السلام عليكم شلووونكم كويتيات شخباركم .
بما اني مدمنه عالمنتدى او بالذات هالقسم قلت انزل موضوع يديد انشاءالله يعجبكم
اول شي من زمان انا كان ودي امر اجمل والصراحه ما كنت اخذ منه شي بس من كثر ما الكل يمدح قلت بمر والصراحه خذيت بعض الاشياء الي العموم مدحها تقريبا
ابدي اول شي :وصال غني عن التعريف ادري لول بس انا قديمه ما عليه. واااي عجيييييييييب حده عجبني
ثاني شي:
rain drops وايد حلوووو وخفيف عقب الشاور روعه صراحه
ثالث شي : الي مادري شقول وشخلي من اول ما شميته مادري شصار فيني الي اهوا سكريفايز من كثر ما عجبني خذيت المجموعه كامله الشاور جل والبودي كريم والعطر . تثبتتتتتت ريحته بعد الشاور خياااال.
بس هذول من اجمل مع انه الود ودي انام بالمحل اشم كل شي بس معاي اختي حنه ورنه ماتحب العطور وايد ما خذيت راحتي
. بس انشاءالله لي رجعه قريبه لاني شميت دهن عود معتق اينننن قالي سعره 25 وايد مناسب لانه صج حلو توقعته اغلى من جذي.الحين بعض الاشياء من الشايع او نفس الشي ولا مره خذيت منه شي بس رحتله لاني شفت وحده بالمنتدى مادحه جم شي عندهم جزاها الله الف خير.
اول شي الخمريه للشعر حلوه ريحته وصج ريحة الشعر تصير وايد حلوه
ثاني شي حروف حليييو
او اخر شي دهن عود اسرار الصراحه وايد عجبني بس مال اجمل المعتق اقوى حيييل. بس هذا هم حلووو
او من الدر المنثور اول مره ادشه كنا داخلين عساس نشتري صندوق بنحط فيه عطورات هديه او عالطاير شمينا جم عطر او خذيت عطر غلاتي
عطر فرنسي على عربي حلو الصراحه وايد عجبني او ريحته تثبت ماشاءالله.
خلصنا من العطوووور . نيي حق الحب الاول والاخير الميك اب لول
من makeup4ever.
الابيض اضاءه حق عظمة الاخد او التفاحه واااااايد اتينننن حدييي مدمنه علييييه يعطي اضاءه خيااال او على حسب اذا تبينها حق العرووس تزيدين الجيله لول او اذا مكان عادي تحطين نتفه . الي ما عندها اتروح طيراااان تشتريها والله نصيحه.
الثاني اضاءه على لمعه تحطييين ننننننتفه مع الفاونديشن تنخلط او تحطين الفاونديشن تعطي لمعه خفيفه او اتخلي الويه نور ماشاءالله.
آخر شي من ماك :
عاليمين مرطب وايد حبيته اليوم حاطه منه احس الفاونديشن طالع احلى والويه نور وصحي
الي بالنص غني عن التعريف خذيت منه واحد ثاني من كثر ما عجبني fix plus له طريقتين يا اتبخين منه قبل الميك اب او عقب ماتخلصين من الميك اب اتبخين منه . ينور الويه ويخليه فررررررش
اخر شي بيس قبل الفاونديشن واااايد حبيته خفيف وحلو.
او بس يا حلويييييين هذا كل شي حق اليوم او انشاءالله لي عوده لكم بشغلات احلى.
هالله هالله بالردود ولو انكم ماتقصرون ادري فيكم .
