مسويه تحوير مسار او تعرفين احد مسويها بلييييز ادخلي ابي اسالج؟؟؟ عنهم؟؟؟

[@غلا زوجها@]

بنات تكفوووون خلو بينا روح تعاون
ابي الي مسويه تحوير مسار المعده شلون حالهم الحين لانهم يقولون انها متعبه حيل
وحتى عقب سنين تحسين بخمول وتعب طول عمرج ودوخه
واي مجهود بسيط تتعبين منه


بنات انا هذا الي مخوفني من العمليه يعني الواحد اهم ما عليه صحته وعافيته

ولا انتو شرايكم

لاني سمعت هذا الكلام من بنات بالدوام عندي بس للعلم هم مو مسوينها
فانا ابي اعرف من البنات الي مسوينها هل الكلام هذا صحيح ولا لا ؟؟

تكفون بنات حسو فيني انا مابي اخلص من مشكلة السمنه وادش في مشاكل ثانيه


الله يوفق الي ترد على من غير ماتسويلي دعايه عن العمليه او عن الدكتور



وبنات تكفون ادعووووولي ان ربي يكتبلي الخيره في العمليه
وان ربي يقومني بالسلامه ويخليني لعيالي ويرجعني لبيتي سالمه

 

[بنفســـــج]

اعتقد انا اقدم وحده تقريباً في التحويل المسار _03BA:

كمّلت الحمد لله 3 سنوات

مو كلها رخا وهنا طبعاً العملية لها تعبها , لكن بالنسبة لي النتيجة تستاهل التعب لأن وزني كان كبير حيل

الحين بعد 3 سنوات ما اشوف حالي تعبان والحمد لله العب رياضة من ساعة لي ساعتين ما اتعب , لكن التعب يحصل لو اهملت الفيتامينات كم شهر متواصل أو بعد عمليات الشد :eh_s(1):طبعاً لأن يكون وقتها دميّ نزل وبعد العمليات الواحد صحته تضيع ويحتاج وقت ليما ترجع العافية ,

برايي كل شي بإيدج يعني سمعتي كلام الدكتور وانتظمتي بالأكل الصحي والفيتامينات والفحوصات الدورية كل 6 شهور ما عليج الا العافية وتقدرين تتلاحقين كل شي لكن لو اهملتي وكسّلتي اكيد راح تحصلين سلبيات العملية

من ناحية ثانية لازم ما تسكتين عن اي تعب او الم بالمعده وتهملينه لأنه يمكن يتطور لقرحة او التهاب فالعلاج من البداية أفضل شي

هذا بالنسبة لتجربتي , عندي آثار تحويل المسار اخف على قلبي من السمنة وأمراض السمنة إلي كنت فيها

ولازم تشوفين هل التعب والإرهاق أخف وإلا الضغط والسكري إلي من ورا السمنة وهل حبوب الفيتامينات اسهل بالإنتظام فيها وإلا الأدوية إلي بسبب أمراض السمنة ,, كل هالأمور حطيتها في بالي قبل اختيار العملية

ربي يسهل لج ويكتب لج الخيرة ياااااااارب

واي شي انا حاضرة اختي

 

[اميره بكلمتي]

اب
اب
اب

 

[جيرازksa]

غلا زوجها كم طولك وكم وزنك بالظبط

 

[@غلا زوجها@]

طولي 159 ووزني 111

 

[Kuwaitigirl1973]

تجربتي بكل أمانة فيها خمول أول اسبوعين ثلاثة لغاية ما تعودت على الأكل والشرب بالطريقة اليديدة وآنا مثل بنفسج اليوم أحسن وايد من قبل العملية بكل شي إلا الجلد الزايد اللي ناطرة شوي بعد أنزل قبل لا أشده، بس تسوين العملية راح تتحسفين على الوقت اللي ضيعتيه قبل وانتي متينة، هذا رايي إذا التزمتي بالمتابع مع دكتورج واخصائية التغذية بتكونين سعيدة حيل

 

[:: Diva ::]

انا صار لي تقريبا شهر و نص او اكثر بشوي
و مبجر احكم

لان للحين احسن باجهاد و ارهاق و هذا لقلة الاكل و الفيتامينات ما بلشت فيها
اليوم ان شالله ابلش
لاني تعبت و دايخه



بس من اشوف الارقام بالميزان استااانس و انسى التعب

 

[حياة زوجي]

انا انا انا دورى
انا سويت تحويل مسار كان وزنى 127 والحين تممت السنه ووزنى صار 68 والحمدالله
على فكره انا ملتزمه بالفيتامينات واكلى واااااااايد صحى
وحاليا العب بالنادى لمده ساعتين وهدفى اوصل 65
اهم شى التزام بالفيتامينات
ويكون فى علمج ترا مرات اخربط بالاكل ويزيد وزنى بس اتحسف وارجع اسوى رجيم
والفال لج وتبشرينا بالعمليه وتنزلين بصحه وعافيه

​

 

[makhroosha]

ونااااسة ماشالله النزول وايد زييين.. تنشا الله نضعف بصحة وعافية يا رب
أنا مو مسوية عملية بس قاعدة أحاول اضعف والنفسية صفر

 

[غدر الزمان]

واي متى اصير مثلكم واقول ان لميزان تحرك بس لحمد اللة دام الريل وافق
بديت بمرحلة البحث عن الدكتور المناسب ادعولي اسويها قبل لدوامات