مسمى فني شلون ؟ ابي دورات خاصة ..

[أميرة 22]

السلام عليكم ورحمة الله وبركاته ،،

انا موظفة بوزارة التربية ( ادارية ) :eh_s(2):
كرهت العمل بوزارة الدعارة وظلم الحريم وتسلطهن على
المعلمات او الاداريات .. شفت مشاكل لأسباب تافه يسونها
الوكيلات وبعض الناظرات .. هداهن الله .. :eh_s(4):

وحتى الدوام بالمدارس كريهه .. تعب عالفاضي .. وحرام
جذي التربية بالكويت ومافي احد حط حلول للمشاكل اللي ما تخلص ..

:ch12:

المهم ،،

بحاول اقدم استقالتي ( يمكن ) اذا ما ارتحت بالنقل القادم .. :eh_s(10):

سمعت شكثر ان معاش فني أقوى حتى من جامعي أو بكالوريوس
وحبيت اعرف شلون يصير مسماي (( فني )) ... ؟

انا شاطره بالكمبيوتر من أيام دراستي بالكلية وشهادتي بكالوريوس
وابي دورات خاصة واحصل منها شهادة بمسمى ( فني )

اللي ابي اعرفه
اي احسن دورات خاصة ... ؟
وماتكون مدة الدراسة طويلة حيل ..
ويفضل يكون مكانها بالمنطقة العاشرة اذا تعرفون او اي مكان مو مشكلة .. :rerrerek:

وشكرا لخواتي بمنتدى كويتيات .. حيل استفيد من هالمنتدى :ggdw:

 

[BshBshanea]

تبين تخلين شهادتج البكالريوس عشان جم فلس زياده. .. مو من صجج!!!

الدورات الخاصه اذا تقصدين فيها معهد الدورات الخاصه تبع التطبيقي

الدراسه فيه سنتين وبعدها تاخذين ميداني

اما اذا تقصدين دورات المعاهد الخاصه يوتيرن وطقته بو 9 اشهر ما اعرف فيه

 

[أميرة 22]

حبيبتي مو عشان كم فليسات انا باخذ دورات خاصه

ابي ارتاح بالمهنة وابي معاشي على قد وظيفتي وتعبي

لو شفتي اللي عندي بالمدرسة فني ودورات معاهد خاصة 9 شهور
وشغلها بسيط تفتر على كمبيوترات بالمدرسة وتسجل اللي خربان
وتدق على فني كمبيوتر يسويه وبــــــــــــــــــــــــــــــــس

وكله قاعده وتاكل تسولف تدوج .. عسى الله يرزقها بوظيفتها وحلالها فلوسها ..
هي كانت بمدرسة والحين انتقلت عشان تزوجت .. الله يوفقها

وقالت لي اخذت دورات خاصة بعد ثانوية 9 شهور وتوظفت بالتربية
ومعاش 800 وشئ ... خير ونعمة والله

وانا اللي مفروض يصير مسماي فني .. بس احنا مشرفة تقنيات
ظلم بالمسمى هم وغم حتى بالشغل بالوظيفة اللي ماكنت متوقعتها
لأ ... والادارة قشرة وتزيد الهم علي ... بس الله يخلي الموجه يسكت هالاشكال

مشكووووووووورة على الرد ..

 

[ام ملاك2]

وشنو اسم الدورة الي كانت ماخدتها وفي اي معهد وليش ما تدخلينها

 

[أميرة 22]

انا بحاول اسجل بدورة معهد خاص اهم شئ يكون مسماي فني كمبيوتر

بس ابي اعرف اوقف وظيفتي يعني اقدم استقاله او شنو بالضبط .. ؟؟؟

اكمل 9 شهور واخلص واخذ شهادة
وبعدها اسجل بديوان يقبلوني بسرعه او شنو بالضبط .. ؟؟؟

اتمنى للي تعرف بـ هالمشكلة تعلمني ...