الحظ العاثر
New member
- إنضم
- 14 مارس 2009
- المشاركات
- 220
- مستوى التفاعل
- 0
- النقاط
- 0
السالم عليكم خواتى المشاركات
من قبل اسبوع قررت اكتب كل شئ يسويه فينى حظى العاثر ماراح اسكت عنه ماتدرون يمكن اذا فضحته يهدنى ولوأنى ادرى لازق قينى ازلى وياى الكل يتركنى الا اهو مجلب ( الله يفكنى منه ) قمت اردد مقولتى الى اهى من شعرى0000قلت الحظ فى أوله ولا بتلاه وانا انقضى العمر ماشفتله قومه ( صح لسانى )
بعد حانى ومانى وبين نجره صارت بين قلبى الضعيف وعقلى الخبيل قررت اروح حفلة استقبال مسوينه علسشان فوز واحد من النواب اللى يعتبر من اقاربى ولأنى بصراحه اهو دايم ماشاله عليه ينجح ويسون له استقبالات يعبرون اهله عن فرحتهم وكله ماأروح مالى خلق، خبركم عقب الهيله والمدابج بفترة الأنتخابات كسلت وابى انام ابى ارتاح ماابى اسوى اى شئ انا طبعى شين اذا حطيت شئ بالى خلاص اعطيه كل همى وأنسى نفسى أى والله انسى ان عندى شعر يقولون عنه حلو يبى سشوار يبى دابر املا انسى عندى أيدين وريول يصرخون وينادون يبون منكير بدكير لكن طناش ماشوف الا الأنتخابات والكشوف وأسامى الدائره ياساتر والله موصاحيه ، اختكم عندها نفنوف يعقد ومشتهيه تلبسه وترانى اموت على الزين ابى اوخر الغبره والتهيلق اللى لازقين فينى من ايام الأنتخابات الله لايعودها الا بعد أربع سنين 0
المهم طلعت مبجر الساعه اربع علشان ارجع بعد مبجر واروح الأستقبال بعد مبجر وأستانس وابرد جبدى من زمان ماطلعت ولا رحت أستقبالات وماكشخت ياوناستى عشتو صايره اخطط ههههههه الحظ ناطرج 0
بطريجى دقت رفيجه على وطلبتنى عمرها ماسوتها قالت : حبوبه ماعونى عندج وابيه ضرورى مسويه اطباق حق اختى
( ويه وين طلعتلى هذى انا لى خلقها ) قلت : حياتى ضرورى تبينه 0
بعصبيه قالت أيه لأنه ست كامل منل مواعينها وعندها عزيمه اليوم0 قمت انفخ وقلت انزين بس منو يبى ياخذه0 وقالت بعصبيه تخرع وشوى وتسمعنى كلام يضيق الصدر ماعندج أحد انا الحين بالصالون اسوى شعرى ناويه اروح أستقبالكم أول وبعدين اروح حق اختى (تدبست )
لازم انا اودى الماعون بعد لازم استحى على ويهى كافى مانى ذربه وبوديه فاضى رجعت البيت واطق هرن يافلبينيه يبى الماعون الفضى اللى ريوله ضعيفه اللى مال صديقه مال انا اللى حاطته بالكبت اللى باليسار ( حاضر ماما )
وانطر 0وانطر 0 واطق هرن صرنا هيلق هرن ورى هرن يالله الذرابه انحاشت عنى ( ويه يت شنو شايله حظى يابت كل المواعين الفضيه يالوعة الجبد الحمدلله ماعونها وياهم ، وأنطلقت بالسياره حق بيت اختها ياكره بيتها بعيد عن صالونى والله قهر بس ماعليه انا مخطط وحكيمه وطلعت مبجر ههههههه بس والله الوقت يمشى بسرعه0
وصلت بيت أخت رفيجتى الدعله وطقيت هرن يالله خاربه خاربه وطلعت سيلانيتهم المسلوعه ياحافظ ماتاكل عيل هالأطباق من له ؟
