مشكلة اختى

[بلقيسو الحلوه]

السلام عليكم كويتيات


بقولكم مشكلة اختى الى صايره من جم ساعه



اختى عايشه مع اهل ريلها


الدور الاول قرفه لاخوه خالد ومرته وقرفه لعياله ومرته

مطبخ صقير+حمامين اكرمكم الله +ديوانية صقيره وايد


الدور الثانى
هو واختى +حمام +ديوانيه صقيره +مطبخ صقير



عاد اقرو السالفه هى يات عندى تشرب الجاى مراح تطول خو ريلها بالموت يرضى تيى عندى الشقه


عاد دق عيلها قمت خليتها تاخذ راحتها بالحجى ونا بالمطبخ اسمع بجى ييت الصاله الا واشوف الجوال مكسور وهى تبجى اقولها شفيج تقولى ريلى بييب اهل اخته عندى بالدور مالنا

هو مو انه بياخذ رايها هو بس يعطيها خبر على العلم ان البيت خالى من شقالات كل يوم وحده ولها يومها

وهى مسكينه اختى بيومها تتعب شنو قسيل شنو ريوق غدا عشا معجنات قهوه

ورمضان ياى يعنى بيزيدون الكمية ماشالله اخته وريلها وعندهم ست عيال يعنى بتتعب وايد

وقالها انه بياخذون المجلس زياده وبيحط جم سرير

يعنى المسكينه غير الكرف الى تسويه بياخذون تكرمون الحمام والمجلس مالها


هى قالتله برمض عند امى وبعد رمضان خذنى لانى تعبانه مقدر كافى ابوك وامك واخوانك هالنوبه اختك وعيالها وريلها زياده مقدر ولا بياخذون حمامى ومجلسى شحادهم قالها حشى عليج تطبين بيت امج لان بيت امى بعيد شوى واخته بييون عشان بيتهم فى تصليح وجذى يبيله اسبوعين تقريبا

وابوه الى هو حماها شقد نحيس وعصبى ومايخذ حجوة احد قال بيتنا فيه حريم ليش ناخذ خدم


وابوى قالى انتى مالج شقل خليهم يتفاهمون ويحلون مشاكلهم بروحهم

وانا باط جبدى ريلها والمشكله اخوى صقير بو 16 سنة محد راح ياخذ حجوته شسوى كاسره خاطرى اختى

 

[دلع الفريج]

الله يعينها صراحه

 

[مارشميلو..]

الله يعينها
لو مكانها والله ماطبخ لهم ولا شي
اسوي فطوري لي ولزوجي وعيالي
وانظف شقتي وبسسسسسسسسسسسس
ومدام بس اسبوعين شتسوي بعد اتحمل
عيشه صعبه الله يعينها المسكينه

 

[ملكةجمال]

