مشروع مشغل ..!!

[سمو النفس]

مرحبا صبايا

ناويه بإذن الله افتح مشرووع صغير مشغل وابي منكم مساعده خاصه اللي ماشين بهالمشروع وعندهم خبره ياليت يفيدونا عسى ربي يرزقهم من واسع رزقه يارب

اول شي ناويه استأجر مكان للمشغل مثل شقه صغيره مبدئيا لان مااقدر احطه بشقتي ماكو مكان وانا اصلا بشقه اجار ...

وتنصحوني اجيب خياطه بالبدايه لين يتوسع الشغل اجيب الثانيه ..؟

وكم تقريبا تكاليف هالمشرووع من الخياطه اللي بجيبها وكم ماكينه يبيلي ..؟

بنـات نبي تجاربكم بليز لا تبخلون علينا بجد هذا حلمي يكون عندي مشغل خاص فيني وانا الحمدالله فاهمه من ناحيه التصامييم والخامات وكل شي بس من ناحييه المشرووع ودي اخذ خبرره منكم عشان اعرف الميزانيه​

 

[جوري!]

ياحياتي الله يوفقج المشروع ان شاء الله ناجح خاصه انه عندج خبره بالخامات
و احنا نعتبر من محبات المشاغل


انا اقوووول قبل لا تغامرين وتأجرين شقه وتكودين المكاين والمنيكانات و الخييايط
وماتدرين سبحان الله تواجهج صعوبات او تصير مشاكل وعقبات بطريقج
وتضيع فلوسج وحلالج على الفاضي من غير شر



حاولي قبلها انج تسوين عينات بسيطه
سواء كنتي ناويه دراريع ؟؟؟ شوفيلج خياط شاطر او من خياييط البلوكات
ولا حتى خيايط الجمعيه الشطار يفصل لج على حسب الموديل والفكره اللي براسج
وتعاملي معاه سويلي تشكيله منوعه


واحجزي لج بوث بهالمعارض
شوفي اقبال الحريم على شغلج
شوفي شنو الأخطاء شوفي شلون تقسمين وقتج وميزانيتج


لا تدشين بقوه وتجين من اقصاج وانتي توج عليميه
حاولي تبدين تطقطقين على الخفيف
اخذي اوردرات .. شوي شوي شوفي وضعج شلون بحيث لو لا سمح
الله صار في شي الا انتي طالعه بأقل الخساير


اما بخصوص المشغل المشغل
فـ أترك المجال لصاحبات التجربه الفعليه
ولو اني أأيد انج تفصلين وتخلينه جواهز .. احسن لج



بالتوفيق قلب

 

[FDET NFSY]

ااااااااااااااااااااااب

 

[سمو النفس]

ياحياتي الله يوفقج المشروع ان شاء الله ناجح خاصه انه عندج خبره بالخامات
و احنا نعتبر من محبات المشاغل


انا اقوووول قبل لا تغامرين وتأجرين شقه وتكودين المكاين والمنيكانات و الخييايط
وماتدرين سبحان الله تواجهج صعوبات او تصير مشاكل وعقبات بطريقج
وتضيع فلوسج وحلالج على الفاضي من غير شر



حاولي قبلها انج تسوين عينات بسيطه
سواء كنتي ناويه دراريع ؟؟؟ شوفيلج خياط شاطر او من خياييط البلوكات
ولا حتى خيايط الجمعيه الشطار يفصل لج على حسب الموديل والفكره اللي براسج
وتعاملي معاه سويلي تشكيله منوعه


واحجزي لج بوث بهالمعارض
شوفي اقبال الحريم على شغلج
شوفي شنو الأخطاء شوفي شلون تقسمين وقتج وميزانيتج


لا تدشين بقوه وتجين من اقصاج وانتي توج عليميه
حاولي تبدين تطقطقين على الخفيف
اخذي اوردرات .. شوي شوي شوفي وضعج شلون بحيث لو لا سمح
الله صار في شي الا انتي طالعه بأقل الخساير


اما بخصوص المشغل المشغل
فـ أترك المجال لصاحبات التجربه الفعليه
ولو اني أأيد انج تفصلين وتخلينه جواهز .. احسن لج



