مشكلة اخوي وزوجته

[بنت الغوالي]

مرحبااا عندي مشكلة صايره لاخوي وزوجته ... وابي اسمع ارآئكم فيها


اخوي متزوج من خمس سنين وعنده ولدين .. وساكن مع امي وخواتي بنفس البيت

وزوجته ماعندها مطبخ مستقل .. يعني مطبخهم مشترك واذا قال لها

سوي غداء ولا عشاء ترفض بحجه ان ماعندها مطبخ ومرات تقول انا مو خدامه عشان اطبخ !!!


والشي الثاني ان زوجته مع انها موظفه .. تحاول تخليه يفلس قبل نهايه كل شهر وتكثر طلبات عيالها

من انها ماتصرف ولا فلس على البيت .. بس مرات تتكرم وتشتري ملابس لعيالها

بس للامانه زوجة اخوي متدينه وماهي هذره ولا تحب تتهاوش مع امي او خواتي


هذا غير انها ماتراعي حالة اخوي النفسيه وضغوطات الدوام والبيت


الزبده انا نصحت اخوي يتزوج عليها مره ثانيه وامي رفضت وتقول لي مالج شغل بأخوج ومرته

واخوي حييييييييييل متضايق من زوجته وحاااااز بخاطري لانه كتوووم ومايصارح الا انا


ابي راااااااااااااايكم

 

[LA TROO7]

تبين تخربين بيته وتنصحينه يتزوج عليها !!

على بالج هالشور بيريحه الا بيحطه بألف مشكله وعوار رأس

اقول اتركي المرة وزوجها ينجازون من دونج

وعيب تتدخلين بينهم

هو رجال ويعرف يدبر نفسه

ياتنصحين بخير ياتسكتين وأمج معها حق لو تحبين اخوج ماشرتي عليه بخراب بيته

عجبي عجاااااااااااب !!!!!

 

[المستبــده]

تنصحين اخووج يتزوج على مرته !!!
مادري اختي انتي ترضين حماتج تقول لريلج يتزوج عليج لا صارت مشكله بينج وبين زوجج
امرج غريب
بدال ما تهدينه وتحاولين تحلين المشكله تروحين تقولين له يتزوج عليها واهو اصلا تقولين لي اخر الشهر ما عنده شي
وانا مع امج انتي مالج حق تدخلين بينهم
المفروض تصلحين بينهم مو تخربين وتزيدين المشاكل​

 

[كويتيه مذهله 87]

حرام عليج؟!

ليش يتزوج عليهااا حطينفسج مكاانهاا

بس سؤال اخووج اشتكي علي حاله اذا لأ
خليهم بحالهم كل بيت له مشكال ولها حل وهما كبار ويتفااهمووون


واذا اشتكي بالعكس انتي الحين دوورج مبين نصيحه قوليله هذي زوجتك ام عياال بااجر اذا تزوج راح تصير مشاااكل اكبر

 

[وتلومني فيك يوم اغليك]

الله يعين ان شاءالله

بس ترراج غلطااانه اختي .. اللي ماترضينه لنفسج لاترضينه لغيرج .. كل مااتدين تداان ..

الله يهديهم ويصلح مابينهم بارب

 

[هاردلك يا قلب !]

أحب لأخيك ماتحب لنفسك < البنت ماعندها مطبخ بروحها يمكن تستحي تنزل وتطبخ خل اخوج يحط مطبخ ويفتك

 

[@أحلاهم وأتحداهم@]

انا راي انتي لاتدخلين نفسج بينهم اذا كانت امقصره مع اخوج ابشغله اوشغلتين معناته انها موزينه يمكن باجر الله يهديها لا تخربين بينهم وبعدين اخوج ادرى ابزوجته:ada:

 

[Ibtisama]

انتي ادورين الشر؟؟!!

