بعد مثلج مو عن تلوع جبدي لاااااااا بس لما باكل احس نفسي شبعااااانه
حتى اليهال يتعجبون...يقولون لي يماا خابه نفسج وحالتج حاله واخرتها ماتاكلين
سبحان الله

 

[أمانيQ8]

صج اتذكر ان بعد وحده من خواتي نفس القصه ماتاكل اكلها:d

 

[<< أزيان >>]

اغلب الحريم جذي لانج طول ماطبخين تتذوقين احس هالشي يشبع

وغير ريحة الطباخ بس عقب عرفت لعمري مااكل عدل وقت الغدا مثل

اشيلي صحن حق بعدين عقب مااسبح واريح تالي اكل واتلذذ بالاكل اما اذا كان الطياخ لويه

وبسرعه بسرعه استحاله اكله حتى امي كانت جذي لما تنجب لنا الاكل تقعد على جنب وماتاكل

وعقب مانخلص يالله يالله تكون ريحة وتبدي تاكل من طباخها