مشترياتج من المنتدى ... استبيان ..

[بنت ريلي]

سلام عليكم حريمات وبنوتات

اتمنى من المشرفات يخلون موضوعي اهني لاني احسه انسب قسم لموضوعي .. لتواجد الامهات والمتزوجات والبنوتات الفضوليات :friends:

حبوبات الاستبيان يقول .. شنو اكثر شي تشترينه من المنتدى التجاري بمنتدى كويتيات او من النت بشكل عام .. وليش؟ .. وشنو الاشياء اللي مستحيل تشترينها من النت ومن المنتدى بالذات .. وليش؟؟

هالاستبيان يفيد تاجراتنا بالاشياء اللي يحبونها الحريمات وممكن سوقها يمشي اذا عرضوها بالمنتدى .. وهم هالاستبيان يفيد الفضوليين مثلي

وياليت اللي تصوت تفصل باجابتها للافاده .. ومشكورين :sfg:

 

[انا لحبيبي .]

رد : مشترياتج من المنتدى ... استبيان ..

اكتر شي شريتو زيوت للشعر من الموقع هون
والي ناويه اشتريه ملابس اللانجري .. بس هديك اليوم كانو منزلين موضوع انه في وحده كذبت على وحده بخصوص ملابس اللانجري ، وانا من وقتها تراجعت من هالموضوع .

 

[Tom ♥ Jerry]

رد : مشترياتج من المنتدى ... استبيان ..

.


و عليكم السلام و رحمه الله و بركاته :eh_s(22): ..

خوش موضوع عشان الكل يستفيد من تجآرب البنات :*

انا شريت لصقآت الآسنان كرست

و شريت كريم baby face :eh_s(22): !


آن شاء الله رآح آشتري خلطه الشعر اليمنيه :*

:eh_s(22):

.

 

[FeShinGoOo]

رد : مشترياتج من المنتدى ... استبيان ..

طلبت من د.نوف وطلبتلي من موقع الاي باي يعني انا نقيت الشغله من الموقع واهي سوتلي الاوردر تعاملها روعه فديتها

وباجي الاشياء الي شريتها كلها تحسفت منها لوول زيت شعر على قمصان نوم مالت المحاميد على ابجورة الحب الفاشله الي جنج مو حاطه ابجوره كلهم بالزباله عزج الله

 

[شانييل]

الاكل ريانة متازة
ووحدة ثانية طلع شغلها موشي بارد وشوية

وهمن اعشاب ام خالد روعة ونظيف وحلو

واغراض اطفالعند وحدة نسيت اسمها

بس ملابس لأ ذوقي صعب

 

[G!RLooNa]

مو شاريه شي من المنتدى بس من النت جم مره نطلب ميك اب و ملابس

 

[فنكيه]

انا خذيت وايد اشياء جناط ولانجري وخذيت مداليه مفاتيح وخذيت ملابس وجربت الكورسيهات وهمن خذيت جم كريم وبس

 

[Čut!e Quèéи]

رد : مشترياتج من المنتدى ... استبيان ..

انا زبونة دايمه عند وحده من تاجرات العطور

شغلها يهبل وكل شهر اشتري منها مجموعه يديده

واللانجري جربت مره وحده شريت نوعين من تاجره والحمدلله مانغشيت فيهم

والمكياج مره وحده شريت من وحده الله يذكرها بالخير فقدت تجارتها من جم شهر

وبس هذي كانت تجاربي مع التاجرات ولا مره انغشيت الحمدلله

وايييي تذكرت مره شريت حبوب الشاي الاخضر من وحده وبعد شريت كريم مقشر وبس سلامتكم


مشكوره على الموضوع

 

[FeShinGoOo]

رد : مشترياتج من المنتدى ... استبيان ..

الاشياء الي مستحيل اشتريها من المنتدى قمصان النوم توبه توبه توبه
والخلطات هم توبه توبه توبه
والمكياج والادوات الزوجيه ثلاث توبات ونص

 

[Čut!e Quèéи]

رد : رد: مشترياتج من المنتدى ... استبيان ..

انا خذيت وايد اشياء جناط ولانجري وخذيت مداليه مفاتيح وخذيت ملابس وجربت الكورسيهات وهمن خذيت جم كريم وبس

فنكييييييييه :eh_s(12):

منو هذي الي بتوقيعج

حدها مسويه شكلها لعبه ويهها مو راكب على ايدها

سوري دخلت عرض :eh_s(22)::ssssso:

 

[Tom ♥ Jerry]

رد : مشترياتج من المنتدى ... استبيان ..