يا اختي بدال ما تروحين لزوجة اخوج و تكلمينها تقومين تخربين بيتهم اثنينهم

وشغله ثانيه ترى الزوجه مو مفروض عليها تصرف على عيالها المصرف على الزوج .. و ثاني شي انتي لا تتدخلين خليهم هم يحلون مشاكلهم بيناتهم خله يصارحها واهي تصارحه علشان يسلمون من خراب بيتهم

 

[@أحلاهم وأتحداهم@]

وفي شغله منو من بنات ماتصرف واذا على الطباخ يمكن تنحرج انها ادش بالمطبخ مو مطبخها عادي حطي نفسج مكانها ترضين وحده اتي اتقول حق ريلج تزوج على مرتك كل وحده اتشوف عمرها مومقصره ابحق ريلها انتي ماتدرين شنو الي ابقلبها حرام اتخربين بيت اخوج والزواج مو حل الا زياه في المشاكل وعوار الراس والله يهديها

 

[وردة حمرا]

ترا اذا الكلام من فضة فالسكوت من ذهب... فرجاءا لا تخربين بيت اخوج!! ترا باجر حوبت زوجته ترد عليج

 

[د-سوسه]

يتزووووووووووووج!!!!اتصدقين ماتوقعتج تنصحين اخوج هالحل السهل كنت اتوقعج لان اخوج وغالي عليج تعطينه حل اقوي من جذي يعني
مثلا
تقعدين مع زوجته وتنصحينها وتكلمينها او اذا ماتتقبل توصلينها الفكره بطريقه غير مباشره ..
او اقوي مافيها تقولين حق اخوج اشلون يتصرف معاها ومايعطيها ويه لان اذا اهي ماخذه اكثر من حقها فاهو معطيها مجال ..ولا اشرايج؟؟

 

[DaLo3Ta]

حرام عليج !! انتي مره وتعرفين شلون الشريجه تحر

المره بالهداوه يحاجيها يبا فعلتج كذا وكذا وكذا وانا ميزانيتي ماتسمح قبل نهايه كل شهر تقعديني على الحديده وهدوم اليهال خو مو دايم على مدار السنه تشري بهالهدوم شدعوه مفاصيخ ؟
تنصحينه يطول باله يتفاهم وياها ويشوفله صرفه تتسنع حياته مو تروحين وتعمين حياته باجر مع الشريجه وبيتين من وين بيلحق بالمصاريف ؟
غير اللويه والهواش والنجره اللي بتيي من ورى الزواج الثاني .. الله يهديج بس​

 

[الأماكن]

بس للامانه زوجة اخوي متدينه وماهي هذره ولا تحب تتهاوش مع امي او خواتي

والله حراااااام عليج ... يعني ما لقيتي إلا هالحل الأقشر هذا ... إنتي ألحين تقووولين ... إن معاشه يصفر .. كل شهر .. إنزين لو بيتزوج وحدة ثانية .. يعني حليتي المشكلة ... ؟؟؟
لأ بالعكس ... زدتي الطين بلة ... و زودتي المشاكل

و بعدين إنتي ذكرتي ... إن المرة متدينة و مو هذرة و شكلها مالها شغل بأمج و خوااااتج ... يعني الناس مرتاحين

خلاااااااااااااااااااااص حبيبتي لا تهدمين حياة أخوووج بإيدج... والله إخوووج برااااسه ماراح يرتااااح

والحل ,,, إنصحيه إنه يشجع مرته تكمل دراستها علشان تتوظف و تعاون زوجها بدااااال ما تخربين حياتهم

و إذا على سالفة طبخ ... ماتوصل لدرجة إنج تزوجينه على مرته ... ترا الدنيا دوااااااارة

 

[Hello_kitty]

نصيحه اللي ما ترضينه على نفسج واهلج وخواتج لاترضينه على بنااااااااااااااات الناس!!

الحمدلله محد فينا كامل وكل وحده لها عيوبها وعيوب زوجة اخوج لاتذكر ولو اني ما اشوفها عيوووب ابد!!

المفروض من حقوق الزوجه ان يوفرلها السكن المناسب واقل شي في مواصفات السكن المناسب ان يكون فيه مطبخ عدل كلامي؟؟

تقدرين تعيشين خمس سنسن متزوجه بدون مطبخ؟؟كثر الله خيرها اللي صابره ومتحمله بدال ما تشورين على اخوج ان يبني مطبخ

صغير لو مطبخ تحضيري حقها ويوسع على بيته وزوجته سيده ما عندج غير روح تزوج عليها؟؟

وسالفة المصرف اهي مو ملزمه تصرف وتصرف على شنو اذا اخوج ما عنده التزام اجار ولا ماجله بما ان ماكو مطبخ وبعدين

