مسكرا سموكي لاش او لوريال بالكولاجين ؟؟

[احلى جورية]

السلام عليكم

بنات انا حابه اشتري مسكرا جديده
وشكثر امدحولي سموكي لاش من فور ايفر ..
و لوريال اكسترا فاليوم بالكولاجين ..
انا رموشي قصيره وخفيفه فابي طول وكثافه
بشنو تنصحوني وشنو اسعارها ؟؟

 

[ريماR]

الاثنين حلوين لو انا منج اشتري الاثنين

 

[احلى جورية]

شنو الاحلى ؟؟

 

[ناتشوو]

شوفي في البداية مو شرط اللي يناسب غيرج يناسبج
انا شخصيا سموكي لاش ماحبيتها
ماحسيتها مميزة
لوريال من الماركات المميزة بالماسكارات
دايما يعجبوني ماعدا اللي اسمها التلسكوب
فانت روحي
هناك واسألي
للتكثيف والطول
واذا رايحة مناسبة
استخدمي ثنتين او حتى ثلاث ع بعض
( انا اسوي جذي
واسعارهم مااذكر بالضبط بس بحدود العشرة
لانكوم بعد ماسكا راتهم مميزة
بالتوفيق

 

[أدعج غنج]

ما جربت لوريال لكن سموكي لاش عذااااااااااااااااااب ما استغني عنها تطول وتكثف بشكل رهيب

 

[@ DLOO3TAH@]

كلهم حلوين أنا جربت لوريال عجيبه

 

[احلى جورية]

ثانكس حبايبي فديتكم

امممم ابي تجارب اكثر :$

 

[Engineer A]

سموكي لاش
وماكس فاكتور بعد عجيبه

 

[مس استي لودر]

حبيبتي انا حاليا عارضه ماسكرا كيم كردشيان الووبر حدها عجيبه اذا حابه تقدرين اتراسليني على الويتساب ​

 

[فـسقانه]

اب اب اب

 

[خلطات المذهله]

لوريال كولاجين حاره مادري شنو فيها بس احطها عيني تدمع ماحبيتها

 

[احلى جورية]

تسلموووون فديتكم
شريت لوريال واعجبتني

 

[نشميه]

سموكي لاش عجيييبه بس عيبه بسرعه تنشف يعني اقل من شهر يمكن

 

[PuPa^^SWeeT]

اشتري الاثنين + ماسكرا غيرلان السودة الطويلة

 

[احلى جورية]

يووووه عاد عقدتي المسكرا اللي تنشف بسرعه
لاني استعمل المسكرا بشكل موطبيعي
عندي المسكرا اهم من الكحل
اشوا اني ما شريتها لانها عندي ما راح تنشف باقل من شهر ..اتوقع باقل من اسبوع ههههههه

 

[احلى جورية]

ابشري بشتري سموكي لاش وغيرلان ان شاء الله بس لما تخلص لوريال
بس لوريال والله حييييل حييييل عاجبتني
احس صاروا كل المسكرات اللي جربتهم قبل واعجبوني
الحين ما يسوون شي عندها
بس يا خوفي تطلع من النوع اللي ينشف بسرعه

 

[فديتـ عمريـ]

علييييج بالعافيه

اختيار موفق لوريال حلوووووه

 

[PuPa^^SWeeT]

شريت سموكي لاش


تراا حلوة



و غيرلان قلتلج حلوة اذا اتحبين الناتشورال لووك





شنو شريتي انتي ؟؟؟

 

[brettey]

بينفيت اليديده وادعي لي الحين اهي الهبه والكل مخامط عليها شوفيها بموضوع مشترواتي الاخيره وحطي فوقها يا السموكي لاش او لوريال الي بالكولاجين او اي ماسكرا تحبينها
بينفيت تطول وتوصل لي اصغر رمش

 

[manoooram]

عدل كلام brettey عجيبه البنيفيت شفتها على اختي
بس في حال ما شريتي البنيفيت عندج لوريال اكسترا فاليوم بالكولاجين بالنسبة لي أفضل منهم
صج تعطي لوك فوليوم للرموش وفوق هذا تفرق الرموش يعني تستاهل تشترينها
والسموكي لاش همن حلوة بس تنشف اهي وغيرلان بسرعه
جربي لوريال اكسترا فاليوم بالكولاجين وادعيلي