- إنضم
- 19 مارس 2009
- المشاركات
- 10,673
- مستوى التفاعل
- 11
- النقاط
- 0
هلا والله بكل دش موضوعي --> تكفين انتي وموضوعج خخخخخ
والله لوهي ذبيحه ماعشتكم --> خلي عنج مهايط البدو ودشي بالموضوع خخخخ
الله يسلمكم ودي افرفشكم شوي
واقولكم المسلسل المكسيكي اللي صار بيني وبين زوجي والبطل المغوار (مجهول الهويه حاليا) في ايام العيد
واللي تقريبا كان بيتحول العيد الى حرب اهليه
لولا لطف الله
خخخخخخخخخخخخخخخخخ
(تذكرت سالفه وحده بهالقسم تقريبا نفس البطل المغوار خخخخخخخخخخ بس الحمدلله زوجي مو نفس طينه زوجها)
الله يسلمكم
ثاني يوم العيد وبكل هدوء ومحبه --> اهم شي المحبه قلبت اصيل وبتغني خخخخختخخخخ
نومت عيالي ودشيت بفراشي بنام من التعب وكنت لابسه بجامه برمودا
المهم وانا منسدحه تحت الكفر دقت علي رفيجتي وطحنا نسولف ونحش بخلق الله خخخخخخ
وانا احس بشي يحكني على ساقي واحط رجلي الثانيه عليها وارجع اسولف
وكل شوي جذي وقمت وعدلت سدحتي قلت من الكفر اكيد المهم خلصنا سوالف وصكرت الخط وللحين شي يحكني جان اعصب اسمله علي وابطل الكفر واقول اووووووووه وبعدين والا ذاك الزهيوي اللي الله لايوريكم لونه اسود ملكي
خخخخخخخخخخخخخخخخخخخخخخخخخخخخخخخخخخخخخخخ
وكبر كف ايدي تقريبا ويمشي على ساقي وتقوملكم اتوتا وتصااااااااااااااااارخ من قمة راسها
وتطمر ذيج الطمره اللي لو اني مشتركه بسباق الحواجر جان خذيت الميداليه الذهبيه خخخخخخخخخخخخخخخخخ
(دار خالتي تحت داري وثاني يوم تسالني تقول شاللي طاح عندكم فوق احسها شكت باخلاقي مع ولدها خخخخخخخخ)
واكمل صراخ لي بره الدار
المشكله تلفوني مادري وين طار خخخخخخخخخخخخ
ومادري شلون قدرت ادش الدار مره ثانيه بسرعه البرق واطلع وادق على زوجي واهو تحت بالديوانيه
وقلتله تعال بسرعه ضروري ضروري طبعا جاني فوق ومن الخرعه ماسك طرف ثوبه بحلجه --> شكو من الخرعه الظاهر خخخخخخخخخخخخخ
يقول شفيج شصاير ؟
قلت زهيوي (طبعا كلمه زهيوي يكرهها زوجي يقول انتوا يالكويتيين حتى الصرصور تدلعونه قولوا صرصور وخلاص)
قال شنووووووووووو ؟ (مع تبقق عين وعدم تصديق)
قلت زهيوي يمشي على ساقي وانا نايمه ومع شهقة ودمعتين من اللي يحبها قلوبكم خخخخخخخخخخخخخخ
طبعا عصب زوجي قال مناديتي من الديوانيه ومقومتني من عند الرياجيل عشان صرصور ؟
بس حبيبي ماقصر دش بكل شهامه وقوة خخخخخخخخخ وذبح الزهيوي وخذاه معاه بره احذفه وراح كمل سهرته طبعا اخلاقه صارت تجاريه عقب هالسالفه خخخخخخخخخخخخخخ
اليوم الثاني
صرت امشي واطالع تحت صار عندي هوس خخخخخخخخخخخ
لو طرف ثوبي او بنطلوني حاش رجلي قمزت مخترعه ياربي شسوي الخوف ومايسوي :eh_s(11):
وانا منسدحه بفراشي ومبققه عيوني (اول مره ما ابقق عيوني عالبلاك بيري خخخخخخ) مادريت الا زهيوي ثاني يمشي عالطوفه والله العظيم بغيت استخف المشكله الطوفه اللي فوق الباب ... شلون اطلع الحين :080402ask_prv:
ونفس الشي زوجي تحت بالديوانيه .. جان ادق عليه .. جان يرد بكل ثقل : نععععععم ؟
قلت : زهيوي .. جان يصكر الخط بوجهي خخخخخخخخخخخخخخخخخخخخ
وانا اعيييييييييييييييط واعييييييييييييييييييط :eh_s(11):
وادق مره ثانيه واقوله ورب الكعبه زهيوي ثاني --> كسرت خاطر نفسي والله وانا اكتب الحين خخخخخخخخخخخخ
جاء مره ثانيه فوق واهو مو معصب وبس .. الا وده يذبحني انا بدال الزهيوي ههههههههه
طبعا ذبحه بس من العصبيه ذبحه وخلاه مكانه وقال انتي قطيه
خخخخخخخخخخخخخخخخخخخخخخخخخخخخخخخخخخخخخخخخخخ
طبعا بطوف هالمرحله ماني قايله شنو سويت عشان اقطه بره عن الفضايح --> تكفين كل هذا ومو فضايح خخخخخخ
المهم انا قلت شالسالفه كل يوم طالعلي زهيوي بالدار هذا وانا انظفها دايما :080402ask_prv:
قلت خلاص بنام عند عيالي هالليله وباجر اعابل بالدار عدل واشوف شالسالفه
وانا منسدحه يم بنتي اطالع التلفزيون وباب الدار مبطل ولمبه الممر مبطله والا ذاك الزهيوي اللي يتمشى عالبراد بكل ثقه
خخخخخخخخخخخخخخخ
هني استخفيت شالسالفه صج ؟؟؟
بس شسوي الحين ان دقيت على زوجي صارت فيها قبايل خخخخخخخخخخخخخخ
دزيتله مسج قلتله السالفه وطبعا طناااااااااااااااش منه خخخخخخخخخخ وارد واقوله طلبتك وربي اخر مره اناديك
ربع ساعه والا صاعد الظاهر كسرت خاطره ههههههههههههه
عدت الليله بسلام .. بس اليوم الثاني عرفنا شالسالفه .. جيرانا راشين بيتهم جايبين شركه تنظيف وكل بلاويهم جت علينا خخخخخخخخ ويروح زوجي ويجيب شركه بعد ويرش بيتنا ... طبعا مو لسواد عيوني لا بس عشان يعرف يلعب ورقه عدل ويسهر بالديوانيه بلا ازعاج وذبحه صراصير خخخخخخخخخخخخخخخخخخخخخخخخخ
ومن ذاك اليوم لهاللحظه اذا دقيت عليه اول مايرد مايقول الو والا هلا .. يقول صرصور بعد ؟
خخخخخخخخخخخخخخخخخخخخخخخخخ
وبس سلامتكم
وعسى ربي يبعد الزهيويه عني وعنكم يارب خخخخخخخخخخخخخخخخخ
وسوري طولت !!
