مسكينه عطيتيه كل شي وخانج ؟.. تحذير يا متزوجات..

[يا لون المطر]

..





مساااااااااء الخير ,, والورد ..

الموضوع ( تحذير لكل متزوجه ) ..

أدري ملينا من سوالف الخيانه .. تعبت نفسيتنا !..

نبي شي يغير مزاجنا ويعدله .. بس شتسوي الوحده .. إذا هاذي الدنيا ؟؟..

( تحب .. تنخان .. تخون .. تنحب ) !..

وكلامي مو للكل .. وأرد وأقول .. ( مووو الكل ) ..

حبيبتي إنتي يلي إنغزت قلبج ودخلتي موضوعي ..

ليمتى تعطين ؟؟.. ليمتى تصدقين ؟؟.. ليمتى تغفرين ؟؟..

موضوعي للي تعطي زوجها ( فوووووق اللااااااااازم ) ..

للي تعطيه صحتها .. وقلبها .. و( فلوسها ) للأسف ..

عااااارفه كم وحده شبتقول بقلبها .. ( زوجي وطاح بظيقه ماليه ليش ماساعده ) ..

وإلي بترد .. ( جيبي وجيبه واااحد ) !..

لا يا بعد قلبي .. مو واحد .. دام هاذي المشاكل إلي نسمعها .. وهاذي النفوس إلي قاعدين نصادفها ..

وإلي من لحمج ودمج يغدر فيج .. مو جيب واحد !..

أكيد بتستغربين ليش أنا متحامله ع الرجاجيل جذي ؟..

قسم بالله لا هو ظلم فيهم ولا هو تبلي .. تقدرين تقولين .. ( وصلت حدي ) وأنا أشوف رفيجاتي يتشكون ..

وبنات خالتي ينخانون .. وبنات عمي يبجون !..

أكيد في ناس مرتاحه .. بس الأكثريه لأ ..

وليش ما تنخان إلا ألي تعطي كل شي ؟؟..

بظرف 3 شهور .. سمعت 5 سوالف خيانه .. من أعز رفيجاتي .. ( قسم بالله ما صارلهم سنتين متزوجين )

..

وإلي شفته مشترك فيهم .. إنهم على نياتهم حيييييل وكل ما مثل عليها .. طلعت هالفلوس وقطت بجيبه ..

ليش ؟..

أنا ما أحمي قلبج على زوجج .. الله يخليكم لبعض ..

بس أقول .. ( لا تعطي كثيراً حتى لا تندم كثيراً ) ..

شوفي السالفه إلي من 4 أيام رااااافعه ضغطي وأحس بنفجر ..

رفيجتي ( م ) .. تزوجت من سنه تقريباً .. تقولي هنو أنا أشك فيه ..

قلب المرى ..

تقول ماعندي دليل .. بس أحسه كذاب !..

يحبني ومدلعني .. وأنا أموووووت فيه لأنه أول رجال بحياتي ..

وهو مستااااانس على هالشي .. ووااضح علي لاني من راعيات السوالف ولا شي ..

وكم مره يقولي هالشي .. ( أحبج لأن مافيج عوابة البنات ) ..

تقول لي معاه سنه ..

نشف جيبي .. كل يوم وترك .. أنا ماعندي وسيارتي محتاجه تصليح وأبوي يطالبني .. إلخ ..

( أفلامهم ألي ماتخلص ) ..

وتقول انا ماصدق يطلب !.. شبيت له أصابعي شموع .. ويطلب مني شغلات تلوع جبدي بالعلاقه الخاصه

وأقول ماااعليه .. بطيعه .. ( مابيه يشوف غيري ) .. وخذ يا فلوس .. وخذ يا تدليل ..

المشكله أنا شايفته .. شييييييييين وشكله ما يريح .. حسيته خبيييث .. بس إستحيت أقولها ..

وهي البنت قطعه ملكة جمال .. شلون مايحمد ربه ماخذ وحده نفسها ؟؟..

هي جامعيه وهو ماعنده شهاده ..

يعني بكل الأحوال .. حرام هالبنت تنعطى هاذا !..

تقول سنه وأنا معاه .. يدلعني ماقول لأ .. بس كل ألي أحصله (كلااااااااام ) يوصلني القمر ..

غيره ماشوف !..

له حركات غريبه بس ماكنت أحن عليه .. طفاااااارته أقرب عند سيارته !..

ومايرظى أسوقها .. قلت يمكن مايحب ..

بيوم عيد ميلاده .. قلت له يا فلان خلنا اليوم نحتفل .. قال لا ما أقدر يا روحي ..

عندي شغل مع رجال ..

تقول تظايقت بس شسوي ..

نام الظهر .. عشان بليل بيطلع ..

تقول أخذت الهديه وقلت بخشها بدرج سيارته ..

بطلت الدرج ولا في موبايل !..

تقول حيييييييييل إنصدمت .. فتحته .. ولا مسجات مع البنات وصور وصخه !..

تقول إلي جرححححني .. وخلاني أكره عمري ..

متواعد مع وحده يحتفل بعيد ميلاده معاها !..

