مشاري الموسى

[هنااادي]

شرايكم فيه جماليات الادب بروح اسجلها باي فورس بس الدكتور ما اعرفه

اللي خذت عنده او سمعت تقولي عن كل شي

 

[ورور92]

هذا ردي للعضوة ذهبية لما اسألتني عنه برسالة خاصة




وعليكم السلام و رحمة الله وبركاته ..

بخير دامج بخير :** .. انتي شلونج ؟ :$

ما من ازعاج شدعوة .. درعمي افا عليج ههههههه

شوفي اذا الطريج ما يضايقج اخذي عنده بس بصراحة يسوى

المادة معاه ما يبيلها دراسة ولا مجابل ولا تعب ولا شي ..

حضري كلاسج جنج استماع .. تبين تشاركين شاركي ماتبين تشاركين لا تشاركين عادي
ما عليها درجات ..

الغياب ما عليه درجات .. انا كان باقيلي غياب على الـ FA :$

ما يقبل الاعذار الطبية .. بس بنفس الوقت ما ينقص ..


اللي عليج تسوينه ..
اذا قال في تحضير للدرس الفلاني .. تقرينه قراءة حرة .. او اقل بعد
بس تاخذين فكرة عامة عنه مو اكثر ..

وببداية كل محاضرة يعطينا سؤال على ورقة صغيرة .. سيدا تحلينه من سهالته
انا كنت اسفط بالكلية .. و ابطل المذكرة .. واقرا عالسريع اقل من 3 دقايق << مطولة بعد
وادش احله سيدا واعطيه ..

و من هذا يعطيج درجة المشاركة ..

وعنده تلخيص تسوينه واحتمال يلغيه عليكم مادري بس اللي بالصيفي ماخذوه
اذا عندج اي قصة او رواية لخصيها باسلوبج .. اهم شي اسلوبج مو من النت
ويعطيج مهلة شهرين او اكثر ..

وبالنسبة للامتحان عنده ميدتيرمين + فاينل

وناسة امتحاناته .. ماتبطلين المذكرة ولا شي
اهو قبل الامتحان باسبوع يعطيج ورقة فيها يمكن 8 اسئلة اييج منهم 4
واجابتهم قصيرة و بسيطة و ان صارت طويلة حيل سهله وما يبيلها حفظ ..

مثلا اكتبي عن ابن بطوطة وخصاله ..
بس تكتبين هو رحال سافر الى اليمن والهند والعراق ..الخ و نقل الينا عادات وتقاليد الشعوب
ولغاتهم و ترجمها لنا و بــح

واييج 3 ابيات .. فصفصيهم على كيف كيفج كل شي كتبي .. و طالعي الشعر من كذا نظرة و بـُـعد

مثال / اذكر يابلنا بيت شعر و فيه مدح ان الملك بالنسبة للمدينه كالقمر ..
انا بس كتبت ان المدينه لا تستغني عنه كما لا تستغني عن القمر .. فهو النور اللي يشع في اوساط الظلام الدامس الخ و اعيد وازيد خخخخخخخ
بس اهو شافها بنظرة ثانية ان القمر بعيد .. فرغم بعده الا انه قريب بعطائه .. و خيره
وانه يسهر ويهتم بالرعية . الخ

يعني هذا مثال بس شلون تشوفين الشعر بكذا نظرة وناحية .. توسعين مداركج ..

بس والله سهل حيييييييييييييييييييييييييييييل
واسئلته حفظيها وكتبيها .. تضمنين الدرجة اللي من 15

اممممممم شنو بعد
اي اذا ياج شعر .. ايج سؤال اختياري واحد .. شنو نوعه
مدح .. ولا هجاء .. و غزل .. الخ
والاجابة واضحه لان الخيارات متناقضة
حده سهل السؤال ^_^

اي ترى بونص ما عنده
و ما يحاسب عالتاخير
كنا ندش قبل لا تخلص المحاضرة بـ خمس دقايق


