انا ميته ودي اسجل فيه وودي اتزوج علشان اشترك مع زوجي لاني احسه راقي وعائلي وعلشان غالي حلاته تستفيدين منه طول السنه وتروحين مع احد زوجج او رفيجتج وعيالج لانه في مكان حق اليهال اكيد شفتيه وفي نظام تأجير الشاليهات الي عالبحر تأجرينه وتعزمين اهلج تستانسون بالبحر بعيد عن الزحمه والوصاخه برا انا جربت السبا اينن وطبعا مع الاشتراك يعطونج خصم واذا تبين الاشتراك الذهبي واهو الافضل تدشين مكان حده عجيب انا شفته اول ما فتح الحين كلش ما يخلون احد يشوفه و الي اشتراكهم اقل ما يقدرون يدشونه ولا حتى يطلون فيه والمكان كل شي فيه بلياردو وتنس بأنواعه وسباحه وجيم وكمبيوترات وكل فترة يطورون خدماتهم وحتى المصلى موجود ومريح
انا انصحج تشتركين بالذهبي اذا ميزانيتج راهية او الثاني البرونزي جنه على كيفج وانشالله اتزوج واشترك انا بعد وياج
وبالنسبة للاسعار الف وفوق للكبلز على ما اتذكر و700 وشي الذهبي للبنات و600 العادي هالاسعار تقريبيه لاني من زمان رايحه وترا مو يديد صارله اكثر من سنتين واهم ما يقبلون بعضوية اي احد
