مشترياتي من مكتبة جرير

[Violet Reem]

مساءكم & صباحكم عسل

اليوم رحت مكتبة جرير بعد صلاة العشاء
واخذتلي قصتين انجليزي مستوى اول للمبتدئين قلت بقوى انجليزيتي
وببدا مشوار اللف ميل مع اللغة
خذيتها من قسم الاطفال قلت الان كلماتها بتكون اسهل ومسواها level 1 &3

االقصة الاولى
Alice in wonderland

القصة الثانية
treasure island

وشريت رواية للكاتبة اجاثا كريستي القتل السهل

وكتاب اسرار النجاح للكاتب دانا جوردن

انتظر ارائكم ..~

والي عندها نصيحة بكتب انجليزية تقوي اللغة ومهارة القراءة لاتبخل علينا تحط صورهم وجزاها الله اللف خير​

http://www.m5zn.com/uploads2/2011/8/18/photo/thumb/081811120827ef1im8nlnhfv5uako5.jpg

 

[أم منيـرة]

زيـن والله ،

انا مفكـره اشتري كتـب إنقلش عشان أقوي اللغـه ..
خـآصة ان تخصصي كله إنقلش :/

 

[Violet Reem]

زين ماتسوين
الان اللغة تتقوى بالممارسة والاستمرار انا قالتلي الدكتورة يالجامعة القراءة والاستماع تقوي اللغة وانصحتني فيهم
وفي كتب وقصص معاها سيديات
هم يفيدون

 

[غيدآء]

بالعافيه عليج...

واذا قويتي لغتج وصرتي بيرفكت قوليلي اعطيج اسماء كتب وروايات بالانقلش

وكثري من روايات اجاثا كريستي لانها روووعه ^_^

 

[أنثى اليمامة]

خطوة رائعه ،، انا لغتي حلوة بالانجلش ، بس احتاج ممارسه وتقويه بس العربي عندي له طعم غير ..


​

 

[ليلو جبريت]

انا بعد احب العربي اكثر احس اتلذذ فيه
اما الانجلش فاضيع

 

[sunshine22]

انا قوا لغتي الانجليزيه

كثرت مشاهده المسلسلات اليوميه
واوبرا


اللغه الانجليزيه ممارسه واستماع
اكثر منها قرائه


سأليني انا

جد رفيجتي بالنفط من سنه الطواعين
بلبل انجليزي وماعنده شهاده
وبلبل هندي
لانه اللي يشتغلون معاه ذاك الوقت انجليز وهنود

 

[Violet Reem]

ان شاءالله اتقوى بالانجلش اكثر
اسعدني مروركم جميعا

 

[عادت ذكرياتي]

تتهنين فيهم

 

[!الجادل الصعب!]

حلو .. نآويه عالخطوه هذي من زمآن ..
انجليزيتي تعتبر زينه بس آبي آقويهآ ..
وآذكر آيآم المرآهقه قريت قصه نسآء صغيرآت بالانجليزي والعربي
كآنت صفحه عربي مقآبلها الانجلش .. اقرا الانجلش وارد اقرا العربي
وآركز عالكلمآت الصعبه وطريقة السرد .. كآن بالنسبه لي شي ممتع
لو تلآقين قصص بالطريقه هذي رآح تستفيدين حيل حيل ..
عسآني الحين آلاقي وقت فرآغ بس ..,

 

[Violet Reem]

اي حلوه الروايات عربي انجليزي
شفتهم بس ماخذيتهم الانهم متان قلت متى اخلصهم
بس ان شاءالله مشترياتي القادمة راح اخذ منهم

 

[جروح ودموع]

روايات اجاثا كرستي جدا ممتعه

 

[yes.thise me]

أهلين أختي

أنا شريت أسرار النجاح ماقريته كله لأني ماحبيت أسلوب الكاتب مو بسهوله يوصل المغزى والهدف

أنتي قريتيه و شنو رايج فيه؟؟؟

و بالعافيه و قراءه ممتعه

 

[ترف بابا]

حلو تنويعج في الاختيار

قراءة ممتعه

 

[MiṦs ♥ fĩẍ]

قراءة ممتعة

حتن انا نفسج بقوي انجليزيتي

ببدي بقصص اللي تكون صفحة انجليزي و صفحة عربي

و ان شاء الله نوصل للي نبيه

 

[راعية الطويلة]

قراءة ممتعة

أنصحج بالروايات العالمية

 

[^هــنـــوي^]

اب اب اي صح حيييل يعجبوني الكتب الي صفحة عربي وصفحة انقلش حيييل مفيد للتروة اللغوية

 

[ام عيسيي]

كل شي عجبني الصراحة بس بسألج جم طلع عليج كلهم و هل كتبهم غالية يعني اسعارهم يبدون بجم ؟! وعليج بالف عافية