بالنسبة لتعامله
انسان جدا راقي و محترم و اخلااااااق و طيب حيييييييييل ولا يزف ولا يقول شي
يستحي اصلا يقولج لا.. بس اذا بيرفض شي .. يقوله بأدب و ابتسامه ومن ناحية ثانية
وايد خجول .. و مثقف حيل .. ما شالله عليه ..
روحه حلوة و يضحك ... و ينكت .. ما يتكلم كويتي
كله لغة عربية حتى بالتلفون حتى مع الدكاترة واهله
.. وسبحان الله ما تحسينه شي غريب ..
ولا تنسين اذا ما اعجبتج درجتج ناقشيه .. اهو اصلا يقول اللي عندها اعتراض او سؤال او اي شي تناقشني
وبسهاله ما شالله عليه

يعني اذكر انا حاطلي 12 .. حطلي 14.5
ورفيجتي 9 حطلها 12.5

مايحب سوالف دكتور بحول دكتورر برفع معدلي على قولته مسوغات .. الخ
يحب اللي واضحه وشفافه ويعرف البنت اذا شاطرة ولا لا ..

طبعا ما قالها اشكرا .. لان يستحي
كتبها بورقه
-------
باختصار مضمونه الايه بجيبج ..

اسفة عالاطالة حياتي والله بس حاولت الم بكل شي عنه ..

وهم امدحوو مرسل العجمي ..

وبالنسبة للمواد الاختيارية عندج ثقافة اسلامية وايد حلوة و سهله وبسيطة
واذا خذيتيها يلغون تاريخ حضارة اسلامية .. يعني يعادلونها بالثقافة..

وسلامة قلبج .. لأي سؤال حياتي انا حاضرة :**
لا يردج الا كيبوردج ^_^

 

[*Toota*]

نزل شعبة يديده سجلي فيها بسرررعه

 

[هنااادي]

ورور92
مشكووووورة وما قصرتي ومرسل لي كورسين وانا انطره مليت بخلصها


*Toota*


اي نزل شعبه بسسسسسسس تعارض حسافة

 

[شروق 1990]

عجيب عجيب هالدكتوور نصيحه اخذي عنده وانتي مغمضه

 

[FoFa stylish]

اي اخذت عنده b و معلومه ما كنت شاده حيلي يعني لا قراءة ولا تحضير و ساعات اغيب

 

[Angel_store]

اب اب اب

 

[الحورية الصغيرة]

ما يتطوف هالدكتور

محاضرة عجييييييييييييييييييييبه

أسلوبه وااااااااااااايد راقي

نظام الغياب الكورس إلي طاف كان 3 إنذار أول 3 إنذار ثاني السابعfa

بعدين غيره و صار 6 تغيبين و ما يحاسبج و بعد السته ينقص درجه على غياب


إحنا كان معطينا ورقه فيها أسئله تقريبا 15 أو 20 سؤال و على كل سؤال درجتين

نسلم أقل شي 5 أسئله ماخذه فيهم full mark

صج أنه ما يعطي كيرف بس صدقيني ما راح تحتاجينه نظام الدكتور وااااااااااااااااااااااااااااااااايد سهل

 

[هنااادي]

مشكوررررررررين بس محد ذكر شلون امتحان وليش مايرفع

 

[الحورية الصغيرة]

ما يرفع لانه طريقة سهلة

الإمتحان يعطيج الأسئلة بإجوبتها و ماكو حفظ و ييب بالإمتحان أبيات خارجيه بسيطه و مايبي منج الشرح دقيق لأ شرح بسيط إلى متوسط بس أبيات بالمديح يقصد كذا و شبه الشي الفالي بكذا و بـس !!

ولا أبيات غزل أو جاء و جذي

يعني ما يحتاي الكيرف كـــلش ~


لانه طريقة أصلا كيرف غير مباشر ~

و على فكره إمتحانه ينحل بنص ساعه

 

[هنااادي]

حورية مشكورة والله يوفقج ياااارب

اذا عندج النوت بغيتها