اشراكم في الصورة حلوة عيل شوفو المقادير و الطريقة:
باذنجان حبة كبيرة
بطاط حوالي 3 حبات متوسطة الحجم
بصل مقطع
لحم مفروم
دبس رمان
سماق
علشان البشاميل
5 قفاش حليب بودر
5 قفاش طحين
6 اكواب او 5 اكواب ماي
بهارات
زنجبيل حوالي ربع او نصف فقشة
الطريقة :
اول شي احمس البصل + الزنجبيل بشويه زيت ليمن تبين ريحة بعدين حطي اللحم ليمن تشوفين اللحم تحمر بعدين حطي البهارت و السماق و دبس الرمان اهني اذا خلصت حمسة اللحم حطي في باركس بعدين روح حق البيديان و البطاط
اهني قطعي البيديانه و البطاط الى حلقات و اشويها مو تقلينها ترى جذي اخف و حلى اذا خلطتي من الشوي اذا ماعندج شوايه حطي بالفرن بعدين رصي البيديان و البطاط انا اهني حطيط طماط مطحون اشويه بعدين نحط صلصة الباشاميل
و طريقتها نحط الماي و الحليب و الطحين ليمن تشوفين الصلصة تصك بعدين حطيه على المسعقة و بعدين حطي جبن موتزريلا و برميزان و حطي فرن ليمن يتحمر الجبن و عليكم الف الف عافية
جربوا حتى ريلي استانس عليها اهي صعمها حامض حلو صج صج عجيبة
