مسجاااااااااااااات عجيييييييبه 6

[موتي ولادمعه امي]

إنت السبب في موقفي.. خليتني أقسا معك
قسيتني من قسوتك ..علمتني معنى الجفا
حفظتني درس الهجر .. خليتني ما اسمعك
ومن كثر ما حطمتني .. نسيتني معنى الوفا



بلغ احساسك تحياتي وسلامي
قول له راح مشواره من امس
انت ما جربت عمرك خصامي
انا قاسي ومالي في الاوهام نفس
انا عندي ظلام الليل ظلما من ظلامي
واي شمس تغيب ابدلها بشمس




لاصرت عادي وكلن يقدر يطولك
هونت !!! مب انا الي يعشق اليوم عادي
اقولها لك وباختصار
انا اذا حبيت ما احب قلب مشغول بغيري
نصيحه تنفعك في زمانك
خلك في دنياك احسن وخلني في دنياي !!!




غيابك ذبح فيني مفاهيم الاشواق
واسقى عروقي للفراق وزرعني
وانا ادري انك تملك احساس واخلاق
احساسك اللي من عروقي نزعني
شنو فيك ما تفهمم ؟؟؟
ترا صدق (( مشتاق ))
وسيف الثواني في غيابك
(( طعني ))




آسف على الغيبه ماكنت فاضي
آسف على التقصير لوكنت قصرت
رجعت لك حاضر ماني بماضي
ابعتذر يمكن عليكم تاخرت
حطيت في غيبتك الحب قاضي
وحكم علي ارجع لو ما تصبرت
رجعت قانع بحبك وراضي
محد جبرني يوم ارسلت واشتقت



تدري بعدك ارحم من وصالك
وصال كله صد وجفا وش نبي فيه
تكلمني ببرود ياكيف حالي يهنى لك
تزعلني !! وخاطري ما تفكر تطيبه
تمشيني بكيفك كأني اصغر عيالك
مره تباعدني ومره تبيني قريبه !!!






عزتي اغلى من قلوب وجروح
وان جرحني الوقت تصدق ما انكسر !!
ضربتك ما تكسر احساسي انا
ضربتك بالعكس قوتلي الظهر



اسعد الله صباحك / واسعد الله مساك
وقبل هذي/ وهذي جعل عمرك
طويل ..

من سكنت بقلبي / والغلا هو غلاك
من عرفتك / وقلبي مايبي لك
بديل ..

اعشقك لو قسيت / اعشقك ماكفاك
ماسكن وسط قلبي / قبل حبك
خليل ..
صورتك في عيني
وفي القلب طاريك



أهواك مابعمري الا هواك
ولا لي غالي سواك
واحبك وقلبي معاك

القاك وين مااروح القاك
وين مالتفت القاك
وين مااكون وياك
ياحب ياكل دفا الاحساس
يغنيني عن هالناس
ياشوق ما ينقاس ..




إبتسم لون المسا منك وعرفتك
جيت مثل البدر في صدر الليالي ..

ايه شفت الحب بعيونك وشفتك
وأذكر انك جيت ضيف ورحت غالي ..

وأذكرك مثل الورود ولا قطفتك
وأذكر ان المر دونك وانت حالي ..

واتخيل كل ما مني وصفتك
كيف أخذت الملح كله وانت حالي


فيك لا يمكن
أغير موقفي

انت محبوبي في كل الظروف
ثابت رأيي

ومهما تختفي
لك مكانة فايقة كل الوصوف

ترجمي يا دمعتي له
وأوصفي

حالتي في الليل
مرفوع الكفوف

أظهري الخافي لعينه
واحلفي

إن عيني غير حبه
ما تشوف..



أحبك يا حياة القلب والروح
أحبك يا غرام النفس والبال
أحبك ويشهد الله علي بالبوح
أحبك ويشهد الله علي بالحال
أحبك وحبك يبني لي صروح
أحبك وحبك لي غاية منال
أحبك لانك لي بلسم جروح
أحبك لانك لي حلم وآمال



أهديك كل الحب يا بعد حالي
أهديك الحب مع كل الورد والألوان
وحبك أشتريه بكل الغلا والغالي
وحبك مقدر في قلبي وحبك غالي الأثمان
ويعجز لساني عن وصفك ولو كنت سالي
ووصفك عندي يحرك العاطفة والأشجان
وأقدرك مقدار فوق في السما عالي
ومقدارك ما يتغير ولو مر عليه أزمان


ان كان نور عيني ما يساوي غلاك..
اشهد اني بخيل في ما عطيت..
و تبي آمر تدلل يا بعد هذا وذاك..
تبي قلبي تبي كلي.. قلي وش بغيت..
تبي روحي لأجل تهنى وتضحك شفاك..
اذا يرضيك خذها بس قول اني وفيت...








