مسجات ولاده فرش مو معلبّه !!

[ديمـة]

السلام عليكم ورحمة الله وبركاته

مبروك عليكم الشهر وكل عام وانتوا بخير :eh_s(21):

لاحظت إن كل مسجات الولاده مكرره وكوبي من بعض وقديمه في جميع المنتديات ..

عشان كذا نزلت الموضوع هذا لمسجات الولاده ( الجديده ) نبغي جديد ما نبغي مكرر

ويا ليت اللي زوجها أو أخوها شعراء يساعدونا .. لأنا محتاجين مسجات جديده ..

>> ويا حبذاّ لو كان فيها اسم راكان

اتمنى التفاعل ولا تنسون إن الموضوع بيفيد شريحه كبيره من خواتنا وبناتنا الحوامل

والله يهون على الجميع .. :aha:

تحياتي

 

[bison.girl]

موضوع جا في وقته ...

انا صار لي يومين ادور مسجات ..
بس كلها مكرره واغلبها مادري شلون صايره

انا ابي مسجات قصايد جززله ..
وحلوه ..

ان شالله اذا لقيت بضيفها .. بس اتمنى ان الكل يساعدنا

ومشكوره حبيبتي ع الموضوع ...

 

[ستروبريه]

هذا اللي لقيته حبيبتي


لأحضان أمي أنا جيت
و على أبوي نورت البيت و با (اسم البيبي)أنا تسميت
حياكم الله زوروني و باسم الله شيلوني
بمستشفى (اسم المستشفى)
الدور (الرقم) الغرفه (الرقم) تلاقوني

.............

صبحكم الله بالخير يا اهل الطيب ويسعد ضحاكم و الظهر والعشيه هذي
(اسم الام) .. ولدت يوم (اليوم)...
على خير تفضلوا لستقبالها يوم ...
(اليوم والتاريخ)
عندنا بمستشفى(اسم المستشفى)
الدور(الرقم) الغرفة(الرقم)
حياكم الله لشوفة بنتنا البهية

..............

رزقت والحمد لله بمولود و اتشرف بأستقبالكم في يوم (اليوم)
في مستشفى(الرقم) الدور(الرقم) غرفة (الرقم)
( .... اسم الأم ....)

...............

الحمد على عطية رب العالمين
رزقني ( أسم البيبي الأول) أول درة من اثنين
و الثانية (او الثاني) ( اسم البيبي اليديد ) نور العين
و استقبالنا بكون يوميين
يوم (اليوم)
مستشفى (الاسم) غرفة (الرقم)

................


ياساده يا كرام صلوا على خير الانام
رزقت ( اسم لام ) بمولودها (اسم المولود)
بدر التمام وتستقبل مهنئيها يوم ( اليوم )
في مستشفى (الاسم) غرفه (الرقم)

.................

زغاريد الفرح عمت أجواء مستشفى (اسم المستشفى)
بقدوم ...(اسم البيبي)
بكر السيد ....(اسم ابو الطفل)
من السيدة ....(اسم الام)
لذا فهي تستقبل المهنئين يوم ...(اليوم)
في الجناح ( اسم الجناح ) غرفة (الرقم)
شاركونا فرحتنا به
كلنا فرحة وسعادة وسرور
امتلت دنيتنا طيب وعود وبخور
شع حوالينا الضى والنور
يوم ربي رزقنا
( اسم المولود )

.....................

انا بنوتة توني مولودة سموني .. ( اسم البنوته ) ...
امي ..( اسم الام ) .. وابوي ..( اسم الاب )..
والحمدلله على سلامتنا انا وامي

.....................

كنت وحداني..
وصار لي أخو ثاني..
(إسم الولد الكبير )

...................

لنك عزيز وغالي
ودايم على بالي
ابشرك جاني ولد
اهداه لي واحد احد
ويالله يصلح لك عيالك
ويالله يصلح لي عيالي

......................

والي عنده ياليت يصيف بليز


:2895-5789-1144:


الحين نيجي لبطاقات المواليد



يا أغلى هدية من الخالق
تتمنى العين ما تفارق
أجمل وأروع مولود
هل بوسط الخلايق

...............

ألف مبروك للحلوين
بقدوم أغلى الغاليين
الله يبارك فيه ويعين
كل من تعب من أجله أمين

...............

يا أغلى الناس والغاليين
مبروك عليكم أحلى الحلوين
الله يديمه لكم يا رب
ويجعل دربه اليقين

...............