تقول آآآآآه يا قلبي !..

أنا أترجاه .. يقولي عندي شغل مع رجال .. وهاذي ماخذته بااارده مبرده !..

تقول تحسفت على كل شي عطيته ياه ..

وخصوصاً معاشي إلي كان تحت إيده ..

هاذي سالفتها بيد إيدكم ..

والله العظيم وألي رفع سبع ونزل سبع .. هاذي ( سالفه ) .. من سوااااااالف صارت جدامي ..

أنا ماقول خلي الشك ياكل حياتج ..

أنا أقول .. ( حطي بالج ) ..

وبس ..

ويشهد الله أحبكم في الله يا خواتي ..​

 

[يا لون المطر]

..





موضوعي مع البنفسج حل لكل مشاكل الشكل بغيرج 180 ْ ..
http://www.q8yat.net/showthread.php?t=478294







:stars:
:stars:


يا لون المطر .. ( حالياً ) ... ( البنفسج ) .. سابقاً ..

:stars:

:stars:

 

[جوري 2007]

كلامج عين العقل
آل ايه ...جيبي وجيبه واحد
اضحك هالمقولة وانا مومعاها كلش ملش
زوجي حبيبي حياتي ماقلنا شي
بس في اشياء يبيلها تشغيل مخ شوية
انا حتى سالفة القرض ينسى اسويها حتى لو شنو
خل يدبر امره بعيد عني ، ترى انا وريلي نمووووووووووووت ببعض بس بعقل
وانا وحدة من الناس اللي دايما اقول " الزواج حلو يابنات" لاني الحمدلله مستانسة ومرتاحة
مشكورة

 

[يا لون المطر]

كلامج عين العقل
آل ايه ...جيبي وجيبه واحد
اضحك هالمقولة وانا مومعاها كلش ملش
زوجي حبيبي حياتي ماقلنا شي
بس في اشياء يبيلها تشغيل مخ شوية
انا حتى سالفة القرض ينسى اسويها حتى لو شنو
خل يدبر امره بعيد عني ، ترى انا وريلي نمووووووووووووت ببعض بس بعقل
وانا وحدة من الناس اللي دايما اقول " الزواج حلو يابنات" لاني الحمدلله مستانسة ومرتاحة
مشكورة

..






هلا وغلا فيج حبيبتي ..

ومشكووره ع المرور ..

وماشالله عليج عاقله وطريقتج صح ..

وشرحتي الي اقصده من موضوعي .. الحب والسعاده ماتمنع إن الوحده تفكر بعقل ..

وسالفة القرض تاكلها المرى .. وبعضهم مااايتوووبون !..

 

[احلى سماء]

ما قصرتي

صراحه

احنا مو مجبورين

نصرف عليهم

وحنا لنا حقوق

يقعد معاي يداريني

مثل ما اداريه

انا لا يقعد معاي ولا يرد على اتصالي

ولا حتى كلام حلو يقولي

 

[احلى سماء]

ما قصرتي

صراحه

احنا مو مجبورين

نصرف عليهم

وحنا لنا حقوق

يقعد معاي يداريني

مثل ما اداريه

انا لا يقعد معاي ولا يرد على اتصالي

ولا حتى كلام حلو يقولي

 

[*مرامي*]

في رياييل لي طلب يطلب واهو مستحي وتحسين انه موبكيفه مجبور ونادرا مايطلب
هذا اعطيه من غير لا اسأل
بس مثل ريل رفيجتج عين عنجوه هذا المفروض تخليه يستحي على دمه

انا لا مع ولاضد كلامج

انا مع طينة الريال والعطاء بعقل

 

[3emya_Berry]

يحيا العدل يحيل العدل يحيا العدل ييعطيج العافيه تدرين عاد انا ولا مره فتحت سياره ريلي الا معاه

 

[قلبي سلومي]

الرياييل وما ادراك عنهم يجبيون المرض والاكتئاب
انا مثلها تعبت لقيت خط عنده الحين جديد من وراي واللي كاسر ظهري ما اقدر اثبت ان الخط له
وهذا وانا الحين توني سنة الحين زواج واول حمل
هذا غير خياناته اول عرس واهانات عشان بنت ابليس
خليها على الله شسوي تعبت وبريح مخي زهقت بطلع وبستانس
واخليه اخر اهتماماتي بريح مخي
مو كافي انه جابلي القولون وان كنت شزيني وشحلاتي ما اشتكي من اي مرض
تعبت والله

 

[ديانا سبنسر]

صح كلامج وانا نفسج ماايد المرة تعطي الريال كل شي والله يعين رفيجتج وهذا حال البنات هاالايام

 

[غلا ستايل]

كلامج منطقي وعين العقل
ومبين انج واحدة فاهمه وعندج ذوق ومنطق رغم كل هذا نتحمل شنسوي!!!!!!!!!!

