مشششششششششششكله !!

[zarafa]

بناااات مشكلتييي مالها حل !!

عندي بنت اب تاسع و بنت اب اولى ابتدائي
اللي اب تاسع لسانها يلوووط اذااانهاا و شيطانه و ماتخاف و تراااادد الكل حتى الابلات و لاتشوووفوون ماكوو احد بالمدرسه ماتعرفا اهيا رئيسة شله شييطااانه بالمدرسه و ماكوو شي ما سووو !

و الحين توا بنتي اللي اب اولى يايتني و معاها استدعاء صااارت مثل اختها !!

شطااااانه و مرااادد و الابلات يقولووون اول مره مر علينا بنيه عندها لساااان جذي

و لاني ام صغييره فمعتبرتهم خوااتي الصغار و اهما كذلك

و احبهم و ماقدر ازفهم ! و مراات اضحك على سوالفهم بالسكووول :dddds:

و امي تقوولي يالله شوووفي هاذي انتي ونتي اب سنهم لساااان و مراااادد ههههههههه و عناااد

اتقوولي امي كلميي الكبيره عن الحجاااب تيووز بس شلووون و انا اصلا مو متحجبه هههه !!!؟

الحييين المشكله بنتي الصغيره ! هذيييج بس ماقدر اسنعها بس هااذي توهااا ياااهل !!

و الحين توني حامل امي تقووول اذا طلع ولد و نفس بناااتج الله يعيينج

 

[أمانيQ8]

اول شي اشوفج فرحانه بشطانتهم ...!! يعني انا اتخيل نفسي بمكانج اموووت!
انا صغيره حبيبتي وعندي بنت بعمر بنتج وصج من ابلغت تغيرت صارت عصبيه واترادد بس مو مثل بنتج .. يعني لي ردت علي ترد بخوف لان من صغرها امعلمتها انها تحترمني وتحترم ابوها والكل... وادري بعد قلبي لي ردت ساعات مو منها غصب عليها لانها تمر بفترة مراهقه فأنا اشفق عليها ودووم اوجها للطريج الصح...وبعدين بنتج بأولى ابتدائي يعني توها صغيره بيدج تكلمينها وتنصحينها موشرط اتزفينها .. كلنا نحب اعيالنا ومرتبطين فيهم ارتباط روحي بس مو اخليهم يدمرون نفسهم ويتشيطنون من غير ما اردعهم... شنو يستفيدون اذا اتركوا طابع سيئ عنهم عند الناس سواء بالمدرسه ولا البيت ولا عند الأهل...علميهم اختي وفهميهم اذا صج تحبينهم وضحي لهم الصح من الغلط باجر وراهم حياه طويله عريضه وراهم زواج وراهم اعيال اشلون بيربونهم اشلون بيعشون مع الناس ويتأقلمون معاهم اذا هذي اطباعهم.. حسافه عليهم
المطلوب:لا تصرين راخيه معاهم خليج معتدله خليهم يحترمونج لا تشدين وايد ولا ترخين ... وبنتج الصغيره ترا عندي بنت بعد بعمرها بأولى ابتدائي الله لايوريج بالبيت شطانتها شاقه الأرض وطالعه والاسبوع اللي فات كان اجتماعها بالمدرسه ورحت وحاطه ايدي على قلبي قلت الله يستر الحين اكيد بيقولون قراقه ماتسكت بالصف وتحوس ...وتفاجأت بالمدرسات يستقبلوني بريج حلو وقالوا لي انتي ام قلانه؟؟ ماشالله ونعم التربيه أدب اخلاق نظافه شطاره كل شي!! قلت بقلبي اخاف غلطانين.. قلت لها بنتي فلانه الفلاني... اخاف عندج نفس الاسم قالت لا والله اعرفها زين ماكو اسم مكرر بالصف الله يتمم عليج وخليها على طول جذي
رجعت البيت وقلت لها انتي بالمدرسه هااديه يقولون اشفيج بالبيت امطلعه روحي؟؟؟ قعدت تضحك بس فكرت فيه ان شطانتها مو طولة السان بالبيت لا شطانه عاديه يعني ماتخلي شي من الكبتات ما اطلعه تعفس الدنيا والصاله بلحظه تتناجر مع خواتها وقلت الحمدلله هذا حاصل بكل بيت بس عمرها ما اطول السانها واتذكر مره بالروضه كانت مادري اشصار المهم انها اصرخت علي وانا بس شفتها جذي كفختها على حلجها ومنها تابت ... اللي ابي اوصله لج علميهم من صغرهم وحاولي مع الكبيره تصيرين جاده في بعض الاوقات .. والله يسهل عليج حمالج واسفه قرقت وايد عليج