.


شكلي رآح آهون مآ رآح آشتري الخلطه من كلآمكمـ !
بنات في وحده منكمـ جربت الخلطه اليمنيه ؟؟؟؟

 

[Čut!e Quèéи]

رد : مشترياتج من المنتدى ... استبيان ..

الاشياء الي مستحيل اشتريها من المنتدى قمصان النوم توبه توبه توبه
والخلطات هم توبه توبه توبه
والمكياج والادوات الزوجيه ثلاث توبات ونص

ليش ليش شنووووو صاير وياج

ترى كنت ناويه اشتري منتجات زوجيه :flower:

قولي شنو صار عشان نحط بالنا :eh_s(15):

 

[Čut!e Quèéи]

رد : مشترياتج من المنتدى ... استبيان ..

.


شكلي رآح آهون مآ رآح آشتري الخلطه من كلآمكمـ :d !
بنات في وحده منكمـ جربت الخلطه اليمنيه ؟؟؟؟

خلطات مستحيييييل اشتري لا حق ويهي ولا شعري اخاف عليهم الصراحه هههههههههه

 

[بتبوتااا]

. جربت من شيري وكان تعاملها وايد راقي ومضبوط
وشريت من كذا عضوه بعد بس لانجريات والحمدلله ما انغشيت فيهم وافكر اتعامل معاهم بعد .
وهم جربت ام نواره للأأكل كان حلوو ,
وشنو بعد ؟؟
امم مره شريت باند بسم بنتي
وبس :> , .

 

[فنكيه]

رد: رد : رد: مشترياتج من المنتدى ... استبيان ..

فنكييييييييه :eh_s(12):

منو هذي الي بتوقيعج

حدها مسويه شكلها لعبه ويهها مو راكب على ايدها

سوري دخلت عرض :eh_s(22)::ssssso:

لوول شمنقزج على ايدها
هذي جميله شويه عليها صج ان كلها تجميل بس ماجنها انسانه جنها باربيه
هذا مثل المثل الي يقول
مالقو فالورد عيب قالو يا احمر الخدين

 

[ThaRbah .]

رد : مشترياتج من المنتدى ... استبيان ..

تم التصويت
آنا شريت الخلطه الصابونيه من مزيونه وشقره
وكريم بوسالم من منانا
وحنه التنعيم من بنت الاحلام
وخلطة تطويل الرموش من ملاك

وبس يعني مشترياتي من المنتدى كله خلطات يمكن اشتري شغلات ثانيه اذا عجبتني غير الخلطات

 

[tmtmt]

اكثر شي حق نور
يصير فيني شي اذا ما شريتلها ...

وشريتلي بلوزه من نوف حلوه
وشريتلي العام بالطو من وحده بس مو حلو

والي مستحيل اشتريه
قمصان النوم .. الخلطات

 

[بطه حميسه]

رد : مشترياتج من المنتدى ... استبيان ..

شريت قمصان نوم من شيرى يهبلون وشريت الخلطه الصابونيه من مزيونه وشقره روعه وشريت الحنه القصيميه من ام سالم وجارى الاستخداااااااااااام وشريت مشط البف خدعه <<<<<<<<<<<<< ما خليتى شى يالبطه

وما خفى كان اعظم لوووووووول

 

[بنت ريلي]

رد : مشترياتج من المنتدى ... استبيان ..

مشالله عليكم بنات .. مشاركات روعه

كل وحده لها رايها بالاشياء اللي شرتها وعشان لا يكون الموضوع دعايه ترا كل وحده لها ذوقها وممكن الشي اللي يعجبج مايعجب غيرج والعكس صحيح..

انا صراحه ولا مره شريت شي من النت او المنتدى بس حمستوني :d

بنات ما قلتولنا شنو الشي اللي مستحيل تاخذينه من تاجرات المنتدى او الشي اللي تحسين انج مغامره لو شريتيه؟

 

[miss_Ba6oOo6a]

علاقات المصاصات من تاجرتين
وجنطة اقنر
وسوار اقنر
وسكارفات من زمان
وبس ما افكر اخذ خلطات وخرابيط وحبوب وتحاميل
انشاشله ليه تعاملات بعد حق ملابس اليهال وجناط واكسسوارات وقمصان نوم هالسوالف
اي مره ششريت اباجوره الي تطلع نجوم مادري شنو تلوع الجبد وماتنور يالله ثنتين ينورون نص الغرفه معن غرفتي صغيره