مشروعي الجديد تفضلو

[قوت]

السلام عليكم بنات
انا عندي مشروع و اهو ان افتح معرض في بيتي و يكون مدخل المعرض غير مدخل البيت عشان الزباين ياخذون راحتهم و احط بالمعرض بدل عرايس و اعراس فخمه و ناعمه و بدل استقبال و احتياجات العروس من جناط و احذيه بشرط تكون لبسه مره ولا مرتين و تكون نظيفه و يكون بيني و بين الزبونه الي تحط بدلتها عقد بس عشان اضمن حقها و حقي و ما راح اخذ رسوم ع البدله مثل اذا وحده حطت بدلتها ما اخذ منها سعر المكان لا بس لا اجرتها او باعتها لي 30٪ من البيعه او الاجار فهمتو بنات

الحين ابي اقتراحاتكم وشنو في شي ناقص فهموني اكثر عن هالمعارض الي يسونها الحريم في بيوتهم وهل النسبه تناسب الطرفين ولا لا

 

[sharpedge]

حبيبتي انا اقول لاتتسرعين نصيحه درسي الموضوع عدل لان معارض البيوت تبي دعايه قويه واعلان ولا يصير الحضور ضعيف انا شاركت بهالمعارض ومن ناحيتج ترا تاجير البارتشنات لج احسن واضمن بالربح ومن ناحية النسبه من البيع او التاجير هذي يمكن تخلي المشاركات بالمعرض اقل

 

[قوت]

لا حبيبتي انتي فهمتيني غلط انا اقصد اذا وحده عندها بدلة عرسها و تبي تعرضها تجيبها لي اعرضها لها احطها بمنيكان و يجوني العرايس الي يبون ياجرون بدله ولا تشتري لان انا عندي حالياً ٣ بدل عرايس و جم بدله سهره اغلبهم جدد جايبتهم من برا

انتي فهمتي ان احط طاولات و اجرهم للمعارض لا هالمشروع تعب و يبيله مجابل و اكثره مشاكل

فهمتيني يا الغاليه

 

[sharpedge]

اوكي مشكورة على التوضيح وسوري حصل خير

موفقه يالغاليه
بالعكس هذي فكره حلوه

 

[قوت]

وينكم بنات ابي ارائكم

 

[om.googi]

حلوة الفكرة ,, بس أنصحج ما تاخذين وتيمعين من اي وحدة حابة تبيع إلا لمن تسوين دعاية قوية من أهلج ورفيجاتج

وعندج موسم ( عيد الفطر + الأضحى ) + عروس + حفلات + حفلة ملجة أو تخرج أو أعياد ميلاد الخ الخ ..

يعني استغلي هالفرص مو شرط بس نفانيف عروس نوعي بالكولكشن ..

وحطي شروط بالعقد اللي بينج وبينها مثلا : عمولتج + النفنوف تفحصينه من - إلى عشان لا تقولج باجر والله انا عطيتج اياه مافيه شي شلون صار جذي! + عندج بعد وقت ما اييونج الزباين اذا حبو يقايسون خلي وحدة تدش غرفة القياس مو تدش اهي واختها وامها والعايلة كلها ,, ( بغرفة القياس ) ومن هالأشياء ,, خلي العقد وياهم اسبوعي أحسن من الشهري وحطي اعلانات قبلها باسبوع بافتتاحج للمعرض - هذا الا اذا انتي منتي مخليته مفتوح على طول لأن مادري شلون طريقة معرضج

وموفجة ​

 

[رحاب النعيمي]

الله يوفقج

 

[مزيوونة]

اب اب

 

[جروح ودموع]

الله يوفقج ان شالله ويرزقج من اوسع ابوابه يارب

 

[قوت]

ام جوجو ما قصرتي يا قلبي ع هالتفاصيل وان شاء الله بس ابدا المشروع راح اسجل بمول الكويتيات اصير تاجره بالمنتدي و بعدها اسوي اعلانات لتجميع البدل وانا اصلاً حابه تكون البدل منوعه مو بس عرايس بس للحين زوجي يدرس المشروع و ينسق المعرض و المكان

رحبا و مزيونه و جروح ما قصرتو والله يوفق الجميع و يرزقهم يارب

 

[قوت]

وين باجي البنات

وين التاجرات الي يتاجرون بالبدل و الملابس عطوني رايكم

والله يرزق الجميع

 

[راعية الطيارة]

الله يوفقج و يرزقج و يرزقنا من فضله

ما عندي خبرة بس حبيت تشرطين على الي تجيب بدلتها تكون موديتها المصبغة و نظيفة داخل جيس خام مرتبة و الي ترد البدلة هم تردها نظيفة و اي تلف تتحمله هي .. و احتياط اسألي راعية البدلة اذا يودونها المصبغة او لأ .. خلي كل شي يتحمله الاثنين و انتي مجرد وسيطة تسلمين و تستلمين و تعرضين طبعًا .

و هم نصيحة اعرضي ملابس اطفال .

بالتوفيق .

 

[ghoooga casa]

حبيبتي فكره حلوه بس سوي دعايات وايد عشان الاقبال لان انتي مو في مول معروف او الرايح والياي يشوف لازم تعرفين الناس عليك وعلى مكانك والله يوفقك انشاءالله

 

[قوت]

ما قصرتو بنات
بس ماعليكم امر ابي الشروط الي تضمن حقي و حق الزبونه

 

[soooo]

فكرتك روووعه واصلي وانا أول وحده بعرض بدلي عندك مكودت بالكبت على لبسه والله خساير اول ماتبدين بس عطيني خبر