مشاكل النفاس ! .. مساعدتكم

[bent-elq8]

قووه
شلونكم بنات ..

صارلي اسبوع من ولدت الحمد لله ..

عندي كذا سؤال !

1- متى يطيح الجرح ؟ .. تعبت ! و شنو احسن الماي الحار و لا البارد ؟! ..
2- عزم الله البول بعد الولاده الطبيعيه و بعد ما يشيلون لبربيش شلونه ؟ تحسون بالم ؟؟ .. خاصه اللي خذو ابره ظهر ؟
3- الرضاعه الطبيعيه .. ، تقرحت الحلمه عندكم ؟ و قام ينزل منها دم ؟ شنو سوييتو ؟؟
4- الخطوط السوودا اللي بالبطن شلوون تروووح ؟؟؟ .. بلييييز تعبت نفسيا !
5- شنو احسن رداده ؟ .. و منو جرب ام جاسم ؟؟
6- شنو احسن شي ربطتوو فيه ؟ .. و فادكم

 

[bent-elq8]

رد : مشاكل النفاس ! .. مساعدتكم

...................................................................

 

[om deaj]

اول شي حمدلله على سلامتج
وبما انه صارلج اسبوع توج حبيبتي باول النفاس ولازم تعرفين تلهين عمرج عشان لا تتعب نفسيتج
وبالنسبة للاسالة بجاوبج من واقع خبرتي

1- متى يطيح الجرح ؟ .. تعبت ! و شنو احسن الماي الحار و لا البارد ؟! ..
قصدج الغرز >>> حسب تختلف من وحدة لي وحدة
انا بولادتي الاولية لي عقب الاربعين واكو غرز ما لحمت ليلحين >> سولها كي >> بس ما يحرق بالعكس كان وايد بارد ب يسمونه كي

الافضل الماي الدافي وغسول البيتادين >> من خبيرة الاعشاب بالمنتدى اقري مواضيعها تهبل ومفيدة

2- عزم الله البول بعد الولاده الطبيعيه و بعد ما يشيلون لبربيش شلونه ؟ تحسون بالم ؟؟ .. خاصه اللي خذو ابره ظهر ؟
مادري وين والدة بس عن نفسي بما اني والدة بالحكومة ماقط حطولي بربيش
وللعلم انا طلبت كمام في الولادتين

3- الرضاعه الطبيعيه .. ، تقرحت الحلمه عندكم ؟ و قام ينزل منها دم ؟ شنو سوييتو ؟؟
http://www.q8yat.net/showthread.php?t=668478
هذا خوش موضوع راح يفيدج اقري وشوفي الكريمات الي كاتبين عنها من واقع الخبرة والتجربة

4- الخطوط السوودا اللي بالبطن شلوون تروووح ؟؟؟ .. بلييييز تعبت نفسيا !
لهي عمرج واشغلي وقتج باي شي عشان نفسيتج لا تتعب
الطوط السودا قصدج التشققات؟؟ واظبي عىل استخدام زيت جونسون واضيفي عليه زيت لوز مر ودهني عقب الحمام
وعقب الاربعين اشتري مشقر للجسم >>> تاكدي انه يكون للجسم انا اشتريه من النسايم بالسالمية
وعقب التشقير حمام مغربي>> واذا تحبين استخدمي خلطة الصابونية حق العضوة مزيونة وشقرا وايد مدحوها
مع الاهتمام والمواظبة على الي قلته ان شاء الله تروح
وعندج زبدة الشيا بعد وايد مدحوها تبيعها تاجرة معانا ناسية اسمها

5- شنو احسن رداده ؟ .. و منو جرب ام جاسم ؟؟
ماعرف ام جاسم بس وايد بالمنتدى وبرة المنتدى مدحو ام قيصر سوي بحص بقوقل وتلقين رقمها
انا سوتلي ام عباس 66469447 قوليلها خذيته من ام دعيج
هي زوينة وترديدها حلو وتسبحج اخر يوم وسعرها 3 ايام 40

6- شنو احسن شي ربطتوو فيه ؟ .. و فادكم
انا بولادتي الاولية ربطت بطني بشماغ والطريقة ورتني اياه الردادة
بس وايد مدحو المشد الاندونيسي >> ويبيعونه بنات هني
واكو مشدات طبية لبعد الولادة تنباع بالصيدليات

 

[sharoo_e5]

الغرز خلال اسبوع 10 ايام بالكثيير تطيح

ما فى بربيش للولادة الطبيعية تقومين الحمام عادى

الحلمة يبيلها كريم خاص عشان تتفادى الالتهاب لان بالاول بتكون حساسة

حمام مغربي بعد الولادة وسنفرة وانصحج بزيدة الشيا وايد حلوة

ربطى بطنج باى شى انا عن نفسي لبست كورسية

 

[MiSS B.K]

رد : مشاكل النفاس ! .. مساعدتكم

اب اب اب اب

 

[bent-elq8]

رد : مشاكل النفاس ! .. مساعدتكم

بنات انه ابره ظهر
فحطولي بربيييش..

 

[LiL MaMa]

رد : مشاكل النفاس ! .. مساعدتكم

1- متى يطيح الجرح ؟ .. تعبت ! و شنو احسن الماي الحار و لا البارد ؟! .
الغرز بالكثير بعد 10 ايام و انتي اهتمي فيها غسليها بالمره و الجفت
و اذا طولت راجعي الطبيب
.
2- عزكم الله البول بعد الولاده الطبيعيه و بعد ما يشيلون لبربيش شلونه ؟ تحسون بالم ؟؟ .. خاصه اللي خذو ابره ظهر ؟
ماجربت ابرة الظهر انشالله البنات يفيدونج

3- الرضاعه الطبيعيه .. ، تقرحت الحلمه عندكم ؟ و قام ينزل منها دم ؟ شنو سوييتو ؟؟
انا بصراحه مانفع معاي غير زيت الزيتون
و الشي الزين فيه مايضر البيبي

4- الخطوط السوودا اللي بالبطن شلوون تروووح ؟؟؟ .. بلييييز تعبت نفسيا !
الحمام المغربي
و خلطة مزيونه الشقره الصابونيه

5- شنو احسن رداده ؟ .. و منو جرب ام جاسم ؟؟
ماجربتها بس يمدحونها و يمدحون ام علي بعد

6- شنو احسن شي ربطتوو فيه ؟ .. و فادكم

اخذي شاي الاعشاب من خبيرة الاعشاب ام خالد معانا بالمنتدى يوخر الرش و الله ماشالله شي عجييب
و انا لبست الكورسيه
و حق الفخوذ حطي فيكس و لفي فخوذج بنايلون و قعدي فيه كل يوم ساعه
و الافضل مع الرياضه

 

[أم حمودي**MALL**]

الحمدلله عالسلامه
طبيعي الالم بعد البربيش بس اذا زاد وماقدرتي تتبولين او صار حرقه بالبول سوي تحليل بول لان الالتهاب وارد

بالنسبه للحلمه على طول نظفيها بفوطه صغيره وماي دافي عقبها حطي كريم بيبانثين تحصلينه بالمستوصف

بالنسبه للغرز سألي الدكتور يطحيون بروحهم او لازم تروحين يشيلونهم؟