مسلسلات استغلال الشباب لعواطف البنات!لي وين بتوصلون؟

[MiSTaKe]

السلام عليكم ورحمه الله وبركاته

حبيت أتكلم بهالموضوع أو بالأحرى التجربة القاسية اللي بهالزمن أغلب البنات مرو فيها وهي تلاعب الشباب بعواطفهم..


أنا مادشيت بإسمي القديم بالمنتدى لأنه أدري أنه وايد ناس راح يعلنون علي الحرب ويكفروني بعد والسبب نقاشي بهالموضوع وفي منهم عزيزين علي ومابي اخسرهم..


مادري شلون أبدي بس هالموضوع فعلا مأزمني نفسيا ليش يصير فينه أحنا البنات جذي؟ ليش يطلعلنا شخص يتلاعب بمشاعرنا سنين ويمثل علينه وبعدين بين يوم وليله يطلعنا من حياته ولا كأنه كنة فيها بيوم من الأيام!!

والقهر انهم يعيشون حياتهم على أكمل وجه وأحنا نتضايق ونبجي ونكره الدنيا باللي فيها!!!


قبل جم يوم قريت موضوع بمنتدى ثاني وهذا اللي خلاني اكتب هالموضوع عن شاب يقول : كلمت وحده وعشمتها بالزواج واستمريت معاها سنه ونص وفجأه حسيت اني بديت اميل لها واتعلق فيها فقررت أبتعد عنها قبل لا أحبها من صج بس انا خايف من الحوبه لانه قالتلي الله ياخذ حقك مني. ياسلام! خفت على مشاعرك وقررت تبتعد لمه حسيت انك ها ها ها جنك بديت تحبها!!! وماهمتك مشاعرها؟ انت حسيت انك بديت تحبها انحشت يعني تدري انه هذي مشاعر مؤلمه ماتبي تتعمق وتخوض فيها! بس ماخفت انك خربت حياة البنت؟