بصراحة .. مشكلة إختج غمتني وايد و الله .. و شكلها إختج تعبانة حيييل من وضعها و ريلها مو قاعد يراعيها. لا حول و لا قوة إلا بالله العلي العظيم
جوفي حبيبتي .. إدا هي تحبه أكيد تهمها سمعته جدام الناس اللي عطاهم كلمة لا رجعة فيها طبعا لأنه عيب مو من مبادئنا و خاصة إن الضيوف من الأهل .. انصحيها تدكر الله و تهدي أعصابها ما نبي الموضوع يكبر لأنه مويضيع مؤقت و عابر و مدته معينة .. بس ينتهي و يعدي على خير لازم تقعد مع زوجها تتفاهم معاه بهداوة و من دون سخرية على أن لا يتكرر هالشي مرة ثانية.
و بالنسبة لموضوعنا الثقيل .. خليها تكلمه الليلة بعقلانية و أهم شي أهم شي تتفق معاه على أن يعفيها من خدمة أهله اللي ساكنين بالبيت خلال هالأسبوعين و تفهمه إنها هي إنسانة بالتالي طاقتها محدودة و عندها التزامات و واجبات دينية ما تقدر تجابل البيت كله و يتوقعها ما تتعب لا جسديا و لا نفسيا و يا ليتها ما تنسى تسأله: إنت تحبني؟ المحب ما يعدب حبيبه علشان لا يخسره. و أهم شي الأسلوب أختي الكريمة الفاضلة .. الأسلووووب .. خل تقولها بشاعرية و هي قريبة منه و لو تحط إيدها على كتفه أو تمسح على شعره بعد له مفعول أعظم و ضروري تعبر عن حبها له و ترجوه بعدم الإثقال عليها على الأقل كي تتمكن من مشاركته الفراش إدا رغب بها .. و أحسن وقت لهدا التفاهم هو الليل قبل ما ينامون و هي لابسة لبس النوم و إدا تنرفز مها خليها تسكر عالموضوع و تنام و الصباح رباح تفاتحه مرة ثانية.
إن شاء الله الموضوع يعدي على خير .. هو خطيييير و إختج تعبانة . لا سمح الله إدا ما تصلوا لاتفاق راح تصير زعلة جايدة لا قدر الله بس هم ما تدرين .. رب ضارة نافعة .. بس لا تقولين لها هالشي عشان لا تختار الإستسلام و تعفس حياتها على موضوع مؤقت عااااابر. أوكي؟ و طمنيني حبيبتي راح أحاتيكم حبيباتي و الله يديم هالمحبة الأخوية بينكم.
تحياتي.

 

[بلقيسو الحلوه]

تسكر الموضوع قالها رايى انا الى يمشى وصار الى صار

 

[ملكةجمال]

شنو اللي صار حبيبتي؟

 

[الأميرة جوري]

الله يكون بعونها

 

[ملكةجمال]

مو مهم تسكر الموضوع أو الراي ريه على قولته .. لازم هي تتفاهم معاه و توصل لاتفاق .. لا زم تخفف من حملها إدا تبي تطيعه و تحفظ كرامته جدام الناس و الا صدقيني راح تنهار و ما تقدر تكمل .. بالنهاية هي إمرأة كائن حساس و رقيق و شفاف و على فكرة حتى الشرع ما يقبل باللي قاعد يسويه زوجها .. شلون تقرر من دون ما تاخد راي زوجتك؟؟؟ مو هي شريكة حياتك؟ خليها تحاول يا قلبي و الا صدقيني ... لا قدر الله لا قدر الله ... بصراحة زوج مثل زوجها ... ما يستاهل خيرها و طيبتها و رقتها. هدا رجل لا يهاب الله في الناس.

 

[ازمه وتعدي]

ليش اخته ما تاخذ لها شقه مفروشه مدة اسبوعين ؟؟

ايجار لين تخلص شقتها اختج مو ملزومه فيها ولا بغيرها تطبخ وتنظف وتزحم البيت علشان خلق الله

مالومها صراحه خلها تقول له ماابي احد عندى وماابي اضايق رووحى وعيالى بالشهر الفضيل

الله يعينها

 

[جادل سبيع]

الحمد لله الذي عافانا مما ابتلاهم به وفضلنا على كثير من خلقه تفضيلا..
الله ايعين قلبها اخته ع عيني وراسي بس المشكله البيت عشه والشغل ايهد الحيل الله ايصبرها ياحياتي والله ضاق صدري عليها الله ايكون ابعونها اول شيء خل تقنع زوجها يايطلعون ويتوسعون اذا عنده امكانيه اريح لها حتى ع المدى البعيد اوايوسعون مكانهم اذا المكان يسمح واتجيب خدامه شسالفه عمها مايدري عنها تهبت حيت ماتت ليش هالقسوه والله حرام ...
الدور الارضي منو فيه خل تقعد اخته فيه واذا لا هذي و لا هذي شتسوي بعد تصبر الله ايعينها وايصبرها والله الموت اهو الشغل ولي خلصت تبي ترتاح مكانها مو لها او ازعاج والله من جد ازمه..