مبروك ويتربى بعزكم
ويجعله قدم السعد عليكم
وإن شاء الله ما يخيب ظنكم
ويبارك فيه ويسعدكم

...............

كنتوا بالعايلة 2
واليوم بقدومه 3
عقبال اللي بعده يا رب
وتزيد العايله أحباب

...............

بقدومه هلت البشاير
وبصوته هز المشاعر
الله يحميه من المخاطر
ويجعله دوم طيب الخاطر

...............

بكرة تمر السنين
وتشوفوه أحلى الشباب
يوقف جنبكم ويعين
وكل المصاعب تلين

...............

حملتيه تسع شهور
واليوم جاء ألف مبروك
والكل وهبه أجمل شعور
وصار بالعايلة مشهور

...............

يا هلا بيه وبقدومه
أسعد الكل بوجوده
نعمة من الرب شوفته
وكل الي حوله يحبونه

...............

فرحة الأمومة تنهمر كالجداول الرقراقة تجري دفاقة
من قلب الأم إلى قلب طفلها تلبسه الحنان زهراً و أكاليل
فرحتنا بكِ يا أم اليوم و الغد تعادل فرحتك
فبحبكِ و رعايتكِ اجعلي طفلكِ مشعل حق يضيء دروب هذا الجيل

...............

هاقد رزقتِ بطفل صغير .. فأشرقت الدنيا أنساً و حبور
و أينعت الزهور .. و غردت الطيور .. و فرح القلب و انتشى بالسرور
فتخيليه و قد صار كبير .. و أصبح في الحياة مشعل نور
بارك الله لك فيه .. و جعل لكِ في تربيته الأجر الكثير ..

...............

أختي الحبيبة / جاءتكِ طفلة حلوة كالبدر .. وجهها يفوحُ عذوبة و طُهر.. و عيناها بريئتان كالفجر .. و نفسها صافية كالنهر .. تملأ الدنيا أفراحاً و بشر .. و تجعل الحياة حديقة من زهر .. بارك الله لكِ فيها .. و رزقها البر والصلاح ..
أختك / (فلانه)

...............

إلى من اختارها الله لتحمل روحاً بين أحشائها تخرج إلى الحياة تسبح الله
و تسجد له ... إلى أختي الحبيبة حفظك الله أقول لكِ
بارك الله في الموهوب و شكرتِ الواهب و رزقكِ الله بره و بلغ أشده
فأعانك الله على شكر هذا العطاء عبر تربية سليمة تكون إحقاقاً للوفاء بعهد الله ...

...............

با أغلى هدية من الخالق تتمنى العين ما تفارق اجمل واروع مولود هل بوسط الخلايق

...............

الف مبروك للحلوين بقدوم اغلى الغالين الله يبارك فيه ويعين كل من تعب من اجله امين

...............

يا اغلى الناس والغالين مبروك عليكم احلى الحلوين الله يديمه لكم يارب ويجعل دربه اليقين

...............

بقدومه هلت البشاير و بصوته هز المشاعر الله يحميه من المخاطر
و يجعله دوم طيب الخاطر

 

[_Pure_]

و انا مستحيل اخذ مسج من منتدى و لا من النت كلشي ينحط يصير مكرر شالفايده
حلاته الشي مميز و خاص

ماتصدقون شكثر الناس يكررون المسجات

حلاته انتي تفكرين بمسج حق نفسج

و هذا رايي و اتمنى ما تزعلون

 

[_Pure_]

لأحضان أمي أنا جيت
و على أبوي نورت البيت و با (اسم البيبي)أنا تسميت
حياكم الله زوروني و باسم الله شيلوني
بمستشفى (اسم المستشفى)
الدور (الرقم) الغرفه (الرقم) تلاقوني









هذا المسج بالذات ثلاااااااااث من اهلنا استخدمووه الصراحة فششششششله

 

[أم يوسف وأمونة]

أختي وشنو الفشله فيها عااااااااااااااااادي والله هالامور لا تفكرين فيها وايد ترا كلها كماليات

عادي واذا تكرر

وبعدين اذا انتي تبين مسج مميز شلووووووون تبين البنات يكتبونه حقج معناته ما راح يكون حقج بروحج

فكري عدل والله يقومج بالسلامه

 

[حورية الشماااال]

عسى ربي يرزقج ويهنيج

بس مدامه في النت مكرر حتى لو جديد اهني بسرعه ينتشر عادي اهم شي الصحه يالغلا

 

[يا عيون سمي]

اشفيها اذا تكررت عادي تلاى كله مسج وبتدزينه للناس واقصى ب40 او50 فلس
حسستيني انه ذهب لوووووووووووووووووووول

اهم شي يكون المسج حلو

 

[ديمـة]

موضوع جا في وقته ...