وانا بالطريج يتنى فكره ياحلوها من فكره ياختى صايره اهبل كله افكر واخطط شئ عدل قلت لنفسى ليش اروح حق صالونى البعيد والحين بدت الزحمه الساعه ست ونص ومابقى شى على الأذان وانا اللحين جريبه من هالمنطقه اللى كلها صالونات ليش ماأروح حق اى واحد مو ضرورى صالونى شنو فيه زويده والله خوش حجى بس بس ياتنى فكره بنت أختى عندها صلون كله تروح له اهنيه جريب خل ادق عليها وسألها عنه ودقيتوقلت : الو وين امج بسرعه قوليلها خالتج تبيج ( بنتها الصغيره وراح اطلع روحى ) وقالت : خالتى أمى تدرس باجر عليها امتحان وقاعده بالدوانيه منخشه عن اخوانى ماتبيهم يدرون اشلون اناديها وحتى موبايلها صاكته 0أش هالحاله وقلت : روحى ناديها ابيها ضرورى ترى ايج واكفخج
وقالت وهى تبربر : شنو اسوى اهى قالت اذا دخلت عليه واحد من اخوانى درى راح التكفقنى مثلج ،( ويهه ياربى )
وقلت : انتى ياحلوه أنا ضايعه وقاعده ادور صالون امج ومانى دالته ولا تخافين امج ماراح اتكفخج ( أشوى كسرت خاطرها ) وقالت : انزين خالتى كانى ابى روح بس هالتيلفون مايروح الدوانيه 0( ياحظى ) وقلت : ماعليه ياحلوه ( ادلعها شسوى حاجتى عندها) قولى حق امج خالتى تبيج ضرورى اهى بالشارع حل تدق على موبايل 0 وسكيته
وقلت لنفسى خل اقرب يم صالونها انا اذكر انها قالتلى مره انه جريب يم مطعم الماكدونالدزعلشلن لما تدق اكون جريبه ماأبى اتأخر الله وأكبر أذن الأذان 0
قاعده أنطر وانطر اشفيها مادقت شصاير وينها وشتغلت عليهم وادق ومحد يرد اف
يافرحتى دق التيلفون الله وقلت الو (والا اسمع وحده تخانق وتقول : يمال العمى ليش تقولين أنا اهنيه موقايلتلج تقولين امى موهنيه طالعه مو بالبيت وموبايلها ناسيته بالبيت عمرج ماتسوين اللى اقولج عليه ( واى عصبيه تخرع انا اخترعت الله يعين هالياهل )
وحده ياهل ردت عليها تقول: يمه شسوى تقول ضايعه وتبى تعرف وين صالونج ( ويه هذى بنت أختى الو الو ردى هلا والله ماتدرى انى على الخط اعصابها ثايرهاخيرا أسمعتنى هلا خالتى أعذرينى عندى امتحان صعب باجر وبنتى دعله 0
وقلت انزين انااسفه بس قراده ابى صالونج انا جريبه منه يالا وينه 0
وقامت ادلينى منيه ، لا مومنيه ، يالله وصلتى ، بقى اشويه ، ايه يم هالدكان ، ترى لوحته ماتنشاف بداعوس ، ماعنده مواقف ،( ويه ياحظى )، ترى ماعندهم الا هنديه بتاعوت كل حاجه ، صبغها حلو بس بطيئه ،( اشهالحاله)
اخيرا الله كاهو الصالون بين القمر ونزلت ودخلت صالون حده متواضع بس يالله تقزر ابى اخلص الصالون سميته صالون بوحمره كل شئ فيه حمر اكيد راعيته ابدويه او وحده رومانسيه غنفه مخططه احمر فاتح بأحمر غامج طوفه بيضه مخططه بأحمر ثلاث تسريحات فقط حمر ( والله شغل عدل )
