مشكاتي مع زوجي

[مملكة الحب12]

ياحريم المنتدى شوفوا هالمشكلة وابي رايكم بصراحه والله ماراح ازعل اذا معاي حق ولا لا
انا زوجي زين معاي بس في شغلة انا اضايق منها لدرجه ان تصير منها مشاكل قوية بيني وبينة وتوصل للطلاق ويقول انتي ادققين وايد مثلا اذا نام ينام ومايحس فينا ولابعيالة واذا طلعت انا وياة وخليت عيالي مع الخدامة كل شوية ادق على الخدامة واطمن اهو مايقولي دقي اطمني مثلا واذا نزل معاشه مايذكر الجمعية نشتري اغراض البيت الا اقوله ويقول يالله نروح اقوله ليش اتذكر من نفسك يقول شنو يعني نفس الشي ليش تزعلين ومثلا مايقعد مع البنات بغرفتهم ويعلمهم اشياء نفسي انا وطلعتنا مايقول مثلا باجر او الجمعه او الاسبوع الجاي اطلعكم الااقولة ياللة نطلع يقول ياللة وهم ازعل واقولة ليش ماتقول من نفسك يقول انتي ادققي ومثلا ثاني يوم العيد انا كنت عند اهي وقلت الحين اجيك انا وعيالي عشان نطلع قال اوكي طبعا خذيت جم ساعه على ماكشخت ولبست عيالي وشفته مادق علينا ولاسال وينكم المهم جيت واطق الباب والا الاقي الاخ بسابع نومه جان اقول بدال ماتنطرنا وادق علينا وينكم عشان نطلع الانايم واليوم عيد والناس طالعه بس طبعا مو بصراخ بس بضيقة جان يضايق ويقول شصار يعني انا نمت وقلت اذا جيتي راح تقعديني وبعدين زعل وصارت بني وبينة وخربت الطلعه ونفس هالامور هذة مرة اتعامل معاه وافهمة باسلوب حلو ماكو فايدة ومره بصراخ وزعل وضيقه وهم ماكو فايدة على اساس اني اعودة علينا على قوله المثل زوجج على ماتعودينه بس اشوف مافي فايدة والامور تعقد اكثر ماتنحل وقام يكرهني من يشوفني مضايقة منة ويقول انتي ادورين الزعل والضيقه واللي يغثني انه اهو صاير يزعل كل ميشوفني اضايق على شي يخص هالبيت وهالعيال ومادري ابي نصيحتكم

 

[The Boutique]

رد : مشكاتي مع زوجي

انا اقول حمدي ربج انتي مع احترامي لج دعله يعني هذي اشياء سخيفه ويكفي انه مايكسر شوكتج ولا يدقرج وكله يطيع اوامرج ويقولج يلا
وشفيها اذا نام الفقير !!!!!!!! اصلا المفروض اول ماتطلعين من بيت اهلج اتدقين عليه تتاكدين جاهز او لا
والجمعيه زين يوديج اغلب الرياييل انسي يسوون جذي

الغلط فيج اسمحيلي

 

[الشهد كله]

حبيبتي علدي ترى أغلب الشباب هذا وضعهم ، وعندهم النوم قبل كل شي

انتي حاولي تعودينه على طبعج من غير ضيقة ولا زعل ،،،،،،،

يعني مثلاً سالفة العيد جان دقيتي عليه تلفون وقعدتيه من النوم قبل لا تتعنين وتروحين البيت وتلقينه نايم

أو جان طلعتي بدري عشان يمديج تقعدينه من النوم .........

أما سوالف الجمعية هذي لازم كل شهر حاله من حال كل الأزواج ترى مو بس اللي عندج !!!!!!!!!

حاولي تصيرين هادية وباردة لما تطلبين منه شي ، بدون تنرفز أو عصبية عشان ما يمل

ترى كثرة الحنة والرنة بالبيت اطفش الريال ، فا انتي ليش تييبين الغثى حق نفسج ؟؟؟

إذا تبين منه شي ذكريه قبلها بيوم ، ترى باجر نبي جذيه وجذيه ، ترى باجر أبيك توديني المكان الفلاني

اخذيه على قد عقله ولا تكبرين الأمور ، ترى الريال كل ما يكبر يبيج تعاملينه مثل الياهل اللي عندج

في البيت !!!!!!​

 

[ام الدرر]