اهي كيفها وحره بمعاشها اخوج محتاج شي ؟؟

والله عيب ماكو وحده تخاف ربها وتخاف على بيتها تنصح هالنصيحه وترى الدنيا دواره سلف ودين

والله يعين هالجناين بنات الحمايل مساكين على حموات اخر زمن

 

[اكسبلانكا]

حبيبتي ماراح ازيد عن كلام البنات شي انا اسفه بس انتي غلطانه لاتضيعين حياة انسانه باجر تدعي عليج عشان لاتصير برقبتج يوم القيامه

 

[كيوي كويتي]

أبيه مصدومة صج مابقلبج رحمة
انا ماعندي مطبخ ولا اطبخ لزوجي واذا قال
اقوله ماقدر لاصارلي مططبخ بروحي انزل اي حزة
ومو شرط ابدل ملابسي واطلع وماادري شنو
حسبالج هينة مو هينة لو كل وحده ماصرفت من معاشها ولا طبخت تزوجوا عليها
مابقى شي بعد
وعلى الصرف صح هي مو ملزومة وبعدين انتي ماتدرين عن الزوج وزوجته
ماتدرين شنو بقرارة نفسهم يمكن اخوج اللي موراغب ياخذ منها يااختي امشي على كلام امج

 

[الاسطورة]

ووووووووووووووووووووواي منج
شنو هالشوره المنيله بستين نيله؟؟؟؟؟
ترضين حماتج اتزوج ريلج عليج؟؟؟؟
اسمحيلي اختي
ولا تزعلين
انتي ليش داشه بحياتهم عرض
خلج ي حالج
واخوج ريال يعرف الصح من الغلط
واذا اهو مو عاجبه الوضع جان طلق
من زمااااااااااااااااااااااااان


بطيتي جبدي
واخاف تزعلين اذا كملت

 

[غير كل الناس]

كيفهم


أو



حاولي تنصحينها وبس

 

[زوجة جوجي]

اي شي
علشان المره ما تطبخ له ولا تصرف من معاشها يتزوج عليها

وين قاعدين حبيبتي
انتي ترضينها على نفسج ؟؟

نصحتي لا تتدخلين بينهم و تصير السالفه برقبتج و بذمتج

 

[درة الشاميه]

الله يهداج بس ماهقيت هالشي منج اتصدقين انا قريت قصه في حرمتين و اثنيناتهم ابيت حموله مرت اخو زوج هالمره دايما مالها غير المطبخ و شغل البيت والثانيه يوم من الايام كانت بتسوي ريوق بالدوام فقالت 0حق مرت حماها و المسيجينه زهبت الريوق و الشاهي و القهوه لها يعني سخيه المره و طيبه عاد راحت ديج يلي تشتغل و قالت لزوجها مرت اخوك هدي هامله ريلها و ماتكشخله و مالها غير المطبخ 24 ساعه ليش مايتزوج عليها ريلها انا عندي له مره خوش وحده نشتغل معاي بالدوام عاد اخوه راح قاله و حن عليه لين رضى ان يتزوج على مرته وبيوم عرسه واهو قاعد يتبخر و كاشخ جان تييله مرته المسيجينه وهي ماتدري واتقوله ها يبو فلان كاشخ شحلوك صاير جنك معرس جان يفصخ الغتره و العقال و يقول ماعاش الي ياخد عليج ودق على اخوه قاله انا ماني متزوج عاد اخوه عصب شلون ماشلون ووعدنه ابو العروس قاله كيفك تصرف مني مناك جان يروح زوج الي خطبت حق حماها ويتزوجها!!!يننننننننننننت المره ينت راحت قالت للزوجه ال2 تطلقي منه ردت عليها موانت كنت خاطبتلي حماج وتبين اتزوجيني على مرته خو حماج و اخوه كلهم واحد انا اسفه مانيبمتطلقه!!!شفتي شلون!!!كما تدين تدان و صدقيني حوبتها مراح تتعداج ف بعدي عن مشاكل اخوج و اهو رجال يقدر يتصر و عيب عليه يشتكي اصلا و كان بمكانه بس يخرعها بالزواج الثاني و يقولها انت فيج و فيج و فيج وان كان عالمصرف المفروض اهو الي يصرف ولايسألها عن معاشه ولا شي (الرجال قوامون عالنساء).