يتنى هنديه نعومه كيوت وقالت : شنو تبين تسوين ؟ وقلت :ابى اصبغ شعرى لونه باهت نازله صبغتى وبعدين اردلج اتسوين لى هاى لايت لأن الحين ماعندى وقت0ابتسمت وقالت مافى ماى ( هاذى شتقول انا شكو بالماى وطنشت )
وقلت :انزين صبغيلى انا صيفت عندى عزيمه ابى بسرعه0وقالت : ماما قبلج وحد تبى حواجب ويعدين انتى 0
قلت : انزين وين الجبله ابى اصلى على ماتخلصين 0
ويه طالعت الساعه ثمان طافت صلاة المغرب وأنا بالسياره ياربى لاتواخذنى الصلاة بقلبى وغصب على طافتنى عيل خل اصلى العشى بعد لاطوفنى وباجر اقضى المغرب وقعدت انطر وافوكر واقول هذا وانا طاله مبجر للحين ماسويت شئ صج الواحد يفكر والرب يدبر بس ماقول الا ياحضى الردى سبحان الله ماأحصل الشئ الا بعد طلعت الروح ماأنتبهت من سوالف روحى لروحى الا على صوت يقول : ماما ماما ماما
عطيتها كشتى اللى بس اغسلها من غير ماأمشطها وقامت اتشاورنى أى لون أبى ؟ لحد مارسيت على لونى اللى احبه الون الترابى وبدت اتخلط الون وتحطه على شعرى وتمسح جبهتى علشان ماتتلطخ والله مبين عليها سنعه ( الله يستر من تاليتها )
طالعت الساعه صارت تسع قمت أونس نفسى فى مجال اروح الأستقبال فى وقت مابقى شئ بس اغسل شعرى وأسشوره وأروح البيت ابدل الحمدلله اهدومى زاهبه وبعدين اروح الصاله مو بعيده عن بيتى ( مصره على الروحه لأنى ماأدرى حظى الأغبر شنو خاش لى ) قلت خل اضيع الوقت واسولف معاها لأنى بديت اتوتروسالتها : منو ماله هذا الصالون ؟جاوبت : ب /أ وكانت تجول فى ارجاء الصالون اللى كبر جفى تنظف وترتب وترجع الأغراض مكانها ولم اسال نفسى ليش تسوى جذيه ليش ماتنطر لما أروح على الأقل وجان اعطيها سؤال ثانى مافى أحد يساعدج ؟ وقالت :كلهم راحو مافى زباين اليوم لأن مافى ماى ( هذى اشفيها مع الماى ) وقلت : تايم مال صبغ خلاص ؟ جاوبت :ايه ماما باقى عشره دقيقه بيتج بعيد مو زين صبغ يقعد وايد ( ياربى كلامها مو مفهوم ) انتى شتبين فى بيتى ليش تبينه يكون جريب ؟ وقالت : ماما علشان وقت يكون كافى اتغسلين شعرج ورديت عليها : يالله قومى غسلى شعرى اكيد تايم فنش، عصبت وقالت : ماما انتى غسليه فى البيت اهنيه ماكو ماى من الظهر مدام يجيب رجال بس ماسوى شئ يبى خريطه مال بنايه انايقولج ماكو ماى انتى يقول أبى صبغى شعرى ( حسبئ الله عليج طلعت هذى سالفة الماى واى ياحظى الردى)
شسوى الحين شغبر الساعه تسع وأربعين دقيقه متى أروح البيت واغسل شعرى وأسشوره ( من حلاة سشوارى ) ومتى ابدل واتمكيج وين اللى تبى تكشخ أه ياحظى أخ يتنى فكره ياكثر افكارى اللى تيب وطىوقلت بعصبيه : اشلون تصبغين شعرى وانتى ماعندج ماى انا ماسمعتج عدل انتى مو زين الحين انا بيت وايد بعيد وانتى يقول صبغ موزين على شعر خلاص مافى حل لازم انتى ادقين على الصالونات اللى يمج وتسوين موعد حقى اغسل شعرى وأسشوره0