قالها زوجج انتي وااااااااااااااايد تدققين
حبيبتي اذا موطبعه ماراح يتغير
حتى لو تبينه يتغير اخذيه بالمساحل مو تزعلين على انه ما بدا بالشي او ما طلع منه
خلي نفسج طويل
وقوليها على غشمرة ودي يوم انت تقول يللا لبسو بنطلع
او قولي له لايكون تفكر يوم تسوي لي مفاجاة تطلعني اخاف يوقف قلبي
حتى الجمعية اقترحي اقتراح قولي له _(حببيبي او اسم الدلع اللي تنايدينه ) نبي اغراض شوف متى انت فاضي عشان نروح
بتشجعينه يحدد الوقت
غلطتج بالطريقة انتي تتحكمين فيه
ماتقول ماتسوي
خلى الدفة او السكان بايده حتى لو طول او طال الوقت عطيه فرصة يتحكم ويحدد​

 

[دنيتي غلا]

رد : مشكاتي مع زوجي

خفي على زوجك شوي انتي تدققين حييل علا امور سخيفه حاولي تدلعينه وتاخذينه شوي شوي مو بالطريقه هاذي بالعكس يبي يمل ويقول عنك نكديه غيري من اسلوبك شوي


واسفه اذا جرحتك او ضايقتك كله عشان مصلحتك والله يخليه لكم....

 

[fdeet_shosho]

انا ماشوف انها مشكله هذا طبع الرجال اذا تبين شي قوليله ابي الشغله الفلانيه ودام مايردج عن شي ليش تزعلين وتتضايقين دام اللى بخاطرج يسويه لج - حبيبتى في رجال لما تقوليله طلعنا يقول انطقى بالبيت مافى طلعه ولانى موديكم مانى فاضي ويطلع يسهر مع ربعه ! احمدى ربج زوجج وضعه اخف مليون مرة والله قوليله كل مرة ودنى عادي وتجي العافيه مافى مشكله والله يهنيج

 

[أم الحلووووين]

نفس طبع زوجي .. كأنك تكلمين عن زوجي ..
عاادي طوفي الحمدالله احسن من واحد خايس لا يودي ولا يجيب ..
عالاقل اذا قلتيله يرضى ..انا مازعل صج يحز بخاطري عمره ماقال خل نطلع الا انا اقول بس تعودت بس اتغشمر معاه اقوله نفسي ومنى عيني تطلع منك ..
قووووووولي الحمدالله

 

[أم حوور]

عادي حبيبتي



كثري من طلعاتكم مع ابو العيال



ولا تدققين بالشي سواء انتي قلتي او هو اللي قال

 

[Spanish Princess]

رد : مشكاتي مع زوجي

عااادي وما فيها شي
شي طبيعي الزوجه تهتم اكثر من الزوج بامور البيت وعيالها
واهو شكله وااثق فيج واايد ومطمن ع عياله معااج
حبيبتي لا اطفرين الريال باسلوبج هذاا
خلج عاادي
وسعي صدرج ما تستاهل السالفه توصل للطلاق

 

[Hello_kitty]

انا ماشوف انها مشكله هذا طبع الرجال اذا تبين شي قوليله ابي الشغله الفلانيه ودام مايردج عن شي ليش تزعلين وتتضايقين دام اللى بخاطرج يسويه لج - حبيبتى في رجال لما تقوليله طلعنا يقول انطقى بالبيت مافى طلعه ولانى موديكم مانى فاضي ويطلع يسهر مع ربعه ! احمدى ربج زوجج وضعه اخف مليون مرة والله قوليله كل مرة ودنى عادي وتجي العافيه مافى مشكله والله يهنيج

نفس كلامها بصراحه وووووووين المشكله؟؟واحيانا بعد توصل لي الطلاق على شنووووو؟؟

تبين الصج والله العظيم كسر خاطري ريلج احسه طيوب وعلى نياته وانتي غاثته وقاعد تخلقين المشاكل وتدققين
يعني شنو ما قالي نروح الجمعيه؟؟اكيد المرا اهي اللي تعرف الأشياء الناقصه واللي تحتاجها للبيت ؟؟

ومسكين مو مقصر قاعد يوديج ويدفع ويسمع كلامج بعد شتبين؟؟

اقول تحمدي ربج وخفي على الريال وترى النعمه زوااااااااااااااله والله يعين ريلج

 

[سارووه الاموره]

هههههههههههههههههههههههههههه

بسج تدقيييق ..