وشنو كانت الردود عالموضوع؟
" زين سويت فيها محد قالها تكلمك"
"خل تولي"
"خل تدعي عليك لي باجر اخاف الله بيعطيها ويه"
"بالعكس انت نفعتها ماضريتها وعند الله لك اجر لانك عطيتها درس بالدنيا"
"هذي الله ماراح يستجيب دعائها لانه واقفه بينك وبين توبتك حق الله صج انها شيطانه وتوسوسلك بالحرام" انا اخر رد هذا صعقني اي توبه ياماما الريال مل منها راح يدورله ضحيه ثانيه اي ضحيه وألف خط تحت كلمه ضحيه لانه ادري بتوصلني ردود نفس اللي كتبتهم توه وأسوأ
شنو مشكلتكم ليش ماتنصفون المرأه ليش لمه وحده تكتب موضوع انها انجرحت من شخص تشكيلكم تيلها ردود قاسيه ماتحل شي بالموضوع...
بتقولينلها اللي سويتيه حرام اي صح حرام والله مايرضى فيه بس ليش ماتلقون اللوم عالريال اكثر؟
انا ما اكلمكم عن البنات اللي كل وحده جسمها وشعرها بالسكه وتروح اتصيد الرياييل وتسعى انها تكلم ومن واحد لي واحد وتسلمهم نفسها!!! لا طبعا
أنا أكلمكم عن البنت المسكينه اللي عايشها حياتها بين اهلها ورفيجاتها وسعيده فيها ماتبي تكلم ولا تبي هالخرابيط وبعضهم ملتزمات (لاتقولولي الملتزمه مايقص عليها الشيطان واتكلم البنت بتركبيتها تظل عاطفيه وحساسه مهما كان دينها اذا الله بكتابه وسنة نبيه يذكر انه المرأه كائن عاطفي) بعدين ايلها واحد بكل بساطه يدخل حياتها ويفرض نفسه والبنت تتعود عليه وتحبه بعد مايوهمها ويعشمها ويحطلها الشمس بيد والقمر بيد وتتعلق وبعضهم للاسف يقدمون الغالي والنفيس بس عشان يكون معاها وبعض الشباب فعلا بوقتها مايكوون ناوي يجذب لا اهو يبيها بس يبيها لفتره معينه وبس بعدين يمل ويدورله شي ثاني او يقرر يبدا حياه يديده ويتزوج ومشاعر الناس بالطقاق! اللي بتقولي الريال مايتزوج بنت يكلمها شخباري الحين منو في بنيه ماتعرفت على شاب بهالزمن؟ واللي يقهرني ردودكم هذي تحسسني انكم واقفين مع الشاب! البنت غلطانه بس الريال وينه؟ وينه من كلام الرسول عليه افضل الصلاة والسلام (آية المنافق ثلاث: إذا حدث كذب، وإذا عاهد أخلف، وإذا خاصم فجر) وينه من وصاياة و وصاياة اهل بيته لمن يقولون أدو امانتكم لجميع الناس وإن كانو من الفاجرين!! ليش المجتمع ظالم البنات جذي والقهر لمه يظلمج اللي منج وفيج بنيه مثلج! انا إنسانه مؤمنه والله يعلم اللي بقلبي وتوني راجعه من الحج لكن فعلا كرهت المجتمع الشرقي اللي قوى الرياييل علينا وعطاهم الأحقية بالتلاعب بعواطفنا ومشاعرنا بدون احساس تدرون ليش؟ لانه الولد شايل عيبه!! البنت بقره محد قالها خون ربها واهلها وتصدقك! هذي كلمتها؟ ويع لا ماتبيها مستعمله اخذلك وحده يديده! بعض الاهل وصل فيهم الامر الى انها تدري ولدها يكلم مليون بنيه وتضحك عادي وكأن اعراض الناس مسخره عندكم!! والبنيه ضحيتكم تره ضيحه المجتمع الشرقي قبل الرجل الشرقي!! ماتزوجتي ويه! متنتي! ضعفتي! شلووووون طلعتي! شلون سافرتي! شلون تشتغلين بهالمكان! وهات ياكلام ياثر عالبنهي من داخل ويكرها عمرها ويحسسها بنقص وايلج الريال يعطيها فلم هندي واحلام ورديه وهذي تصدق واخر شي لي هدها قلعتج! قبل جم يوم وحده كاتبه موضوع عمي اغتصبني وامي درت واهلي بيذبحوني وحبسوني ومايوكلوني!! لو انا امها جان مت قهر يمكن جان ذبحت نفسي بعد هالفضيحه بس لوتفكرون فيها تره خلااص ماسوت علينه هالغشاء انشق ذلف راح خلال نموت ننتحر نوقف حياتنا الله كاتبلي عمر 20 سنه جدام بقعد بروحي بزاويه بس ابجي وانقهر واقتل نفسي نفسيا عشانه؟ انا ماقول هالحجي اشجع البنات عالخرابيط ابدا انا ويشهد علي ربي كاتبه هالموضوع ونيتي اوعي كل بنيه لكن انا اتكلم عن البنات اللي كانو ضحاية بشكل او بآخر تره الله قال ولاتقنطو من رحمه الله منو انتو يالبشر تبون تنهون حياتهم وتطلعونهم من رحمه الله!!

عندي سؤال وأتمنى كلكم تجاوبونه تعتقدون الشخص اللي يلعب بمشاعر البنات ويعشمهم ويوعدهم بالزواج الله راضي عنه وماراح يعاقبه؟ ولا راح ايله يوم يندم؟

أدري قرقت عليكم وايد بس من القهر والظيم وماطلعت اللي بجبدي باجر بكتلكم قصتي وقصص رفيجاتي عشان كل بنيه على نياتها تتعض وتاخذ درس يخليها ماتطيح بنفس غلطتنا وتضيع ايام حلوه من حياتها ودموع والم على شخص مايسوه فلس..


باي باي ...:eh_s(17):
​

 

[فتاة أعمال]

موضوع طوييل منو بيقرراا

 

[Sosota_20]

عفيه عليج هذا الموضوع الي يبرد الجبد شكو منو بيقرا كا انا قريت موضوع هادف وينصف البنت الي ظالمينها

ذكرتني عدة نقاط مهمه وكل الي قلتيه صح استغرب الي يقولون الي يكلم بنت مايتزوجها ترا احنه 2013 تغيرنه شحلات الزواج اذا كان حب
اولهم اخواني كل واحد يقول زوجتي بختارها بنفسي وكا اخوي توا متزوج حب وشكثر رفيجات عندي متزوجين حب وابوي وامي واعمامي وحريمهم كلهم حب ماعندنا زواج بالعايله من اختيار الام حق ولدها

الفرق بين البنت المحترمه الي تفرض شخصيتها على الصبي تحب بحدود وعقل وتخلي اهلها وربها جدام عينها ماتسوي سوالف مني ولا مناك
الصبي اذا كلم بنت محترمه وعاجبه كل شي فيها شلي يمنعه مايتزوجها دام انه محترمه وخلوقه

والبنت الي شباب يقولون مانتزوجها هذي الي ماتفكر بعقلها او تلقونها فيها نقص كل الي همها تعوض النقص من غير ماتفكر بمسقبلها عدل
صح الصبي شيبي بوحده كل ماقالها بشوفج طارت له ومن الصبح لي بليل ترضع وياه بالتلفون قالها ابي صوره طرشتله
بتحط عذر وتقول عشان مايطير مني واترس عينه هذا انسان مايستاهلج يلعب عليج لانج صيده يقزرها

انا مو قاعده اشجع البنات يكلمون الشباب بس الحب فطره كل بنت لازم تفكر بعقل لاتلومون البنات خلونه واقعين الزمن تغير الرفيجات وبيئة البيت والمجتمع له دور بلي يصير بالبنات الحين الدور على الام الي تصير رفيجة بنتها بكل صغيره وكبيره وماتخلي بنتها تنجرف ورا سراب تفهمها وتنصحها

يعطيج العافيه وناطرين مثل هالمواضيع الحلوه الي تلمس الواقع من غير مثاليات

 

[**ام نايف**]

يسعدلي اوقاتكم..موضوع شائك..يدين الرجل على انه ضحك على البنت ويدين البنت انها تركت مشاعرها بدون اتزان واستسلمت لانسان لايستحقها..
مشكلتنا خواتي ان مسمى الحب في ثقافة المجتمع الخليجي..اسمه فضيحة..عيب..حرام..والي يقهر اكثر انه لو سافر لاي بلد غير عربي حب بكل صدق ووفى بهالحب لوحدة مو من جلدته وتزوجها ولاتعرف لها اصل ولا فصل ..يعني لما تحب وحدة من محيطك تطلع العيبة..
نسى انها كتلة من المشاعر والاحاسيس بني ادم لها روح وعواطف..
في مثل يقول كما تدين تدان..من لعب بمشاعر بنت وخلاها مهزلة له وبكاها لابد من يوم يمر عليه ويشوفها في نفسه واهله..
عشان جذيه من وجهة نظري البنت لازم تتأهياء لمثل هالموقف بمعنى لاتعلق ولاتقط روحها ..وتبين له ان الحياة مو متوقفه عليه..ولكل قاعدة شواذ لان مثل مافي ردي في الطيب والمخلص..


تحياتي..:

 

[*مطبخ الذواقة*]

أوﻻ جزاج الله كل خير على هالطرح ..
وبخصوص السؤال :

اكيييييد الله ماراح موفقه ..مو بس جذي باجر مثل مالعب في مشاعر بنات الناس ..الله بيسلط عليه اللي يلعب بمشاعر اهله ..




والمشكله الموضوع بزدياد ....والقصص اللي نقراها بالجرايد تعور القلب ..

المفروض البنات تتعض ...اللي يعجب فيج ..ويحترمج ماله داعي يدش من الدريشه اذا هو ريال وولد ناس

يتقدم ويخذها زوجه له ..بدال ما تكون مجرد نزوة ...وعشيقه !!





بس اسمحي لي لما قلت :شخباري منو بنت الحين ما تعرفت على شاب !!!!



صدقيني في وفي بنااااااات وااايد قبل لا تخطي الخطوة تحسب حساب ربها ..واهلها فلاتجمعين فديتج عشان ما تقعين بالظلم ..




نسال الله الهدايه لنا ولكم

والله يستر علينا وعلى كل المسلمات


مشكوره مرة ثانيه على اختيار الطرح الواقعي ....

 

[جوري وبنفسج]

السلام عليكم


كل شخص راح يتحاسب على أعماله

سواء كان بنت أو شاب

ومثل ما تدين تدان

اللي نيته يتسلى في بنات الناس

باجر الله يسلط عليه من يتسلى في محارمه

وبعدين في كلمة ما أعجبتني أن شخباري أن في بنت ما تكلم شاب

مشكلتنا تعميم السلوكيات الغلط


وايد بنات حمايل وحتى الغير متحجبات منهم تلقينها تحترم نفسها وتحترم اسم عائلتها وماشيه سيدا وثقيله ولا تسمح لاحد يضحك عليها أو أنها تضيع سمعتها على شاب ما ينعرف شنو أخلاقه ولا شنو نيته

وعفوا البنت لازم يكون عندها عقل ووعي ولا تسمح لاحد أن يستغلها وشخباري اللي يضحكون على البنات هذا كان قبل الحين البنات أكثر وعي ويعرفون كل شئ واللي تسمح لنفسها تكون بطله في مسلسل استغلال الشباب تتحمل نتيجة اختياراتها الغلط وحتى لو غلطانه في البدايه المفروض ترجع عن هذا الطريج. وتستغفر ربها وتنتظر ولد الحلال اللي يعرف قيمتها ويقدر ها واللي يجي للبيت من الباب مو من الشباك

 

[MiSTaKe]

اشكر تفاعلكم مع الموضوع

بس بنات تره لمه اقول مافي بنيه ماكلمت
موقصدي كل وحده على وجه الارض كلمت
لكن الأكثريه.. اي نعم الاكثريه تكلم هذا انا بعد جيل قديم مو جديد
اما هالجيل الله يستر عليهم ومنهم رفيجاتي للاخصائيات الاجتماعيات بالمدارس
يقولون انه الطالبات ايونه يورونه صورهم فبكيني وويكلمون ويروحون مزارع
وشرب انا انصدمت اقولها بنات ١٦ سنه اي شرب تقول والله يورونه صور
وين اهلهم هذول!! طبعا غير البوياات وسوالف البويات الله يستر علينا لدرجه انه رفيجتي تقول
اخاف ابلغ عنهم عند اهلهم يذبحوني ولايدزون ربعهم علي ولا على زوجي!!

وموكل وحده كلمت موزينه صدقوني هذا كان تفكيري قبل
بس الحين لمه كبرت استوعبت انه البنات فعلا مقصه والله مارقع حق نفسي
انا شفت وايد بنات زينين ومساكبن ومكسورين وملتزمات وايلها واحد يلعب عليها
واهي تفكيرها يحبني وحبنا طاهر مايحيسني ولا ياخذ مني ولا ولا مجرد كلام
وانا ادور الحلال ماتوقع الله يزعل مني هذا تفكير وايد بنات

 

[سحابة ماطره]

بيوقف هالاستغلال يوم يتزوج الشاب ويشوف بزوجته اللي سواه ببنات الناس او يشووفه بأقرب الناس له واتوقع انكم سامعين قصص كثيييره عن عقاب الله للي يفعل هالشي الله يشفي غليل قلب كل بنت بمن ضحك عليها

http://m.youtube.com/watch?v=ptOu0wpsz4g

وحسبنا الله بكل من يتلاعب على قلوب البنات الضعيفات
حابه اقول لكل بنت تورطت بعلاقة محرمه انا ماادري وش الظروف اللي حدتك على هالشي بس والله النهاية بتكون اسوأ من ظروفك اللي كنتي ناويه تهربين منها بهالطريقه ،ارجعي زي ماكنتي اتركيه لله قولي اللهم اني تركت مااحب لأجلك فعوضني خيرا يارب هل تظنين ان ربك بعد هالشي مابيعوضك طبعا مستحيل ولو بعد سنييين
فوووقي قبل ماتحصل امور تعضي يدك ندم عليها
ارضي ربك خلي همك ربك تقربي منه والله والله والله سيكرمك ويسعدك
ووالله اللي تكلمينه لو كان يحبك كان اقل شي خاااف عليك واحترمك عن فعل مثل هالامور بس انتي ولا شي عنده مجرد تسليه الكلام ببلاش ياحبيباااتي
لو كان يحبك كان خطبك ! كلها خاتمين وقراية فاتحه معضله هالشي؟؟!! طبعا ماراح يسوي هالشي لانك ماتستحقين العناء
فيه مثل امريكي يقول اشتري البقره لييييه وانا باخذ لبنها ببلاش!!!!! انتي سهله عنده متااحه طول الوقت ليش يتعب نفسه

عزي نفسك عن مثل هالحثالات من الرجال اعرف ان نيتك طيييييبه وان قلبك صاااادق وطااهره اغلب البنات قلوبهم صادقه
بس والله ماعند الله لاينال بمعصيته
الله يستر اول مره ثاني مره لكن اذا تساهلتي بنظر الله لك سيفضحك والله ماتسوى تنفضحي عشان واحد دنيء شايفك ولاااشي ترضينها لنفسك !!!ولا احد يستاهل تغضبي ربك عشانه
انتظري اللي يجي يطق الباب اللي شاريك فعلا خلي الحياه تبدأ على مويا بييييضا مثل مايقولون
انسي كل اللي صار وتوووبي لله توبه نصوحا وانتظري جزاء الله لك ورحمته ارضي ربك يرضيك
سبحانك اللهم وبحمدك اشهد ان لااله الا انت استغفرك واتوب اليك
احبكم في الله يااحلى بنات

 

[الزورق222]

عندي سؤال وأتمنى كلكم تجاوبونه تعتقدون الشخص اللي يلعب بمشاعر البنات ويعشمهم ويوعدهم بالزواج الله راضي عنه وماراح يعاقبه؟ ولا راح ايله يوم يندم؟

اكيد مهما اغلق جميع منافذ البيت وحبسها بين اربع جدران سيأتى من يحاول ان يأسر قلب ابنته او اخته او حتى زوجته المصونه ههههههه لاتخافين ...

 

[MnoOoLy]

موضوعج حلو و محد يقدر يقول انه جديم .. لان كل يوم يتجدد مع توافر كل الوسائل اللي تسهل هالشي
و مع وجود ضحية يديدة..


قريت موضوعج كله حتى لو طويل بس لاني حسيته طالع من قلب ..

اول شي احب اقول العتب ع الطرفين .. الولد و البنت ، لكن دام مجتمعنا " العادل " دوم يلوم البنت ، فأنا انصح البنت تفكر بعقلها قبل قلبها .. و ما تكون صيدة له و لأمثاله ..

لان يوم حضرته بينهي العلاقة و بيدوس ع عواطف البنت ما راح يحس بأي ذنب ، البنت هي اللي راح تتعذب و نفسيتها تتعب

المفروض ، يوم البنت تحس ان هالولد لعوب و غرضه التسلية و تقضية الوقت هي من نفسها تتركه و تنسحب ، و لا تسلم رقبتها له و تعطيه الاكو و الماكو ..

و ان شاء الله ربي بيعوضها خير و بقوة ايمانها راح تنساه و تنسى طوايفه ، و يا ويله من دعاوي البنت
و راح يشوفها باخته بزوجته ببنته بالمستقبل .. و خل يكون سلاحها " حسبي الله و نعم الوكيل " ..

لكن هل يعني اني اتم اتبجبج عليه و احر قلبي عشانه!! لا هذا اللي ناقص .. خل البنت تعيش حياتها و اهلها
و ربيعاتها اولى بوقتها من انها تم تبجي و تنوح عليه


و حبيبتي انتي ما تقدرين تكرهين مجتمعج لإنج جزء منه ، مب قصدي تتأقلمين معاه باغلاطه !
اللي اقصده تقدرين تغيرين أفكاره بما انج وحدة مثقفة و واعية ..

و بيني و بينج ما أييد انج تكتبين قصتج او قصص ربيعاتج .. اول شي لان هذا بيفتح جرحج و بتحرين روحج..
و ثاني شي اللي اعتقده ان البنات واعيات و يعرفون كل شي بس ماعرف ليش يستمرون فيه ..

و السموحة ع الاطاله

-------------

^SpOrTiA^ .. عيبتني عايلتكم لانها كلهم متزوجين عن حب ..
الله يحفظكم و يسعدكم و يهنيكم و يوفقكم ..​

 

[M!SS.LOBY]

موضوووع مهم

 

[MiSTaKe]

اشكرلكم تفاعلكم

 

[cute lulu]

موضوعج قمممه :eh_s(15):

 

[lonelya-w7danya]

عجييب الموضوع و يا ريت اللي تكلم و تواعد اتوب و ترجع لربها و الله يهدي الجميع

 

[~ بنت الغوالي ~]

موضوع راااائع
الحمدلله عنا بفلسطين المجتمع مش رجولي بالعكس ايام بحسه منصف المرأه اكتر

انتي طرحتي موضوعين الاول الرجل وبالتأكيد مش كل اصابعك متل بعض والي كاتب هالموضوع والردود هم مريضين نفسيااااااا وربنا مابنسى حدا ورح يجازيهم بأقرب الناس وبأهل بيته

بالنسبه لقضية اغتصاب البنت من عمها بصراحه لااااا تعليق .. الحمدلله اني من فلسطين عنا والحمدلله جارتنا كانت تشتغل في محل وفي شب اجى كأنه بده يشتري وحاول يتهجم عليها حاليا بين المحاكم ورفضت تتزوجه واهلها رفضوا كل مهر الدنيا قالت ماغلطت ولا بشرفني اتزوج انسان متل هادا ورفعت عليه قضيه لسه ما تحكم كم سنه لكن مااتوقع اقل من ٣ سنوات علما بأنه ماااا اغتصبها فقط حاول يشيل ملابسها ويلمسها


كلامك راقي واعي ولا تفكري كل الناس متل هالكلب اللي تركك او بترك اي بنت وبروح يدور على ضحيه تانيه

اللهم استرنا فوق الارض وتحت الارض ويوم العرض عليك ياااا رب

 

[Lulu_alm]

مشكورة حبيبتي على طرحج للموضوع ,,,,ووردي عليه "كما تدين تدان"مهما سواا الولدد مرده ربي راح يعاقبه لو بعد 100 سنه سواء فيه او في زوجته او امه او احد اهو يحبه ومتعلق فيه ... لوو ممهما سوا اكيد ربي راح يعاقبه ,,,ادري بتعصبين على بس ترى همن البنت غلطانه انها سلمت نفسها حق علاقة اهي اكيد عارفة نهايتها من الكلام الى نسمعه من الواقع و من المسلسلات االي تنعرض على التلفزيون ،،، والخلاصة من كلامن 2 غلطانين الولد والبنت مستحيل احد راح يثق بثاني حتى اذا تزوجوو <<فقط حبيت اوضح لكم وجهت نظري

 

[هدوووشه]

موضووع بقمة الرووعة

اللي اقدر اقووله بمووضووع التلاعب كما تدين تدان

والحوووبه تبطي ماتخطي

مشكورة عزيزتي

 

[MiSTaKe]

مشكورة حبيبتي على طرحج للموضوع ,,,,ووردي عليه "كما تدين تدان"مهما سواا الولدد مرده ربي راح يعاقبه لو بعد 100 سنه سواء فيه او في زوجته او امه او احد اهو يحبه ومتعلق فيه ... لوو ممهما سوا اكيد ربي راح يعاقبه ,,,ادري بتعصبين على بس ترى همن البنت غلطانه انها سلمت نفسها حق علاقة اهي اكيد عارفة نهايتها من الكلام الى نسمعه من الواقع و من المسلسلات االي تنعرض على التلفزيون ،،، والخلاصة من كلامن 2 غلطانين الولد والبنت مستحيل احد راح يثق بثاني حتى اذا تزوجوو <<فقط حبيت اوضح لكم وجهت نظري

لاحبيبتي شكوو اعصب بالعكس انا معاكم ادري البنت غلطانه انها سلمت نفسها وتتحمل جزء كبير من الغالط بس انا نقطتي انه البنت حساسه ومقصه وبالنهايه اغلب اعلاقات البنت اهي اللي تبي الحلال وتبي الصبي يتقدم والصبي اللي دش حياته ورفض نفسه بالنهايه اهو اللي يدور النحشه

وصار الموضوع مصخره بنات تشوفون تويتر والبرودكاستات اللي تيلنه؟
مثل تبين تنحشين حبيبيج دزيله اهداء ليله اللي البسلك الابيض
الكويتي بتنحشينه قوليله حبيبي متى تتقدملي
ومن هذا القبيل يعني الموضوع عارفييييييين نفسهم ويدرون انهم مشهورين بهالشي وقاعدين يدزون برودكاستات يتمصخرون على هالمووضوع كأنة موضوع هين مافي لاتلاعب بمشاعر الناس ولاحرماتها ولاكأن وايد بنات ضاع مستقبلها سبة هالشي موشرط تكون سوت شي غلط لا بالعكس قصدي انه في بنات ترفض كل اللي ايونلها عشان اللي تحبه وتضيع فرص واخر شي يطوفها القطار واهو راح شاف حياته لانه ريال مايطوفه شي ماااااااالت

 

[MiSTaKe]

موضوع راااائع
الحمدلله عنا بفلسطين المجتمع مش رجولي بالعكس ايام بحسه منصف المرأه اكتر

انتي طرحتي موضوعين الاول الرجل وبالتأكيد مش كل اصابعك متل بعض والي كاتب هالموضوع والردود هم مريضين نفسيااااااا وربنا مابنسى حدا ورح يجازيهم بأقرب الناس وبأهل بيته

بالنسبه لقضية اغتصاب البنت من عمها بصراحه لااااا تعليق .. الحمدلله اني من فلسطين عنا والحمدلله جارتنا كانت تشتغل في محل وفي شب اجى كأنه بده يشتري وحاول يتهجم عليها حاليا بين المحاكم ورفضت تتزوجه واهلها رفضوا كل مهر الدنيا قالت ماغلطت ولا بشرفني اتزوج انسان متل هادا ورفعت عليه قضيه لسه ما تحكم كم سنه لكن مااتوقع اقل من ٣ سنوات علما بأنه ماااا اغتصبها فقط حاول يشيل ملابسها ويلمسها


كلامك راقي واعي ولا تفكري كل الناس متل هالكلب اللي تركك او بترك اي بنت وبروح يدور على ضحيه تانيه

اللهم استرنا فوق الارض وتحت الارض ويوم العرض عليك ياااا رب

صج الوضع عندكم جذي؟ والله شيء جميل جدا تدرين لوعندنا بالكويت جان اهلها طقوها وقالولها انتي لولابسه محتشم وماتطلعين من البيت محد تحرش فيج!! وخلو هالشاب اللي يتهجم عالناس بدون عقاب ولا حساب خوفا من كلام الناس!! ولوكان اشتكو عليه مثلا كان هالشاب بيجيبله وزير ولا عضو يتوسطله وتنتهي المشكله ولا كأنها كانت!

 

[Jolyan]

اه أخيرا كنت انطر هذا الموضوع انه يجي من اكثر ما بكت جبدي من هذه العنصريه
عندي سؤال وأتمنى كلكم تجاوبونه تعتقدون الشخص اللي يلعب بمشاعر البنات ويعشمهم ويوعدهم بالزواج الله راضي عنه وماراح يعاقبه؟ ولا راح ايله يوم يندم؟
إجابتي لج اختي. ( كما تدين تدان ) ( دنيا دواره ) ( و الله يمهل ولا يهمل )
راح يتلقى جزائه و عاقبته من رب العالمين سواء بالدنيا و الآخرة