مسكينه ضاق خلقها على وقالت : انا خايفه عاى شعرج والله موزين صبغ وقت وايد والله ماما كاه الصلونات اللى بشارعنا يصكون الساعه ثمانيه وفى صالونات تسعه والله ماما روحى بيت مو زين مو زين تبين ادق على واحد صالون تسمعين 0
جبروت انا قلت : ايه دقى الحين ابى اسمع ، والله من حرتى شسوى بموت من رداة الحظ ( ياحسرتى قام شعرى يحككنى الله يستر ليحترق )وقلتلها بسرعه وانا طالعه خلاص لادقين على اى أحد انا رايحه البيت 0
وركضت وراى ماما وين حساب خمسه دينار
الله يقطعها من منطقه هذى معروفه دايم بالزحمه وزادت من حطو فيها هالمجمعات ياحسرتى على شعرى انا وين وصالون بنت اختى وين شلى قردنى ورحت له ياحسافه على الأستقبال وياحسافه على الكشخه اللى كنت بكشخهامو مهم كل هذا بس يسلم لى شعرى هذى سوالف روحى لروحى وللحين ماوصلت وشعرى زاد يحككنى ودى احكه بس اخاف يطيح من الصبغ ياربى متى اوصل البيت ؟متى اشوف حمامى ؟متى اشوف الماى يهدر على شعرى ؟
اخيرا كاهو شارعنا وناسه قلبى يدق ايدى ترتجف ويهي يضحك مااقدر اسيطر عليهم تعليمات من عقلى خلت كل شى فينى يسوى حركه معيته انا مالى شغل هذى فرحتى اهى اللى سوت كل هذا، الله مطبت بيتنا ، بابنا ، غرفتى ، حمامى ،فوطتى
وغسلت شعرى وتحممت وطلعت بره عند المنظره ( ياللمفاجئه )
واى شعرى يهبل لونه يعقد واى ياحلوه كشخه صغرنى ياليتنى رحت الأستقبال شكلى يهبل بس انا وين اروح وانا عندى هالحظ الردى؟؟؟؟؟؟؟؟؟؟؟؟؟؟؟؟؟
من قبل اسبوع قررت اكتب كل شئ يسويه فينى حظى العاثر ماراح اسكت عنه ماتدرون يمكن اذا فضحته يهدنى ولوأنى ادرى لازق قينى ازلى وياى الكل يتركنى الا اهو مجلب ( الله يفكنى منه ) قمت اردد مقولتى الى اهى من شعرى0000قلت الحظ فى أوله ولا بتلاه وانا انقضى العمر ماشفتله قومه ( صح لسانى )
بعد حانى ومانى وبين نجره صارت بين قلبى الضعيف وعقلى الخبيل قررت اروح حفلة استقبال مسوينه علسشان فوز واحد من النواب اللى يعتبر من اقاربى ولأنى بصراحه اهو دايم ماشاله عليه ينجح ويسون له استقبالات يعبرون اهله عن فرحتهم وكله ماأروح مالى خلق، خبركم عقب الهيله والمدابج بفترة الأنتخابات كسلت وابى انام ابى ارتاح ماابى اسوى اى شئ انا طبعى شين اذا حطيت شئ بالى خلاص اعطيه كل همى وأنسى نفسى أى والله انسى ان عندى شعر يقولون عنه حلو يبى سشوار يبى دابر املا انسى عندى أيدين وريول يصرخون وينادون يبون منكير بدكير لكن طناش ماشوف الا الأنتخابات والكشوف وأسامى الدائره ياساتر والله موصاحيه ، اختكم عندها نفنوف يعقد ومشتهيه تلبسه وترانى اموت على الزين ابى اوخر الغبره والتهيلق اللى لازقين فينى من ايام الأنتخابات الله لايعودها الا بعد أربع سنين 0
