مشروع خياط في البيت ؟؟ ساعدوني شو المطلوب ؟

[to0omy]

السلام عليكم ...



شخباركم خواتي ؟؟؟


انا حابه اسوي مشروع خياط في البيت ...

بس قبل لا ابدا المشروع .. ابي اعرف كل اللي يتطلبه هذا المشروع ..

شو بيكلفني ؟؟ وشو لازم اشتري ..؟؟

كيف اسوي الحسابات ... يعني الفلوس اللي بدخلها من ورا هالمشروع ...

اللي مسويه مثل مشروعي في البيت ياليت ماتبخل عليه بأي معلومه ..


للأعلم انا من الامارات :ggdw:


ثانكيووو خواتي

 

[رويال كلاس]

بسم الله الرحمن الرحيم

قبل اي شي باي مشروع....عندج زباين؟ لج مقدرة تسويقية علي جلب زباين؟ انتى اللى تباشرين التسويق ولا احد يباشرلج؟
عندج موهبة في خياطة كل اليديد علشان الزباين ييوج , موهبة+ اتقان+ صبر

أهم عاملين في اي مشروع : 1- التسويق (الزباين) 2-الشغل السنع

اما مسألة الفلوس بتختلف حسب طاقتج علي البداية (صغيرة - متوسطة - كبيرة)

صغيرة: عدد 3 ماكينات خياطة + 3 شغيلة عليها + 1 تخصص تسويق(اللى ممكن تكون انتى)
التكنينك: 1-سوقي داخل إطار العائلة بالأول , والحمد لله مجتمعنا العربي بيخلي الشغلة تنتشر من نطاق ضيق لأوسع
2- حطيلج اعلان صغيرون في مجلة تسويقية أو اطبعي عدد من البلشورز وخلي سايقكم أو احد يوزعها + طبعى مجموعة من كروت البزنس (مفيدة حيل صدقينى) وزعيها بجيس الزباين أو تعطينهم اياهم بايدهم
3- اشتغلي مجموعة من الموديلات الهاااابة وعليقهم عندج علشان يكون معرض فرررري لكل واحدة داشة عندج
4- بلجي بسعر معقول (لجلب الزباين) , لو الشغل صار عليه طلب أوفر , زيدي بشكل معقول بطريقة متصاعدة ,علي سبيل المثال بعد شهر 5 أو 10 , بعدها ب 3 أشهر 20 وهكذا
5- احتفظيى بأرقام زباينج واساميهم بأجندة ما عندج, ولمن يكون في موسم كالأعياد وخلافة سوي عروض علشان تشجعى الزبونه تيييج حتى لو ما لها حاجة ...تدرين الانسان لمن يشوف شىي فررري يركض عليه حتى لو بيشتري قدامه شى ثاني

هذي دراسة جدوي تقريبة للمشروع الصغير ....يارب تفيدج
المسألة التقديرية لمسألة الفلوس جم بالظبط؟ ما اقدر افتيج فيها لأن مو قايلة شنو مقدرتج الحين!


وشكرا
اختج رويال كلااااااس
متخصصة بحوث أكاديمية ودراسات جدوي تجارية

​

 

[بنت النوخذا]

شكرا رويال كلاس

100%
:eh_s(15):


اهم شئ خبرتك و قدرتك علي التسويق
:eh_s(7):