مشاكلي متنوعة وانا صغيرة وماعندي خبرة ارجوكم لحقوا علي

[بنوتة اماراتية]

:eh_s(22): السلام عليكم كويتيات

بدخل فالموضوع : انا بنت عمري 15 سنة وعندي اخت اصغر عني وهذي مشكلتي الاولى

وهي انها وايد تطول لسانها ووايد تتفسلف حتى على امي :eh_s(11): مع اني امسح على راسها

واضحك واتمصخر معاها مادري ليش جي تعاملني احيانا ما اقدر اصبر وانازعها ودايما تبدا

تضربني مع اني بس اتكلم ما امد ايدي عليها :eh_s(16): وانا حساسة وايد وكله اصيح واصبر مادري شو

اسوي بلييز اللي عندها بنت او خبيرة بهذي الاشياء توجد لي حل بسرعة مع اني مابي افارقها

لاني اعرف اني بعد كم من سنة بتزوج ومابجوفها >_< بلييز ساعدوني ...


سؤالي الثاني : نحن ماعندنا خدامة يعني لحالتنا الاقتصادية وخوف امي من الخدامات وعندي مشكلة هي

اني لما تمر علي الويكند والحين نحن ندرس يعني ما احصل وقت للتنظيف لاني ماعرف اشتغل بسرعة

بسرعة فيا اني اذاكر او انظف كيف ممكن اني انظم وقتي بلييز خبروني ابيكم تسوون لي جدول

واحيانا اختي ماتساعدني وانا اتغصص والبيت حده خايس >_< وخاصة غرفة الدراسة ماعرفت

طريقة انظفه كيف ممكن اني اعدله؟؟ ما اتحمل اجوف امي تشتغل وانا يالسة ملكة احس اني

قاسية ولازم اساعدها لكن ماعرف كيف اييب وقت اضافي وانا بمرحلة ثانوية وضغط بشكل كبيير :eh_s(11):


واشكركم حبيباتي وانا بانتظاركم بفااااااااااااااااارغ الصبر اختكمممم في الله

 

[Tom ♥ Jerry]

,


هلا حياتتي


المشكله الأولى / قعدي ويا اختج و فهميها انج اختها الكبيره
مهما صار مآ تمد ايدها عليج .. قعدي وياها لمأ تكون مستانسه و مو زعلانه منج !
و اذا مدت ايدها لا تبجين خلج قوية و زعلي عليها جم يووم خليها لمآ آتيي تتآسف منج
عشان المره اليايه ما تعيدها !


المشكله الثانية / جم يبيله شغلج ؟ ساعتين ؟ 3 ساعات ؟
أوكي ريحي بعد الشغل لمده ساعه و بعدها درسي
مثلا جابلي الشغل من الساعه 3 العصر ليه 5 تكونين خالصه !!
ريحي ليه 6 بعدين قومي درسي عندج من 6 ليه 12 وقت للدراسه :*


موفقه حبيبتي :*

 

[بنوتة اماراتية]

مشكورة اختي الغالية بجرب على اللي قلتيه لكني جربت عن سالفة اختي تقول لي جب مايخضج فيني احترميني احترمج

وانتي مادري شو وايد احسها غير ماينفع ما اقدر ازعل مادري ليش ما اعرف ازعل اصلا ههههههه اقول بزعل

بعد كم من ساعة ارد عادي >< غريبة صراحة

والحل الثاني بجربه لان الكمبيوتر مخرب على وقتي ماخذنه كله شكله السبب الرئيسي الله يوفقج

ويساعدج ويستجيب كل دعواتج احبج في الله

 

[M!SS.LOBY]

الله يهديكم

 

[وردة الدوحه]

اختج الصغيره لي طولت لسانها او مدت ايدها قولي لامج أو تصرفي وياها تصرف حازم عشان تحسب لج حساب باختصار دوسي ببطنها
أما بالنسبه للتنظيف حددي لج ساعه أو ثنتين فاليوم للتنظيف وباقي اليوم لدراستج وواجباتج ما ان دراستج في الويكند اليوم اللي قبله رتبي الغرفه اللي بتدرسين فيها ولاتكودين الاغراض الشي الزايد او اللي ماتبينه على طول قطيه عشان ماتتكود الزباله

 

[بنوتة اماراتية]

ههههههههههههههههههههههه
اشكركم حبيباتي بسوي على اللي قلتوا حقي الله يعطيكم الصحة والعافية
وان شاء الله يصير كل شي خير ^_^ انحلت مشكلتي ولله الحمد

 

[%دانة%]

حبيبتي الله يوفقج

 

[MiSTaKe]

حبيبتي اختج كلميها بالهداوه وعادي اهي صغيره تره حتى اذا مانفع معاها الكلام مومعناته انتي غلط ولا اهي غلط بس هذي مرحله عمريه يمرون فيها اليهال وبعدين تكبر وتعقل

 

[بنوتة اماراتية]

ههههههه
اوك حبيباتي اشكركم كلكم ماقصرتوا ^_^

 

[دمره]

وعلييييكم السسلام ..