انا صار لي يومين ادور مسجات ..
بس كلها مكرره واغلبها مادري شلون صايره

انا ابي مسجات قصايد جززله ..
وحلوه ..

ان شالله اذا لقيت بضيفها .. بس اتمنى ان الكل يساعدنا

ومشكوره حبيبتي ع الموضوع ...

حياش الله يا خيّه

والموضوع للجميع ولكل من يحتاج مسجات ويا كثرهم

شكرا على المرور


:33_1185028183:

 

[زيتونه مرت باباي]

للرفع : )

 

[tmtmt]

والله انا مسجي في بنتي حطيته بالنت بس ما اشوفه تكرر
لي هالدرجه مو حلو هههههههههه
عاد انا ماخذته من جنة يرانه عجبني وكتبت نفسه شدعوه شالفشله الي فيها !!!

هذا المسج :
سنين وايام والصبر موجود
ما خاب ظني بربي المعبود
واليوم ( ...... ) ينادي انا المولود
لك الحمد ربي وكلنا سجود
استقبال ( .... ) يوم ( ..... ) بمستشفى ( ...... ) غرفه ( ..... )

 

[شوق**]

لرررررررررررررررررررررررفع

 

[([عطر رومانسي])]

لما اولد واخلص ان شاءالله احطلكم مسجي

 

[σм 3ℓαωɣ ™]

السلام عليكم

انا ما احب استخدم مسج من النت
والصراحه شبعنا منهم
حلاة المسج يكون متفرد عشان يعبر عن ما في القلب فعلاً

فغيرت هالمره وحطيت هالجم كلمه في بداية مسج الولادة

يفداك قلبي ... والتعب ... والمسافة
دام آخر المشوار شوفة عيونك

بعدين كتبت الحمدلله ربي رزقني بولد وسميته .........
وتكتبين بأي مستشفى واي جناح واي غرفه

ترى هي ممكن بيت شعر
ولا كلمات أغنية
ولا من تأليفج

 

[كنيينه]

السلام عليكم

انا ما احب استخدم مسج من النت
والصراحه شبعنا منهم
حلاة المسج يكون متفرد عشان يعبر عن ما في القلب فعلاً

فغيرت هالمره وحطيت هالجم كلمه في بداية مسج الولادة

يفداك قلبي ... والتعب ... والمسافة
دام آخر المشوار شوفة عيونك

بعدين كتبت الحمدلله ربي رزقني بولد وسميته .........
وتكتبين بأي مستشفى واي جناح واي غرفه

ترى هي ممكن بيت شعر
ولا كلمات أغنية
ولا من تأليفج

عجيييييييبه الفكره:ggdw:

 

[N.o.d]

انا درعمت احسب في اشياء يديده منزلتها صاحبة الموضوع
بس طلع الهم واحد لوول ؛/


انا مادري شدز ودي بشي مميز لان اول حمال لي
اللي تحصل تسدحه لنا هني لا هانت

:d

 

[حنووونه25]

انا عندي احسن شي تكتبين
لله الحمد والمنة لقد رزقت اليوم بمولودي الاول وقرت عيني بشوفته

حياكم الله نستقبلكم في المستشفى الفلاني وخلاص

 

[N.o.d]

اي صح ماكو احسن من الحمد والشكر
بسس ودي بشي يزوووغ القلب عليه

 

[FuSheYa]

الله يسل عليكم وتقومون بالسلامة ان شاءالله

انا عن نفسي ماحب اﻻشعار او الحجي الزايد

مسجاتي بوﻻداتي اﻻثنين كانو standard

بالضبط هذا كان مسجي قبل اسبوعين

بحمدٍ من الله وفضله رزقت بمولودة ونستقبلكم بإذن الله يومي الثلاثاء والأربعاء في مستشفى السلام - جناح دسمان ( ).
من الساعة التاسعة مساءً وحتى الواحدة بعد منتصف الليل.
( اسمي )

ونفس المسج بس زدنا اسمي اول ...رزقت ابنتي فﻻنه واخر شي اسم ماما


وكان الله غفورا رحيما