صباح الخير حق السهاريه اللي نفس حالتي :eh_s(8): شلوووونكم بنات ان شاءالله العموم يكون بخير وصحه يارب
من امس وانا سهرانه على فيديوات الاجانب عاليوتوب اشوف سوالف ميك اب ما ميك اب وصار بخاطري ماك من زمان مو شاريه شي منهم ،،، فا قلت من يصير الصبح بطير لهم وفعلا طرت لهم :RoadRunner: وفلسووووني لوووول يلا الحمدالله علي بالعافيه :eh_s(9):
يلا حياكم ...،
بالبدايه هذي صورة المشتريات كامله
حسافه الصوره حيل ظالمتهم للاسف
.. اللي عاليمين حمرة كم اتيننننننن شويه عليها لونها لاهو احمر ولاهو عنابي الدفش لونها صج صج راقي حيل من زمان ما حطيت حمره جذي .والثانيه طبعا بالصج لونها غييييير .. لونها برتقالي فاتح على بيج اتينن وايد حسيتها صيييف :eh_s(9):
وهذا شمر soft and gentle غني عن التعريف اضاءته راقيه حيل وايد احبه.
هذا برونز من الكولكشن اليديد لووونه بروونز فاتح حق الويه كامل ويصير طبعا كبلشر بس انا حبيته لانه للويه كامل عشان اللوك الصيفي :eh_s(15):
الاول كونسيلر nw25 لونه بيج نفس لون الويه تغطيته اتينن ومو ثقيل هذا احلى شي
والثاني البرتقالي الفاقع مصحح حق الاماكن الغامجه عجيييب كريمي احلا من كريولان اللي شثقله لوع جبدي
هذي الحمره من الكولكشن اليديد لونها بنفسجي راقي مو البنفسجي اللي جنه مال السّحر .. صج من زماااان كان بخاطري بنفسجي وصج هذا طيب خاطري.
حمرتين من اليمين حمرة كم اتينن اللحميه اللي كله اتحطها روعه روعه
والثانيه لونها مكس صاير لحمي على وردي غامج .. بالصوره وايد فاقعين حسافه
فرشة كونسيلر عجيييبه وخفيفه على منطقة العين
قلم حواجب بني اسمه spiked وايد حلوه ناعم ويخلي لون الحواجب طبيعي.
وآخر شي خذيتلي جم شي من بوتس
شاور جل وسبري فراوله عقب التفرك والسنفرات واللويه احط شي يعطي ريحه حلوه وصج هالاثنين ريحتهم تلزق ولذيذه
الازرق هذا فيتامين سي حق الويه وتحت العين وايد حلوه يخلي البشره ملمسها مخملي نفس مال بودي شوب
والاخير سبري ريحته اتينن جنج داشه اوتيل او سبا وايد حلوه اهوا للجسم بس انا بكيفي بخليه حق الدار لول.
وآخر شي صابونه اتينن مكوناتها فا قلت اجربها ما وراي شي.. :eh_s(9):
بلييييييييييز بنات تفاعلوووو معاي والله هذي ثاني مره اكتب الموضوع مساع انمسح كله عقب ما كتبت كل شي !! :eh_s(16)::eh_s(11):
اي سؤال انا حاضره حبايبي...
احببببببكمممممممم:bye22:
