غلطة حياتي
New member
- إنضم
- 9 سبتمبر 2006
- المشاركات
- 2,128
- مستوى التفاعل
- 0
- النقاط
- 0
- العمر
- 47
السلامـــ عليكمـــ
كل المشاعــــــــر في غيابك حزينــــــــــــه
وكل البشـــــــــر في حضرتـــــك مالهم دور
من قالك ان القمـــــــــــــــــــــــــر شبيهك
عمر القمر ما فاح من جسمه عطـــــــــور
,,انت القمـــر,, والفرق بينك وبينــــــــــــه
نورك طبيعـــــــي والقمر مكتسب نــــــــور
"" اذا شفت المطر ""
افتح ايدك واجمع اللي تقدر عليه !!
شفت اللي جمعته ؟؟ هذا شوقك لي !!
تبي تعرف شكثر شوقـــــــــــــــــي لك ؟؟؟
"" باقي المطر اللي ما قدرت تجمعه ""
كل ليل دون صوتك ينقضي قهر وظلام
مثل طفل ضايع وسط الملا يصرخ كسير
كل لحظه في غيابك ترسل لقلبي سهام
وكل جــرح في وجودك يصبح بعيني يسير
من يموت "بحــب" مثلك لا حشى ماله ملام
تاج راس للبشر من يلبسه يصبح أميـــــــــــر
أبشرك إني بخيــــــــــــــر
قلبي من أوجاعه شفـــــا
والوضع عندي صار غير
والجفن بالنوم احتفــــــــا
مشكور يا ذاك العشيــــر
أقولها وقلبي عفـــــــــــا
يجزاك ربي كل خيـــــــر
والسعد لك حضن ودفـــا
سمعــت نغمــــة رسالـــــة
قلـــت يالله عســى خيـــــر
وأنا ثلاث أيام محدن ذكرنـــي
فتحتها بلهفة من الفرح باطير
وأقول يالله من اللي أفتكرني
أثرها من الجوال يرسل فواتير
هو الوحيد اللي أبد ماهجرني
صدق الشجر واقف يموت بلا مطر
وصدق القدر مالـــه مرد ولافـــرار
وصدق الصبر يضيع مني وذا فقـر
ومن ماصبر
يشقى
والشقى
يذوقها المرار
قل للعيون اللي شكت بعد الأحباب
وقل للدموع اللي من الشوق هلت
وقل للشعور اللي من الهم منصاب
وقل للجروح اللي بالاحساس حلت
وقل للخفوق اللي عجز عنه الأطباب
ترى المشاعر من عنا البعد "ملت"
شفت منهو تحبه صد من دونك
إقرا علية الفاتحة وريح أعصابك
قلة ترى الشمس ماوقفت على كونك
يجيب غيرك أكيد الوقت اللي جابك
حرام لا صد تسهر لجله عيونك
لا عاش منهو لجور الوقت ضحى بك
كني ليا من تذكرت ما فات
يتيم وطاحت في يدة صورة أمه
وقاميت ذكر الليال القديمات
وقام يتذكر يوم كانت تضمة
وعود على دولابن أغراضة شتات
ثم شاف برقعها وأبطى يشمة
وهلت دموع من عيونة غزيرات
يبكي ويمسح دمعتة فوق خدة
ماهقيت الليله اللى جابت الفرقا طويله..!
لين صارت ليل هامس بعينى اطول من شهرها..!
والعذاب اللى يذوب بعين من يفقد خليله..!
عندى اكبر من عذاب العين لو تفقد بصرها..!
لاتشتكي من جورالايام للناس
وادفن همومك في ثرى الصمت كله
اسرار عمرك خلها تحت الانفاس
لاصار هراج القفا فاطن له
هذاك يفرح لالمس جرح الاحساس
وهذا من اهلا لقى فيك عله
فديت من كان لغيابي يعاني
فديت أنا ممشاه وخطاويه
ماني بقاطع رجاه لو دهري
( جفــــــــاني )
هو تاج راسي وبعيني اداريه
شوفته تسوى كل عمري وزماني
وجرحه بدموع عيني اداويه
لو تلتقي في يوم عينك بعيني
مري وعديني مثل باقي الناس
لابد من يوم يجي وتذكريني
لامن دريتي عن سبب صمت الاحساس
ماني خيالي واقعي صدقيني
ركزت في صدر الامل بيرق الياس
دكتور لو تشرح عن عيونه السود
ابرك لنا من شرحك في علم الاعصاب
تشرح لنا الاعصاب في مخ مولود
واعصابنا ذابت من فراق الأحباب
تشرح و انا عقلي من العام مفقود
عقلي مع اللي كامل الزين جذاب
سؤال ...جاوبني عليه ...
أبيع قلبي .. تشتريه ؟؟
لا تنزل عيونك خجل ..
تبيه ولا ماتبيه ؟؟
ضحكت!!
مني تقبله .. صحيح تبغي توصله؟؟انت عمري وابتساماتي والعذاب........وانت من غيرك ترى ماني محسوب
مثل صفرٍ خالف أرقام الحساب..........في شماله تاه يبحث عن جنوب
لو تناديني وانا وسط "التراب".........جاوبك عظمي ولو قبري "عميق"
الروح ولهانه على شوف شرواك......وان ما حصل قلنا عليها السلامي
القلب واحد والمشاعر ترجاك...........ترجي وصالك يا رفيع المقامي
تبقى رفيق الروح والروح تفداك.......ويفداك عمري يا رفيع المقامي
يا صاحبي فرقا الحبايب كليفه.......والبعد من بين المحبين حراق
يا صاحبي لولا الظروف العنيده......ما طاحت يديني على بيض الاوراق
يوم السديري قالها في وليفه........"ياليت ربي ما خلق حب وفراق"
وصلك مثل غيم الربيع استخيله........وأنا على باب المحبه رجاوي
حاولت قربك مالقيت الوسيله...........أنا أشهد أني بالمحبه شقاوي
مالي على ما يجري اليوم حيله........ولاني على بعد المحبين قاوي
أنا غرب واللي خاطري ينتحيله شرق..........بعيد وطن مظنون عيني عن أوطاني
حصل في غروب الشمس بيني وبينه فرق.....عسى الله يقرب دار من حبه أشقاني
بنيت لك بالقلب قصرٍ من ألماس.......ما ينهدم لو حاولوا يهدمونه
عليه يوقف وسط الأبواب حراس......ممنوع قصرٍ تسكنه يدخلونه
اّمر تدلل وش تبي دق الأجراس.......حنا حرس قصرك وحنا عيونه
وقتي معك ما ينحسب بالدقيقه.........وقتي معاك بفرحة العمر محسوب
بسمعي لصوتك تنفرج ألف ضيقه......ولاشقت زولك ما بقى بعمري كروب
وصلك يبلل خافقٍ جف ريقه............حرام لو هو معصيه ما أشبع ذنوب
يا صاح دمعي من عنا البعد همال........شوف الليالي كيف هزت زماني
ما جيت أبي منك ملايين وأموال.........ربي وهبني للنعيم وعطاني
جيتك رفيقٍ سابقه حلم واّمال............راجيٍ وصلك ولا أبي شي ثاني
عهدٍ قطعته أبد ما انساك.......عهدٍ علي أوفيه وأوفيك
من يوم قلبي صار يهواك......والفكر دوم بشوق يطريك
لا تفتكرني بيوم بجفاك..........وأنسى ودادك أو أخليك
أفداك وافدى بسمة شفاك......وأدعي إلهي لي يخليك
طالت الغيبات يا غالي علينا........لو يطول البعد ما والله سلينا
المشاعر همها لحظة لقاك.........يا كريم النفس مثلك ما لقينا
لك معزه زادها عندي وفاك........ليت قربك يا هنا العمر بيدينا
ما هو بكيفي أعلن الحرب وياك..............لو قال عقلي قام قلبي يصده
والله أحبك صدق وش فيك وش جاك؟.......أبغي محبه بس من غير شده
ولا جاك غيري لا تحبه اذا جاك..............تكفى طلبتك..لعنبو جد جده
يفداك يا خلي سلاح الإشاره..............والهندسه وأركان حرب المغاوير
ويفداك من علق على الكتف شاره......ويفداك سربٍ كاملٍ بالطيايير
ومن نام ليله واّمن في نهاره.............ويفداك من يمشي على الارض ويطير
الضحك ما هو علامة مستريح........والبكا أحيان ما يوحي بحزن
وان بكيت يجوز أبكي من صحيح......من جرح من ظلم من صدمة زمن
أو يجوز أبكي على شان استريح......أو نتيجة شوق أو زود الشجن
أحسِن التفكير وأفهم يا مريح..........أن قلبي فيك هايم ممتحن
حبيبي شالذي عاقك.......وغير في الهوى مبداك
أحيده ايحن خفاقك.........ومن هذا انا أهواك
رميت بقلبي أعواقك.......وتمنعني أجيب ادواك!!!
حاولت في قلبي وانا اقول بنساك.......واعيش دنيا في حياتي جديده
أثر الغلا ما تعجبه غير دنياك...........والقلب غيرك ما سكن في وريده
أشتقت لعيونك وصوتك ونجواك.........واشتقت لظروفك ولو هي عنيده
أروي ضمى غيري وانا يابس الريق..........وأضحك وأجامل ولو ماني برايق
وان ضقت أسلي خاطري بالطواريق..........واستلهم الفرحه لنفسي دقايق
وان شا فتك عيني ولو في خاطري ضيق.....انزاح هم القلب واقفيت رايق
رحبت أنا برساله من معاليك..................منها كثير الهم والغم ينزال
ترحيبةٍ بإسمك ورقمك وطاريك...............حيثك بوسط القلب والفكر والبال
ما غبت عن بالي عسى الرب يحميك........لا والذي نزل تبارك والانفال
ينساك ناسٍ ما توقعت ينسونك.......ويذكرك شخصٍ تحسبه عنك ناسي
ما دام قلبي لك شفوقٍ وميلاف.......وراك يا خلي قليل المروفه
عزالله اني للمخاليق عياف...........إلا انت ياللي هيمت بي طيوفه
في غيابك صار لي شيٍ كثير.........قصتي قصه وكيف أبدى بها
طال ليلٍ كان بعيوني قصير...........وكل ذكرى دق فكري بابها
وضعي أصبح بعد غيبتكم خطير......والليالي ما حسبت حسابها
يا وداد النفس يا حبي الكبير..........يا مناة الروح وأغلى أحبابها
بسألك ليه الهوى منك وفيك؟
ليه المشاعر ما تعيش الا بساعة شوفتك؟
ليه المحبه والوفا وأبيات شعري تهتويك؟
ليه انت وبس اللي أموت ببسمتك؟
تدري لو مره أقول إني كرهتك ما أبيك؟؟؟
يرجع لي صوت الصدى يقول الله ما أكبر كذبتك...!!
أكبر عيوبي ما أتحمل غيابك.......لا غبت عني كل همٍ ندبني
عطني جواب الله يخلي شبابك......قلي وش اللي فيك غصبٍ جذبني
انت سؤال الحب وانا جوابك........انا كتبتك والغلا لك كتبني
قالوا هلي وشفيك ما ترقد الليل.............ترى السهر ماله عواقب حميده
كانك مريض روح واعمل تحاليل...........يشرح لك الدكتور وصفه مفيده
قلت انشدوا راعي الرموش المظاليل.....اليوم صار الحل والربط بيده
تأمر على روحي عسى الروح تفداك......يا عزوتي يا نور شمسي وظلي
قلبي صويب وطاح في كف يمناك..........يمناك فيها عزتي عقب ذلي
في القلب وحشه والدوا في محياك........ذاب الخفوق وكاني اخطيت قلي
خاب يالغلا ظني فيك
كنت أحسبك مثلي تبالي
أثر المحبه ما أثرت فيك
ما تتفكر ولا تدري بحالي
بعت قلبٍ كان شاريك
كنت عنده أغلى من الغالي
بعته وخليته دايم يناجيك
ونسيت عشرتنا وضيعت الاّمالي
ياليتني في حارة الزين خباز........أسابق المذن وأسوي عجينه
أبيه لامنه صار للخبز معتاز.......أمدله خبزه وألمس يدينه
مستهم وحالتي حاله...........من الحزن خلصت أنا الدله
مابقالي غير لحثاله............مهجتي والكبد معتله
لي حبيبٍ قاطع اوصاله........ذابحني والعقل شله
والمصيبه مب على باله.......ويل حالي من فقد خله
أتعبت قلبي من جفاك وتغليك
وتاهت بي الشرهة ولاأحد ذكرها
المشكله قلبي حلف مايخليك
ومدري متى ظروفك توقف ضررها
قلبي وعقلي والمشاعر تباريك
روحي هوت وروحك وحبك سحرها
الذنب ذنب الحب ماهو خطا فيك
هذا خطا نفسي وقدرها
السموحه:eh_s(8):