 

[سعوديه مووت]

احلى شي الوحده ترااقب زوجها من بعيد لبعيد ولا تعطينه ولاريال من فلوسك لان بكرا تعود على هالطبع مشكوررح على الموضوع

 

[غلاتي ديرتي]

مااااااااااااقصرتي يعطيج العاافيه

 

[om-7many]

مشكوره ماقصرتي حبيبتي على الموضوع الحلو
وصح كلامج صج ان لازم نسااعد بعض بس بحدود يعني مو كل شي لازم يكون بيد الرياال بس هم لازم نسااعده بس تبين الصرااحة هذاا ريل رفيجتج مايستحي كلش الله يصبر كل وحده عانت مع زوجهااا ويهنيهااا بحياتهاا ويريح قلبهااا مشااكل الريايل ماتخلص كلش

 

[يا لون المطر]

ما قصرتي

صراحه

احنا مو مجبورين

نصرف عليهم

وحنا لنا حقوق

يقعد معاي يداريني

مثل ما اداريه

انا لا يقعد معاي ولا يرد على اتصالي

ولا حتى كلام حلو يقولي

..





الله كريم يالغاليه ..

بصراحه الرجاجيل "عله" ..

وماااا ينعرف لهم !..

لو يقعد شهور زين معاج فجأه تلقينه شخص ثاااااااني ..

 

[يا لون المطر]

في رياييل لي طلب يطلب واهو مستحي وتحسين انه موبكيفه مجبور ونادرا مايطلب
هذا اعطيه من غير لا اسأل
بس مثل ريل رفيجتج عين عنجوه هذا المفروض تخليه يستحي على دمه

انا لا مع ولاضد كلامج

انا مع طينة الريال والعطاء بعقل

..


هلا وغلا فيج .. ومشكووره ع المرور..

وأنا أرحب بكل وحده حتى لو كانت تخالفني ..

بالعكس تفيدني وأفيدها ..

بس يالغاليه حتى ( شرعاً ) .. المرى مو ملزومه .. إسئلي فيها بعد شيخ دين ..

حتى لو المرى عندها فلوس .. من حقها تطلبه ..

وبصراحه أنا ما أبي وحده تعطي وتعطي من معاشها وآخرها يطلع يصرف على رفيجاته !..

يودي فلانه المطعم الفلاني .. ويشتري لعلانه ذيك الجنطه الماركه !..

وكله من ظهر زوجته !..

 

[(100%)]

سؤال

بعد مادرت رفيجتج شنو كان ردة فعلها؟؟؟؟؟؟؟؟؟؟؟؟
اذا ممكن نبي نستفيد

 

[يا لون المطر]

يحيا العدل يحيل العدل يحيا العدل ييعطيج العافيه تدرين عاد انا ولا مره فتحت سياره ريلي الا معاه

..





ههههههه لا إنشالله مافيه إلا العافيه .. ومو شرط حبيبتي إن زوجج يخون ..

أنا ألي أقصده لازم الوحده كل ما تمت تجيك ورى زوجها .. ( بعتدال ) ..

وبصراحه تهيئ نفسها لأي جرح أو خيانه عشان ( لا سمح الله صار شي الصدمه تكون أخف ) ..

 

[يا لون المطر]

سؤال

بعد مادرت رفيجتج شنو كان ردة فعلها؟؟؟؟؟؟؟؟؟؟؟؟
اذا ممكن نبي نستفيد

..




بعد عمري عمرها ..

حطت الهديه وراحت بيت أهلها !..

تقول حطيت الموبايل مع الهديه !..

راحت بيت أهلها ..

تقول يوم صار المغرب من الفشله دز لها مسج يرقعها حتى ماله وجه يدق ؟؟

وطبعاً عطاها العذر المعروووووف إلي حفظناه ( إنتي تسرعتي هاذا موبايل صاحبي ناسيه عندي ) !..

تقول حقرته يومين جان أقوله ورفيجك إسمه نفسك ويدلعونه البنات ؟..

وعيد ميلاده بنفس يوم عيد ميلادك !...

( زوجها غباااااااء يمشي ) .. حتى جذب مايعرف يجذب !..

بعدها فبيت أهلها ..

ما أدري بتسامحه ولا لأ ..

 

[يا لون المطر]

الرياييل وما ادراك عنهم يجبيون المرض والاكتئاب
انا مثلها تعبت لقيت خط عنده الحين جديد من وراي واللي كاسر ظهري ما اقدر اثبت ان الخط له
وهذا وانا الحين توني سنة الحين زواج واول حمل
هذا غير خياناته اول عرس واهانات عشان بنت ابليس
خليها على الله شسوي تعبت وبريح مخي زهقت بطلع وبستانس
واخليه اخر اهتماماتي بريح مخي
مو كافي انه جابلي القولون وان كنت شزيني وشحلاتي ما اشتكي من اي مرض
تعبت والله

..



آآآخ ياا بعد عمري والله .. عورتي قلبي ..

الله يصبرج ويهدي زوجج ويسخره لج ..

ديري بالج على صحتج ..

حاولي كثر ماتقدرين تعيشين لج .. وللي فبطنج ..

ولا تشدين على نفسج .. وربي محد بيتعب غيرج ..

والله يصبرج ويقويج ..