بالتوفيق قلب

ماقصرتي حبيبتي وعسى ربي يوفقج ان شاء الله
تفكيرج صح انا معاج بس الخياطيين ماكو تميز ولو بسوي عنده مثلا بدله من تصميمي بيعرضها وهنيه ماكو تميز وخوفج يعرض البدل يعني ما اضمنه بسراحه .. بس فكرتج مبدئيـأ حلوه وتيب اذا بسووي اسوي على قطعه ووحده وجاهزه على قولتج ولا كذا قطعه ..؟ ومشكوووووووره:eh_s(17):

 

[عادي بدون نك]

ربي يوفقج

وانا مثلج اابي مشروع ناجح ومربح وماشي عندنا

خصوصا عندنا مناسبات كثيرة

وانا متابعه معاج

 

[سمو النفس]

عادي بدون نك

بالتوفيق حبيبتي

 

[سمو النفس]

ياليت التاجرات واللي عندهم خبره يفيدونا خلونا نستفيد ​

 

[رحاب النعيمي]

الله يوفقج ان شاء

 

[ام سالم وايه]

الله يوفقج

 

[سمو النفس]

شدعوه يعني مافيه احد عنده خبره بهالمجال وينكم يا تاجراات نبي خبراتكم ​

 

[!الجادل الصعب!]

حبيبتي
ماعتقد في صاحبة مشغل تفيدج لاني سالت من قبلج
يخافون تقطعين رزقهم مايدرون ان الارزاق بيد الله ..
مالج الا تبدين حبه حبه بجم قطعه وطاوله بمعرض وتعاملين
مع خياط وتشوفين حظج وتتعلمين مم التجربه قبل
لا تبدين وتشترين عدة مشغل وخياط الخ .

عسا الله يوفقني ويوفقج

 

[سمو النفس]

الجادل الصعب
كنت متوقعه انه التاجرات مستحيل يقولون تجاربهم ماادري على شنو ومايدرون ان الارزاق بيد ربي سبحانه ويارب يعطي كل وحده على قد نيتهاا

 

[لينوفر]

مثل ماقالولج البنات لاتغامرين وتحطين فلوسج باجار ومعاش خياطه ومكاااين لاااا..
اول شي اخذي تجربه وخبره ...



فصلي موديلات من اي خييياط شاطر
واخدي طاوله من معرض وشوفي الاقبال وشوفي شنو المطلوب ..
وشوي شوي اذا حسيتي في ربح وفايده ..
توسعي وسويلج مشغل بمكان وخلاص تصيرين معرووفه بدون معاااارض

 

[سمو النفس]

ليوفنز يعطيج العافيه حبيبتي ومشكووورين بنات لكل اللي ردوا

بنـات تيب اذا خذيت طاوله بمعرض بسوي بدل عروس واستقبال لاني احب تصاميمهم تنصحوني اسوي جاهزين وابيعهم ولا اسوي على وحده وحده واللي تبي اسويلها على الطلب شرايكم لان مغامره اذا سويت جاهزين يمكن ماتناسب احد كـ مقاصات اللي بيشترون ..؟

 

[!الجادل الصعب!]

انا افضل تاخذين اوردرات لان صعبه تعممين المقاسات
واذا لاقت علا احد بيعيها مافي مشكله 

 

[lebanon night]

انا مع انوا تعملي بالطلبية و اذا بدك نصايح أكتر بهل الموضوع دوري بمواضيعي عن موضوع اسمه شهرزاد حتلاقي فيه نصايح كتير مفيدة

 

[سمو النفس]

يعطيكم العافيه بنات ماقصرتواا​

 

[حلا الألماس]

انا اعرف مشغل بالفروانيه ومجهز بالكامل مع الرخصه والايجار بسعر حلووووو

 

[سمو النفس]

مشكووره حبيبتي بس الفروانيه بعيده علي حييل

 

[Mona Lisa]

الله يوفقج حبيبتي

وياليت البنات يفيدونج وما يقصرون وانا نفسج بعد احب اسوي لي مشغل بس للحين محتاره