مسلسل زوارة خميس شرايكم فية؟؟

[مظلومة حيل]

الي يتابعون زوارة خميس شرايكم فية مو جري والله فية لقطات اتفشل ان يشوفونة الجهال او مو متزوجين خاصا

او مراح اقول لقطات شان زين تنشال

انتو شرايكو

 

[Ǥoldɛn ʝɛωɛL]

رد : مسلسل زوارة خميس شرايكم فية؟؟

عجيييب حيل حلو

وانا مو متزوجه وعادي

وو ترى كل المسلسلات ما ينفعون حق اليهال كللش !!

 

[abo0osha]

انا اجوفه عااادي مآفي شي

 

[مظلومة حيل]

رد : رد: مسلسل زوارة خميس شرايكم فية؟؟

عندكم لقطة الاصانصير مو جري امبين

 

[!witcha!]

حلو بس احس يشجع الرياييل يتزوجوووون على حريمهم لوووووووول

 

[قلب الريم]

حلو ورأيي من ناحية الجرأه ع الأطفال فهم يطالعون المسلسلات التركيه جرأتها حدث ولا حرج

 

[قطيووه^_^]

فيه لقطات جريئة بس ما يفهمونها الجهااال

 

[أزهار الربيع]

جريء

 

[Ψ 3soola Ψ]

رد : مسلسل زوارة خميس شرايكم فية؟؟

حلو و مافيه شي

:eh_s(8):

 

[أم أحلى البنات.]

رد: رد : مسلسل زوارة خميس شرايكم فية؟؟

هالمسلسل غير هادف .. مثلوا فيه شخصيات مختلفه من المجتمع الكويتي وطلعوها بصوره كللللللللش مو شي ..
وبعد بفتحون الرياجيل على اشياء مو فبالهم مثل علاقة المنصور بالهام الفضاله .. مالها اي معنى ومو هادفه ..
يبون بس يجذبون المشاهد بأحداثه بقصص مدري شلون صايره ..
ومليون ألف سالفه تصير بالحلقه الوحده , وسبحان الله بيوم واحد هذاك احترقت لحيته والثاني وصل وحده وتوفى زوجها والولد مدري شصار فيه ..
كللللللللللش مو شي ..

 

[bobo lover]

رد: رد : مسلسل زوارة خميس شرايكم فية؟؟

بالعكس المسلسل حلو و يبين إن فلوس الحرام تسبب المصايب و البلاوي... يعني لما محمد المنصور أخذ فلوس أخوه عبدالعزيز رغم إن أبوه قال له إن أخوك لازم ياخذ من الورث و أم نصيب سمعت هالحجي لما كانت صغيرة و ليلحين ذاكرته أما ثنيان ينكر هالشي.

 

[أحلى~من~الورد]

رد: رد : مسلسل زوارة خميس شرايكم فية؟؟

حلو صراحه

احلااا مسلسل برمضان

 

[Ǥoldɛn ʝɛωɛL]

رد : رد: رد : مسلسل زوارة خميس شرايكم فية؟؟

هالمسلسل غير هادف .. مثلوا فيه شخصيات مختلفه من المجتمع الكويتي وطلعوها بصوره كللللللللش مو شي ..
وبعد بفتحون الرياجيل على اشياء مو فبالهم مثل علاقة المنصور بالهام الفضاله .. مالها اي معنى ومو هادفه ..
يبون بس يجذبون المشاهد بأحداثه بقصص مدري شلون صايره ..
ومليون ألف سالفه تصير بالحلقه الوحده , وسبحان الله بيوم واحد هذاك احترقت لحيته والثاني وصل وحده وتوفى زوجها والولد مدري شصار فيه ..
كللللللللللش مو شي ..

اي حبوبه ترى فيه المشاهد موجوده بالحقيقه ..!!

امي قايله لي سوالف عنهم موجوده وصج

وسالفه الهام الفضاله و المنصور شوفي مسلسل ليلة عيد نفس السالفه >> ليش ما قلتي عنهم لوول

تكرارهم يأكد ان موجود بالحقيقه

وو كل شي بوقت واحد لان المسلسل 30 حلقه بس ما يكفي يعرضون شي والحلقه مدتها بس نص ساعه بس الدعايات مطولينها حييل مخلين المسلسل ساعه

مو 300 مثل المسلسلات التركيه لول

لا تتضايقين من ردي بس حبيت اوضح

 

[جلاديلياس]

رد: رد : رد: رد : مسلسل زوارة خميس شرايكم فية؟؟

المسلسل حلو بس فيه جرائه واااايد

 

[3so0ola_94]

رد: رد : رد: رد : مسلسل زوارة خميس شرايكم فية؟؟

المسلسل حلوو ولو مو ناجح جاان ماشفتوا كل الكويت اتابعه

 

[الصعيريه]

رد : رد: رد : رد: رد : مسلسل زوارة خميس شرايكم فية؟؟

الكاتبه مآطلعت شي من خيالهاا كل أحداثه واقعيه
مآعدا معاملة سعاد عبدالله لحريم عيالهاا أعتقد انه من خيال الكاتبه
لأنه مافي خاله مثلهاا حييل مبالغه

 

[الإسراء]

والله آنا حاسة إن آخر شي راح يطلع حلم ..

 

[lovely jojo]

جرئ

 

[جـــواهر]

ليش تستغربون من علاقة ناديه وثنيان
انا اعرف وحده بالضبط مثل ناديه مطلقه ودخل براسها زوج اختها لين جابت راسه

عادي يبا ترا الدنيا فيها بلااااااوي

 

[Tulips]

بداية المسلسل كانت حلوة صراحه و للحينه حلو بس للاسف في اشياء حيل جريئه قاعد تطراحها الكاتبه .. ماننكر هالاشياء موجوده عندنا وبكل مكان بس مو بكثره ومو بهالتصور هذا ..

مادري حسيت هبه مشاري حماده اندمجت حيل في كتابة المسلسل ونست نفسها