المهم طلعت مبجر الساعه اربع علشان ارجع بعد مبجر واروح الأستقبال بعد مبجر وأستانس وابرد جبدى من زمان ماطلعت ولا رحت أستقبالات وماكشخت ياوناستى عشتو صايره اخطط ههههههه الحظ ناطرج 0
بطريجى دقت رفيجه على وطلبتنى عمرها ماسوتها قالت : حبوبه ماعونى عندج وابيه ضرورى مسويه اطباق حق اختى
( ويه وين طلعتلى هذى انا لى خلقها ) قلت : حياتى ضرورى تبينه 0
بعصبيه قالت أيه لأنه ست كامل منل مواعينها وعندها عزيمه اليوم0 قمت انفخ وقلت انزين بس منو يبى ياخذه0 وقالت بعصبيه تخرع وشوى وتسمعنى كلام يضيق الصدر ماعندج أحد انا الحين بالصالون اسوى شعرى ناويه اروح أستقبالكم أول وبعدين اروح حق اختى (تدبست )
لازم انا اودى الماعون بعد لازم استحى على ويهى كافى مانى ذربه وبوديه فاضى رجعت البيت واطق هرن يافلبينيه يبى الماعون الفضى اللى ريوله ضعيفه اللى مال صديقه مال انا اللى حاطته بالكبت اللى باليسار ( حاضر ماما )
وانطر 0وانطر 0 واطق هرن صرنا هيلق هرن ورى هرن يالله الذرابه انحاشت عنى ( ويه يت شنو شايله حظى يابت كل المواعين الفضيه يالوعة الجبد الحمدلله ماعونها وياهم ، وأنطلقت بالسياره حق بيت اختها ياكره بيتها بعيد عن صالونى والله قهر بس ماعليه انا مخطط وحكيمه وطلعت مبجر ههههههه بس والله الوقت يمشى بسرعه0
وصلت بيت أخت رفيجتى الدعله وطقيت هرن يالله خاربه خاربه وطلعت سيلانيتهم المسلوعه ياحافظ ماتاكل عيل هالأطباق من له ؟
وانا بالطريج يتنى فكره ياحلوها من فكره ياختى صايره اهبل كله افكر واخطط شئ عدل قلت لنفسى ليش اروح حق صالونى البعيد والحين بدت الزحمه الساعه ست ونص ومابقى شى على الأذان وانا اللحين جريبه من هالمنطقه اللى كلها صالونات ليش ماأروح حق اى واحد مو ضرورى صالونى شنو فيه زويده والله خوش حجى بس بس ياتنى فكره بنت أختى عندها صلون كله تروح له اهنيه جريب خل ادق عليها وسألها عنه ودقيتوقلت : الو وين امج بسرعه قوليلها خالتج تبيج ( بنتها الصغيره وراح اطلع روحى ) وقالت : خالتى أمى تدرس باجر عليها امتحان وقاعده بالدوانيه منخشه عن اخوانى ماتبيهم يدرون اشلون اناديها وحتى موبايلها صاكته 0أش هالحاله وقلت : روحى ناديها ابيها ضرورى ترى ايج واكفخج
وقالت وهى تبربر : شنو اسوى اهى قالت اذا دخلت عليه واحد من اخوانى درى راح التكفقنى مثلج ،( ويهه ياربى )
وقلت : انتى ياحلوه أنا ضايعه وقاعده ادور صالون امج ومانى دالته ولا تخافين امج ماراح اتكفخج ( أشوى كسرت خاطرها ) وقالت : انزين خالتى كانى ابى روح بس هالتيلفون مايروح الدوانيه 0( ياحظى ) وقلت : ماعليه ياحلوه ( ادلعها شسوى حاجتى عندها) قولى حق امج خالتى تبيج ضرورى اهى بالشارع حل تدق على موبايل 0 وسكيته
وقلت لنفسى خل اقرب يم صالونها انا اذكر انها قالتلى مره انه جريب يم مطعم الماكدونالدزعلشلن لما تدق اكون جريبه ماأبى اتأخر الله وأكبر أذن الأذان 0