اممم كلميها مره مرتيين خذييها بالهداااوه ولا تصارخين
واذا مدت ولا جيه خلي امج تكلمها
ولا تصيحي ادري نقطة الضعف اهي الصصياح بس تحملي وكووني قويية

وسالفة الششغل عاادي نظمي وقتج من ترجعي من المدرسة خلصي الواجبات وادرسي ششوي ,
وعقب نظفي البيت
وحاولي داييما تنظفي الغررف اول بأول عسب ما تتبهدلي عقب

ومن تخلصي ششغل تنظفي وريحي شوي
وككملي دراستج

أوو قولي حق امج انج ب هالساعه الفلانية بتدرسي ششوي
ونبدي نشتغل عقب


ووأن ششاءالله أفدتج ==))
وسلملم ..

 

[عـيّــآره]

ياحلوج والله هههههههههههه

عاد تصدقين اول انا واختي مثلكم نتهاوش ونمسك شعور بعض ونقوول هديني وهدج

ونتم على هالوضعيه يمكن ربع ساعه

ههههههههههه والله هالسوالف بتصير ذكريات حلووه


بخصوص التنظيف نظفو اول باول ولاتجمعون شي عشان بيوم الاجازه يكون الشغل

خفيف وتتفرغين حق دراستج ووناستج بعد


مووفقه حبيبتي ​

 

[M!SS.LOBY]

ربي يصلح حالكم

 

[F.Strawberry]

لمشكلة اختج انصحج بالتالي:
الكلام و الاسلوب الحلو احسن طريقة للتعامل..
ولا تستغربين من تصرفاتها ترى في ناس جذي يعبرون عن حبهم
خصوصا الصغار
اللي لازم تسوينه اهو انج تكلمينها بجد و تقولينلها انها كبرت
و ان الاسلوب اللي قاعده تتعامل معاج فيه راح ينفر الناس منها
اذا عادتها سحبي عليها جم يوم ولا تعطينها ويه و امشي عنها ..
راح تحس بغلطتها و اتيي تعتذر

و سالفة التنظيف اقترح انج من تردين من الدوام تتغدين و ترتاحين..
بعدين تبدين تنظفين عالسريع و تاخذينلج شاور , قعدي شوي مع اهلج ارتاحي
بعدين شربيلج عصير برتقال فرش و ابدي درسي ..
والله يعينج حبيبتي

 

[اقماري]

مرحبا حبيبتي ..

ماشاءالله علييييييييج اتهبليييييييييييين الله ايخليكم لامكم ويرزقكم كل خير وايحلي مستقبلج يااااااروحي..
اتمنى بناتي لما يكبرون ايصيرون نفسج قولي امييييييييييين ..

اختج عاددي توها اصغيره تحمليها راح تكبر وتعقل مثلج ماشاء الله عليج .
وامج معاج حق لازم اتساعدونها..

الترتيب حلوووووووو وممتع جدا ..
خذي كل شيء حبه حبه غرفة الدراسه ترتيبها سهل حطي كل كتبج ابروح وكتب كل واحد من اخوانج ابروح..
ردي كل شيء مكانه الاصلي واللي ماتحتاجونه قطيه اول باول عشان مايتراكم ..
راح اتخلصينها بنص ساعه او ساعه اذا ركزتي واشتغلتي عدل وبشكل مستمر ..
البيت ماعتقد حوسه مجرد ردي كل شيء مكانه ورتبي عدل وخمي المكان ومسحي الطاولات والتلفزيونات ..
المطبخ ساعدي امج اول باول الصبح غلسي صحونكم قبل لاتروحين او امج اتغسلها عادي..
عقب الغدا نظفي ابسرعه قبل مايتراكم الشغل ..

غرفتج عدليها اول ماتقعدين بجذي ماراح ايكون عندج شعل ولاشيء ..
راح اتكونين فاضيه العصر كله والمغرب كله ووقت طويل من العشاء يمديج ع النت والقعده ويا امج واخوانج..

قولي حق امج تقسم الشغل بينكم بجذي اختج راح تسمع كلامها بدون مرادد,,

الله ايوفقج حبيبتي ويسعدكم..

 

[حرف المها]

ياحلاتج سنعه ماااشاءالله يابخت امج فيج
حبيبتي اول شي و قبل كل شي حافظي على صلاتج و دعاءج و الاذكار صدققيني الله سبحانه بيعينج و بيكون معاج بكل شي و بيقويج
فضفضيله كل يوم قبل لا تنامين و صدقيني حياتج بتتغير للاحسن
استعيني بالله و بيعينج على اختج و الدراسه و النظيف و بر والدينج
عسى الله يحلي حياتج و يرزقج الي فيه خير لج يا حلوة :***

اختج حقريها و لهي نفسج عنها ليما تحس بغلطها .. الله يعينج
و من ناحيه الترتيب و الدراسه لازم تقسمين يومج جم ساعه دراسه و جم ساعه ترتيب و احتسبي الاجر و رضا الوالدين و انتي تسوينهم

حبيتج والله

 

[بنوتة اماراتية]

حبيباتي والله

آمين اقماري

والله ردكم واايد عيبني وحلوة افكاركم ماشاء الله عليكم خبرة 100 مية

احبكم والله اديتكم ياكويتيات