تظل غـــالي
لا وغلاكـ
بالقلب
يزداد
ومهما بعدكـ يطول
ذكركـ
بالوفا ينعاد




صبــاح الشوق والبسمهـ النديهـ
صبــاح يغزل خيوط المحالي
صبــاح الورد والشمس البهيهـ
صبــاح يغسل هموم الليالي
صبــاح الحب يا أجمل هديهـ
صبــاح الشوق من قلبي يا غـــالي



من يعلمني عنهـ وشلون حالهـ ..//.. مبــــــطي عنهـ ولا جتني علومهـ
ودي اجلس معــهـ واتهنى قبالهـ ..//.. واتنـــــاسى كل شي في قدومهـ
اشهد انهـ غـــاية القـلب وحلالهـ ..//.. والمشــــــــاعر يم طاريع معزومهـ
واشهد انهـ ما يفــــارقني خيالهـ ..//.. في عيوني برق حبهـ مع غيومهـ





لحظات قربك..!!
تنعدم فيني اهموم
وايام بعدك..!!
اشكي الهم همين
حالي بدونك..!!
حالة انسان معدوم
خلوه ربعه..!!
يشكي الهم والبين
تسكن عيوني..!!
منزلك دايم الدوم
تصبح بعين..!!
وتمسي بثاني العين



ان طالت الغيبـــهـ يبقى حبكـــــم ـباقي ..//.. وان سهيت يبقى لوجودكمـ وحشة
وان جف بحر شوقي نهركم هو الساقي ..//.. ما تغيبـــــون عني ولو غابت القعدة
يا نـــــــور الدنيـــــا مـــا مثلكمـ الاقـــــي ..//.. احبكم واشتــــاق مهما طالت المدة




اعاهدك لو غبت عن عينــي سنين
يا صاحبي اقسم قســم ما نسيتك
لك صـــورة بالعيــن يا قـــــــرة العين
عيت تفـــــــارق ناظــري من هويتك
تسوى بعيوني من الخلايق ملايين
انسى حيـــاتي لا حشا ما نسيتك



لو كل غايب عن عيوني نسيته ؟!
والله لعيش العمر انسان (( معزول ))
لا تفتكر ( رقمك ) سهيت ومحيته ؟!
وقل اتصالي عنك لاهي ومشغول ..
انته حياتي وانته اللي " هويته "
وانته بقلبي مرتبط بي (( وموصول ))
ابيك تذكر شي واحد نسيته !
انك في ( بالي ) يا حبيبي على طول ..




كل ما جاني مسج او اتصال .. حسبته منك .. !!

اثاريني واحش كل الناس الا انت .. !!

ما وحشتك .. ؟!


وحشتيني
كثر السكوت
كثر الحكي من غير صوت
كثر المحبه
وحشتيني
كثر الوله اللي بقلبي احمله
كثر المشاعر والعيون اللي تصيح
لكل صوت
" اشتقتلك "




مهما ابتعدنا عن بعضنا وغبنا ..
نلقى لنا بالبعد حشمة ومقدار
ومهما الليالي والظروف اشغلتنا ..
يبقى الغلا سايد على بعد الانظار
ومهما الرسايل لبعضنا قربتنا ..
يبقى الوفا ما بيننا خير تذكار




وين بتلاقي العذاب وانته عندك
قلب يحبك ويموت فيك ..
وين بتلاقي العذاب وهو دايم
خايف عليك ..
لا بكيت بكى معك من غير ما
يعرف الاسباب ..
ولا ضحكت تعال بس شوف
السعاده بعيناك ..
بتعرف وش قد غلاك وخلاك فوق
الناس خلاك ..



احن لك
والشعور يخونه التعبير

لين آخر الليل انا أقلب
أوراقك ..

مو مثل أول أحبك بس
(( أحبك غير ))

تدري شكثر .. ؟!

أكثر من الشوق لعناقك ..

من قال لحظة غيابك مالها
تأثير ؟!؟

أحس روحي تبى تطلع
من غيابك ..




لك موقع !
محفوظ في قلب مغليك

أقرب من أهدابك لأعلى جفونك

قالها " الجسمي " وكنه يغنيها
فيك !

(( والله ما يسوى أعيش الدنيا
دونك ))




يعني لو ما أسأل عليك تهدني ..
ياخي أسأل رفيقك مات حي .. !!
ما أجبرك تشتاق لي وتودني ..
بس كلمني شوفني محتاج شي .. !!
حتى العدو اللي سبق وضرني ..
بين فترة وفترة ينشد علي ..



ودك تقول اني تغليت ونسيتك
لا .. يالغلا .. مالي على النسيان حيله ..

ودك تقول اني مع الغربه رميتك ..!!
وشلون ابرخص سيد القلب وخليله .. !!

ودك تعاتبني لحظة سهيتك

" هات العتب " .. !!

وابشر على راسي اشيله ..


مع خالص تحياتي:tek:

 

[أم ^ علي]

روعه روعه

 

[*دنــيـQ8 ــا الوله*]

تسلمين ع المسجات

 

[فرحه بلادي]

ان كان نور عيني ما يساوي غلاك..
اشهد اني بخيل في ما عطيت..
و تبي آمر تدلل يا بعد هذا وذاك..
تبي قلبي تبي كلي.. قلي وش بغيت..
تبي روحي لأجل تهنى وتضحك شفاك..
اذا يرضيك خذها بس قول اني وفيت...


رووعه حبيبتي تسلمين يالغلا

 

[رماس*]

مسجاتج روعه تسلمين بعد عمري

 

[موتي ولادمعه امي]

يسلموووووووو على المرور الطيب,,,,,,,, والتعليق الأجمل
والله لايحرمني منكم..

 

[بنوته86]

مشكووووووووووووووورة يالغاااااااااااليه
مسجاااااااااااااااااااااااتج مو طبيعيييييييييييييييييييه
اكثر من رووووووووووووووعه
يسلموووووووووووووووو يالغاليه

 

[(ذلتهم عيوني)]

كـل مسج أحـلى من الثانـي مشكورة يا قلبـي كلج ذوق فـي طرحج

 

[STYLISH STYLE]

تسلمين ع المسجات

 

[موتي ولادمعه امي]

تسلمولي حبيبات قلبي ,,,,,,,,,,,,,,,واسعدني مروركم والله