قاعده أنطر وانطر اشفيها مادقت شصاير وينها وشتغلت عليهم وادق ومحد يرد اف
يافرحتى دق التيلفون الله وقلت الو (والا اسمع وحده تخانق وتقول : يمال العمى ليش تقولين أنا اهنيه موقايلتلج تقولين امى موهنيه طالعه مو بالبيت وموبايلها ناسيته بالبيت عمرج ماتسوين اللى اقولج عليه ( واى عصبيه تخرع انا اخترعت الله يعين هالياهل )
وحده ياهل ردت عليها تقول: يمه شسوى تقول ضايعه وتبى تعرف وين صالونج ( ويه هذى بنت أختى الو الو ردى هلا والله ماتدرى انى على الخط اعصابها ثايرهاخيرا أسمعتنى هلا خالتى أعذرينى عندى امتحان صعب باجر وبنتى دعله 0
وقلت انزين انااسفه بس قراده ابى صالونج انا جريبه منه يالا وينه 0
وقامت ادلينى منيه ، لا مومنيه ، يالله وصلتى ، بقى اشويه ، ايه يم هالدكان ، ترى لوحته ماتنشاف بداعوس ، ماعنده مواقف ،( ويه ياحظى )، ترى ماعندهم الا هنديه بتاعوت كل حاجه ، صبغها حلو بس بطيئه ،( اشهالحاله)
اخيرا الله كاهو الصالون بين القمر ونزلت ودخلت صالون حده متواضع بس يالله تقزر ابى اخلص الصالون سميته صالون بوحمره كل شئ فيه حمر اكيد راعيته ابدويه او وحده رومانسيه غنفه مخططه احمر فاتح بأحمر غامج طوفه بيضه مخططه بأحمر ثلاث تسريحات فقط حمر ( والله شغل عدل )
يتنى هنديه نعومه كيوت وقالت : شنو تبين تسوين ؟ وقلت :ابى اصبغ شعرى لونه باهت نازله صبغتى وبعدين اردلج اتسوين لى هاى لايت لأن الحين ماعندى وقت0ابتسمت وقالت مافى ماى ( هاذى شتقول انا شكو بالماى وطنشت )
وقلت :انزين صبغيلى انا صيفت عندى عزيمه ابى بسرعه0وقالت : ماما قبلج وحد تبى حواجب ويعدين انتى 0
قلت : انزين وين الجبله ابى اصلى على ماتخلصين 0
ويه طالعت الساعه ثمان طافت صلاة المغرب وأنا بالسياره ياربى لاتواخذنى الصلاة بقلبى وغصب على طافتنى عيل خل اصلى العشى بعد لاطوفنى وباجر اقضى المغرب وقعدت انطر وافوكر واقول هذا وانا طاله مبجر للحين ماسويت شئ صج الواحد يفكر والرب يدبر بس ماقول الا ياحضى الردى سبحان الله ماأحصل الشئ الا بعد طلعت الروح ماأنتبهت من سوالف روحى لروحى الا على صوت يقول : ماما ماما ماما
عطيتها كشتى اللى بس اغسلها من غير ماأمشطها وقامت اتشاورنى أى لون أبى ؟ لحد مارسيت على لونى اللى احبه الون الترابى وبدت اتخلط الون وتحطه على شعرى وتمسح جبهتى علشان ماتتلطخ والله مبين عليها سنعه ( الله يستر من تاليتها )