 

[zarafa]

مشكووووووووره حبيبتي بس ماحب اطق انا

و بنتي الكبيره انا مو جاده معاها لاني واثقه فييهاا كل اسرارها عندي و ما اطول لسانها علي

شطانتها بالسكوول مو طبيعيه !

عندها 3 تعهدات و قعد اقولها جمال و جسم و مشاءالله تينن بس طووول لسان !

و امي كل ما هاذا اتقووول انتي كنتي جذي

و هاذا اللي يخلي بنتي عادي

اهما نوعهم على بنات خالاتهم اذا قالولهم شي او سبووهم ردهم يااكل يردووون اب مليووون كلمه

بس الكل يحبهم

و بنتي الكبيره مرات اطلع مع شلتها و جذي يعني حتى اهما رفييجاتي

و يحبووني لاني فرييي و ارضى اب كل شي

بس انا مشكلتي الياهل !! وايد اتحب المشاكل مره رايحه قايله حق ابلتها انتي ليش متينه ؟ تشبهين خدامة عمي !! و سوولها استدعاء !!

و قالوولي الله يعيينج عليها

كل اسبوع استدعاء ابووها زفها قبل لايسافر هدت شويا بس الحين ردت

 

[مكسـوره وتبـرد]

ما اقدر اقولج غير ان الله يهديهم لج ويصلحهم لان هالشي بيرجع تالي عليهم وفلا تعطينهم الفرصه انهم ياخذون هالطبع لانج انتي اللي بتتعبين معاهم بااااااااااااااااااااااااااجر
اسمحيلي يا قلبي

 

[zarafa]

الحمدالله على كل حاال يلا بنات انا استآذن بنتي مسويه حفلة دجي و بس رفيجتها البووويه يايا الحبيبه عابلها الحين و الحفله الساعه 9:30 يلا خلاروح اودييها عند بنتي و اظيفها اب ماي عصيير شي !!

 

[DooNy]

بصراحه لا تعليق!!!

 

[bambena]

ماشالله انتي ام مودرن ياريت الكل يقتدي فيج

قوليلي عفيه اساسيات التربيه عشان اطبق تقفين تقفين


الحمدلله الذي عافانا

 

[Dancing^Queen]

الموضوع مغلق

لاجديه في الطرح
ولا رغبه بحل المشكله
العرض فقط للتفاخر
الله يعين العيال عليج
اذا الام ماتقدر تربي عيالها ومتانسه بوقاحتهم وقله ادبهم وسوء اخلاقهم وتتفاخر انها مسويه دي جي وحفله وصديقه بنتها بويه ! ماظن ان في هدف من الموضوع او النقاش بحلول لان صاحبته الام لاترغب بتربيه بناتها
اختي
هالقسم اسمه اولياء الامور
لي قررتي تصيرين وليه امر ومسؤوله حياج الله بينا نساعدج ونكون لج خير سند وصديقات
اما مسئله تقضين وقتج وتتسلين
سمحيلي
ماله داعي تضيعين وقتنا ووقتج
ممكن هالوقت اللي قضيتيه في طباعه هالموضوع ومتابعته تستسغلينه بشي افيد
وممكن هالوقت اللي قضيناه اواحنا نقرا هالموضوع ونرد نستغله بالرد وقراءه مشكله جديه تحتاج رد

وارجو اعتبار هالرد تنبيه اداري اول لك
_______________



تم تعديل الرد لتصحيح معلومات وردت بالخطأ - اعتذر لصاحبه الموضوع للخطأ الغير مقصود بعمر بنتها
واشكرها علي تواصلها بالخاص لتصحيح المعلومه