 

[كنوشة 2009]

بصراحة بدون ما تزعلين انت دعلة ودقيقة اصلا حمدي ربك ان كل ما قلتي له يطلعج وويدج
انت تقرين المشاكل اللي تكتبها البنات اهني ؟ وشوفي مشاكل غيرك تهون عليج مشاكلج

 

[يا ليل مطولك]

غلطاااااانه

اهم شي انه يسوووووي الي تبينه هو تذكر انتي الي ذكرتيه المهم حاجاتكم قاعد يأديها

لا تكرهين زوجج فيج عيشي حياتج معاه لا تخلين بيتكم مشاكل وهواش على اشياء مالها معنى


لو فرضا قلنا انه مقصر بحقكم لا يودي ولا يعطي ولا يمشي هني صح لج حق تاخذين موقف لكن بموضوعج هذا الي اشوفه انه مو مقصر

والله يهيدكم لبعض ياااااارب

 

[شيخه الحلى]

أمبيـــــــــــه وين المشكله؟؟
:gr4uu:
شنــو المشكله؟؟
شنو فيييييييييييييييه
سامحيني بس صراحه الله يعين ريلج عليج

ياحريم المنتدى شوفوا هالمشكلة وابي رايكم بصراحه والله ماراح ازعل اذا معاي حق ولا لا
انا زوجي زين معاي بس في شغلة انا اضايق منها لدرجه ان تصير منها مشاكل قوية بيني وبينة وتوصل للطلاق [COLOR="DeepSkyBlue[SIZE="6"]"](اي شي [/SIZE][/COLOR]:q8: ويقول انتي ادققين وايد (صاج الريال) مثلا اذا نام ينام ومايحس فينا ولابعيالة [COLOR="deepskyblue[SIZE="6"]"](نومه ثقيل شسوي يعني؟؟ يعني شنو قصدج يحس فيج وبعياله؟ نايم شتبين فيه؟ خليه ناي[/SIZE]م)[/COLOR] واذا طلعت انا وياة وخليت عيالي مع الخدامة كل شوية ادق على الخدامة واطمن اهو مايقولي دقي اطمني (ههههه ليش يقولج دقي اطمني؟؟؟انتي قاعده ادقين وتكلمين الخدامه انتي الأم.. كلنا جذيه احنا اللي اندق) مثلا واذا نزل معاشه مايذكر الجمعية نشتري اغراض البيت الا اقوله (اي انتي ربه البيت وانتي لازم تقولين له اهوا شدراه انج تبين جمعيه ولا في اغراض ناقصه؟؟؟ انا اللي اقول حق ريلي نبي جمعيه لأن انا اللي اعرف ان في اغراض ناقصه اهوا شدراه؟؟؟ ويقول يالله نروح اقوله ليش اتذكر من نفسك (وييييييه شنو سوى الريال؟ شكلج نجريه) يقول شنو يعني نفس الشي ليش تزعلين (اي والله ليش تذزعلين؟؟؟ مافي شي يزعل؟ ولا بس تحبين النكد) ومثلا مايقعد مع البنات بغرفتهم ويعلمهم اشياء نفسي انا وطلعتنا مايقول مثلا باجر او الجمعه او الاسبوع الجاي اطلعكم الااقولة ياللة نطلع يقول ياللة (كل الرياييل جذيه لازم تقولين له يله نطلع.. اصلا زين قاعد يطلعكم لما تقولين له والله يا أنه في رياييل ما يطلعون حريمهم إلا بالسنه مره) وهم ازعل واقولة ليش ماتقول من نفسك (وييييييييع :cxxxp: الله يعينه عليج شنو هالنكد) يقول انتي ادققي ومثلا ثاني يوم العيد انا كنت عند اهي وقلت الحين اجيك انا وعيالي عشان نطلع قال اوكي طبعا خذيت جم ساعه على ماكشخت ولبست عيالي وشفته مادق علينا ولاسال وينكم المهم جيت واطق الباب والا الاقي الاخ بسابع نومه (إذا انتي على قولتج صارلج جم ساعه تلبسي تبين الريال يحط إيده على خده وينطر الأميره زوجته تلبس عشان يطلعها؟؟ انتي شوفي نفسج الأول انتي بروحج متأخره.. خلي ينام مسكين.. عيد والناس كلها تعابه خل ينام تحاسبين الريال على النوم!!!) جان اقول بدال ماتنطرنا وادق علينا وينكم عشان نطلع الانايم واليوم عيد والناس طالعه (واهوا شنو سوا مسكين؟؟ قال بيطلعكم ماقال شي!!! وااااي عليج فضيييعه) بس طبعا مو بصراخ بس بضيقة جان يضايق ويقول شصار يعني انا نمت وقلت اذا جيتي راح تقعديني وبعدين زعل وصارت بني وبينة وخربت الطلعه (والله محد خرب الطلعه غيرج.. زين يسوي فيج) ونفس هالامور هذة مرة اتعامل معاه وافهمة باسلوب حلو ماكو فايدة ومره بصراخ وزعل وضيقه وهم ماكو فايدة على اساس اني اعودة علينا على قوله المثل زوجج على ماتعودينه بس اشوف مافي فايدة والامور تعقد اكثر ماتنحل وقام يكرهني من يشوفني مضايقة منة (صراحه لوعتي جبده.. انا لاعت جبدي.. صج زوجه نكديه) ويقول انتي ادورين الزعل والضيقه (والله صـــــاج) واللي يغثني انه اهو صاير يزعل كل ميشوفني اضايق على شي يخص هالبيت وهالعيال ومادري ابي نصيحتكم