طالعت الساعه صارت تسع قمت أونس نفسى فى مجال اروح الأستقبال فى وقت مابقى شئ بس اغسل شعرى وأسشوره وأروح البيت ابدل الحمدلله اهدومى زاهبه وبعدين اروح الصاله مو بعيده عن بيتى ( مصره على الروحه لأنى ماأدرى حظى الأغبر شنو خاش لى ) قلت خل اضيع الوقت واسولف معاها لأنى بديت اتوتروسالتها : منو ماله هذا الصالون ؟جاوبت : ب /أ وكانت تجول فى ارجاء الصالون اللى كبر جفى تنظف وترتب وترجع الأغراض مكانها ولم اسال نفسى ليش تسوى جذيه ليش ماتنطر لما أروح على الأقل وجان اعطيها سؤال ثانى مافى أحد يساعدج ؟ وقالت :كلهم راحو مافى زباين اليوم لأن مافى ماى ( هذى اشفيها مع الماى ) وقلت : تايم مال صبغ خلاص ؟ جاوبت :ايه ماما باقى عشره دقيقه بيتج بعيد مو زين صبغ يقعد وايد ( ياربى كلامها مو مفهوم ) انتى شتبين فى بيتى ليش تبينه يكون جريب ؟ وقالت : ماما علشان وقت يكون كافى اتغسلين شعرج ورديت عليها : يالله قومى غسلى شعرى اكيد تايم فنش، عصبت وقالت : ماما انتى غسليه فى البيت اهنيه ماكو ماى من الظهر مدام يجيب رجال بس ماسوى شئ يبى خريطه مال بنايه انايقولج ماكو ماى انتى يقول أبى صبغى شعرى ( حسبئ الله عليج طلعت هذى سالفة الماى واى ياحظى الردى)
شسوى الحين شغبر الساعه تسع وأربعين دقيقه متى أروح البيت واغسل شعرى وأسشوره ( من حلاة سشوارى ) ومتى ابدل واتمكيج وين اللى تبى تكشخ أه ياحظى أخ يتنى فكره ياكثر افكارى اللى تيب وطىوقلت بعصبيه : اشلون تصبغين شعرى وانتى ماعندج ماى انا ماسمعتج عدل انتى مو زين الحين انا بيت وايد بعيد وانتى يقول صبغ موزين على شعر خلاص مافى حل لازم انتى ادقين على الصالونات اللى يمج وتسوين موعد حقى اغسل شعرى وأسشوره0
مسكينه ضاق خلقها على وقالت : انا خايفه عاى شعرج والله موزين صبغ وقت وايد والله ماما كاه الصلونات اللى بشارعنا يصكون الساعه ثمانيه وفى صالونات تسعه والله ماما روحى بيت مو زين مو زين تبين ادق على واحد صالون تسمعين 0
جبروت انا قلت : ايه دقى الحين ابى اسمع ، والله من حرتى شسوى بموت من رداة الحظ ( ياحسرتى قام شعرى يحككنى الله يستر ليحترق )وقلتلها بسرعه وانا طالعه خلاص لادقين على اى أحد انا رايحه البيت 0
وركضت وراى ماما وين حساب خمسه دينار
الله يقطعها من منطقه هذى معروفه دايم بالزحمه وزادت من حطو فيها هالمجمعات ياحسرتى على شعرى انا وين وصالون بنت اختى وين شلى قردنى ورحت له ياحسافه على الأستقبال وياحسافه على الكشخه اللى كنت بكشخهامو مهم كل هذا بس يسلم لى شعرى هذى سوالف روحى لروحى وللحين ماوصلت وشعرى زاد يحككنى ودى احكه بس اخاف يطيح من الصبغ ياربى متى اوصل البيت ؟متى اشوف حمامى ؟متى اشوف الماى يهدر على شعرى ؟
اخيرا كاهو شارعنا وناسه قلبى يدق ايدى ترتجف ويهي يضحك مااقدر اسيطر عليهم تعليمات من عقلى خلت كل شى فينى يسوى حركه معيته انا مالى شغل هذى فرحتى اهى اللى سوت كل هذا، الله مطبت بيتنا ، بابنا ، غرفتى ، حمامى ،فوطتى
وغسلت شعرى وتحممت وطلعت بره عند المنظره ( ياللمفاجئه )
واى شعرى يهبل لونه يعقد واى ياحلوه كشخه صغرنى ياليتنى رحت الأستقبال شكلى يهبل بس انا وين اروح وانا عندى هالحظ الردى؟؟؟؟؟؟؟؟؟؟؟؟؟؟؟؟؟
التعديل الأخير:
