مشاكل الاهل

[ايـشو]

مرحبا جميعا ,,,
باختصار الموضوع أنا عندي مشكله مع رفيجاتي
يعني ماتصير سنتين الا صايره سالفه بينا ونوخر عن بعض
وصلت لمرحله ان عادي اطلع واروح وارد معاهم اكثر من ما اطلع مع امي او اهلي
واهلي واثقين برفيجاتي وفيني ف عشان جذي يخلوني على راحتي

طبعا من بعد اخر سالفه صارت وصلت ليه المخفر عشان وحده حسبي الله ونعم الوكيل فيها
اهلي غسلو ايدهم خير شر ف ماني عارفه شنو اسوي احسهم مو واثقين باختياراتي
الا ان رفيجاتي اللي معاي الحين معدودين على الاصابع

شنو برايكم الحل؟ شلون اتصرف مع اهلي
وللعلم اني عندي اخوان كبار فوق راسي يعني كلمتهم تمشي من بعد امي وابوي:eh_s(2):

 

[بيبي2014]

سمعي كلام اهلج اهما ابخص فيج ويبون مصلحتج
ما سوو هالشي الا واهما يحبونج وخايفين عليج وعلى سمعتج .. حطي نفسج مكانهم سالفتج فيها مخفر يعني شي جايد اكيد بيمنعونج من رفيجاتج .. ماعندج الا غير حل واحد عشان تردين الثقه
اي شي يقولونه لج قوليلهم حاضر وانشاءالله نصيحه مني لا تتهاوشين وتردين عليهم ويكبر الموضوع ويعاندونج

اهما اكيد بس يشوفونج تسمعين الكلام مع الايام يطخون

​

 

[ايـشو]

سمعي كلام اهلج اهما ابخص فيج ويبون مصلحتج
ما سوو هالشي الا واهما يحبونج وخايفين عليج وعلى سمعتج .. حطي نفسج مكانهم سالفتج فيها مخفر يعني شي جايد اكيد بيمنعونج من رفيجاتج .. ماعندج الا غير حل واحد عشان تردين الثقه
اي شي يقولونه لج قوليلهم حاضر وانشاءالله نصيحه مني لا تتهاوشين وتردين عليهم ويكبر الموضوع ويعاندونج

اهما اكيد بس يشوفونج تسمعين الكلام مع الايام يطخون

هذا اللي قاعد أسويه معنا موعوايدي اقول انشالله دايم لساني شطوله بس لان ادري
ان اللي صار غلط ويحقلهم :eh_s(2): مشكوره حبيبتي على المشاركه :eh_s(7):

 

[مني يغارون]

لا ياعمري هذولا مو صديقات دام كل فتره مشاكل ووصلت للمخفر
انا لو مكان اهلك اكيد بخاف عليك وبمنع الطلعات هذي مو كل مره تسلم الجره ياقلبي
لازم تطيعين اهلك ترا هالشي بمصلحتك حتى لو انك متضايقه وما تعودتي على هالوضع
هي فتره وتتعودين والصديقات مو كل شيء بالدنيا وبعض الأحيان كثرتهم مشاكل وبلى
ممكن تبدلين الطلعات بزيارات بالبيت او اي فكره ثانيه يوافقون عليها اهلك ويكونون متطمنين
وترا الصديقه اللي تحبك جد وتغليك ماتتركك عشان ماصرتي تقدرين تطلعين معاها !!

 

[فوزيه الراسي]

الله يرشدك للطريق الصحيح من حقهم اهلك يخافون عليك

 

[Tom ♥ Jerry]

.

آهلج لو ما يحبونج و يخافون عليج جان ما سوو جذي..
عبالج هينه بنتهم تدش المخافر!!؟

آكيد خآيفين عليج و على سمعتج مآ ينلامون..
سايريهم و حاولي تستحملينهم
قللي طلعاتج و روحآتج ويا رفيجآتج
بعدين لا تطلعين مع اي آحد و لا تحكمين على اي بنت بسرعا
عشان مآ تنصدمين فيها بعدين و تسببلج مشاكل!

الله يوفقج :*