 

[ابتسمامه]

مالها الا الصبر والله يعينها

 

[ام زهقانه]

انا مع راي ابوج صح كلامه مالها الا دعا الي الله

 

[Tom ♥ Jerry]

.،

خل اتييب خدآمه تساعدها بـ شغل البيت ؟!
ليش ريلها مو راضي اتييب خدآمه و لا شنو ؟!
و اذا يآب آخته خل آهيه و حمآتهآ يتعآونون على الطبخ
مآفيها شي الحريم على طول يتعآونون !
يعني مو معقوله آخته رآح تاكل وتمسح ايدها بالقاع ! .،

و صج مثل مآ قال ابوووج ! آنتي خلج بعيده
خليها اهيه و ريلها يتفآهمون
لمآ يلقون لهم حل مناسب .، عسى الله يعينهآ !

 

[saaara]

وابوى قالى انتى مالج شقل خليهم يتفاهمون ويحلون مشاكلهم بروحهم؟؟


انتي شكو تتدخلين بلقافه


لا تدمرين حياة اختج ..لانج حشريه


وانا اكره الملقوفات الحشريات بحياة الاخرين ( مالج شقل فيهم





وبعدين بدلياتج وااااايد انتي شنو جنسيتج ؟

كلامج عربي مكسر

 

[saaara]

حددي انتي كويتيه : عندي حجوه( حجوه خالد العبدالجليل )هههه

او ايرانيه خو ريلها

او سعوديه واشوف الجوال مكسور

او بحرينيه وقالها انه بياخذون المجلس

او عراقيه وابوه الى هو حماها شقد نحيس

( بلقيسو _ شقد عــــدج بدليات )


امبيييه بدلياتج خخخخخخخخخخخخ

 

[saaara]

.،

خل اتييب خدآمه تساعدها بـ شغل البيت ؟!
ليش ريلها مو راضي اتييب خدآمه و لا شنو ؟!
و اذا يآب آخته خل آهيه و حمآتهآ يتعآونون على الطبخ
مآفيها شي الحريم على طول يتعآونون !
يعني مو معقوله آخته رآح تاكل وتمسح ايدها بالقاع ! .،


و صج مثل مآ قال ابوووج ! آنتي خلج بعيده
خليها اهيه و ريلها يتفآهمون
لمآ يلقون لهم حل مناسب .، عسى الله يعينهآ !

الحمد لله الذي عافانا مما ابتلاهم به وفضلنا على كثير من خلقه تفضيلا......................................................


كفو عليج شمحوطه _

عطيتها كلام بالعظم واذا تفهم (وماعتقد تفهم بلقيسو)

تبتعد عن حياة اختها الخاصة _وما تتدخل فيها _


شكثر عندنا بالكويت نوعية بلقيسو التافهة .

 

[انا لحبيبي .]

الله يكون بعونها ، وخليها تكسب فيهم الأجر

تتحملهم فتره اسبوعين ، بفيدها للزمن هالجميل

 

[-_-NONO-_-]

انا اقول انها تصبر ولا تجهد نفسها وتحاول ما تحتك فيهم وما تبدع بالطبخ بس صنفين والمفروض من زمان اختك تتفاهم مع زوجها انها مع حموله محتاجه شغل وعندها اطفال محتاجين رعايه مو تجي قبل رمضان بكم يوم وتزعل

 

[ماحب اتدلع]

الواحد دوبة يعابل نفسة بعد اخت ريلها ماعندها احساس 6 عيال غير ريلها شنو هذا لو انا منها مااقعد بالبيت قطيعه ويبي ييب اخته خلة اهو يطبخ وينظف مع ويهه

 

[أم توتو]

الله يعينها ويحسن حالها مالها الاالصبر