سمحيلي انتي مثال للزوجه النكديه
انا اقول راجعي نفسج و راجعي تصرفاتج مع زوجج وحاولي تعاملينه معامله احسن من هذي ولا تزعلينه على توافه
ولا تحفرين قبرج بإيدج

وسامحيني إذا تعليقاتي قاسيه معاج بس ترى عشان مصلحتج وعشان تصحين من اللي انتي فيه

 

[لمسه حزن]

رد : مشكاتي مع زوجي

حبيبتي

الرياييل مايحبون الوحدهـ الحنانه

تقدرين تذكرينه بكل شي تبينه

بعده طرق مع ابتسامه خفيفه و دلع

وكل شي محلول مافي داعي

لضيق و الزعل و لا تنسين

ولدج على ماتربينه و ريلج على ماتعودينه

طلبي منه كل شي

باسلوب هااادي وريلاكس و لا تدققين

ترا الريال بعدين يطفش

الله يوفقج

تحياتي لج

 

[دلوعه صح]

حبيبتي لا تزعلين مني انا برايي عادي في واد رياييل جذي مو بس انتي حمدي ربج انج كل ما تقوليله بطلع او جمعيه او اي شي ما يقولج لأ يلبي طلباتج ترى في ريا ييل مالهم شغل بهذا كله يخلون المره اهي الي تروح الجمعيه واهي الي تطلع العيال واهي ملزومه من كل شي على الاقل انتي اذا قلتيله شي يقولج حاضر ما يقولج لأ عادي شنو يعني( انتي تذكرينه) يعني يكون انتي متضايقه من هالسالفه عيل شخليتي حق المشاكل الكبيره الله يوخرنا عنها عيل اشبتسوين

 

[كويتيه مذهله 87]

بكل صراحه انتي الغلطانه وزين ما انحاش ريلج

,,,

 

[Cruella Devil]

أمبيـــــــــــه وين المشكله؟؟
:gr4uu:
شنــو المشكله؟؟
شنو فيييييييييييييييه
سامحيني بس صراحه الله يعين ريلج عليج





سمحيلي انتي مثال للزوجه النكديه
انا اقول راجعي نفسج و راجعي تصرفاتج مع زوجج وحاولي تعاملينه معامله احسن من هذي ولا تزعلينه على توافه
ولا تحفرين قبرج بإيدج

وسامحيني إذا تعليقاتي قاسيه معاج بس ترى عشان مصلحتج وعشان تصحين من اللي انتي فيه

أنا معاها ماشاءالله كفت ووفت

 

[DooLy88]

عادي قلبي

اهو يمكن بارد
بس لما تذكرينه بالشغلة يسويها
مايطقع لج

قولي الحمدلله

 

[super.cute]

وييييييييييييييي اشدعوه طلاق امبييييييييييييييه

شوفي مشاكل غيرج---وانتي اللي قلتيه موضوع عادي مو (مشكله)


وحمدي ربج على النعمه--وشغلي نفسج بشي ثاني دشي نادي طلعي مع رفيجاتج زوري

صدقيني راح اتقوليين عن نفسج بعديين ماعندي سالفه