مستقبلي الحين؟ بين ايدكم.. حيآكم

[ريـمـآس]

-​

السلآم عليكم ورحمة الله و بركاته..
شلونكم خواتي؟
انا بصراحه بدخل بالموضوع على طول,​

انا عمري 15 سنه ,
بالصف التاسع ( أولى ثنوي بالنظام القديم )
السنه الجآيه بإذن الله راح أروح عآشر ..
للعلم : انا من الروضه لي تآسع مدرسة حكومية
و بصراحه؟
انا اهم ما علي مستقبلي ..
ف علشان جذيه , ماراح أروح للثنوية القريبة من مدرستي المتوسطة
قمت أدور و اسأل عن مدرسة تراعي الدرجات ,
و الابلات يسهلون على البنات ما يذلونهم على نص الدرجه ..
كنت مفكرة أن درجة الشفوي و الاعمال و السلوك كآمله ,
اللهم تكون عندي درجة الامتحان .. و انشاءالله بكون دآرسه عدل !
ف ب جذيه راح اقدر اجيب نسبه عآليه ,​

سألت و قالولي عن اسم مدرسة عندنا بالعاصمه ..
و كلمت ابوي و امي و وافقوو يودون ملفي و ينقلوني لها ,
للعلم؟ ان المدرسة الي بروحلها شوي بعيده عن الثانوية التابعه لمدرستي المتوسطة ..
و كل رفيجآتي يحنوووون يبوني اروح الثنوية الي اهم فيها ..
لأن الثنوية الي بروحلها مآفيه احد اعرفه الا وحده أو ثنتين !!!
بس كان اهتمامي وقتها بـ نسبتي و انها مدرسه تساعد شوي ,​

كنت مفكره بمدرسة خآصه , بس بما إني اول بنت بعآيلتنا ادخل مدرسة خاصه
امي و ابوي شوي بيتحسسون و ماراح يوافقون ..
و احتر اذا شفت وحده من رفيجآتي كسلانه بتروح مدرسة خاصه ,​

بس الي خلاني اصحى !!!!!!
امس خالتي جايتنا البيت , و بنتها كبري !!
ف قالت " اي والله انا مفكره اوديها مدرسة خاصه "
أمي سألتها اي مدرسة؟ قالتلها مشاعل الي بـ الجهراء ..​

اول ما راححت .. قمت افكر حييييييل ,
قلت دام بنتها بتدخل مدرسة خآصه؟ خلاص انا بدخل !!!
بس طبعا مستحيل كلنا بنفس المدرسه ..
تعرفون بعد؟ غيرة بنات و مشآكل و فلانه سوت وفلانه قالت​

ماقدرت انامم , تقريبا نمت 1 قعدت 6
من 6 لي 7 اتقلب بفرآشي أفكر ابهالموضوع؟
قررت .. إني ادخل مدرسة خاصه,
اهيا موو احسن مني !!!!!​

قمت و بطلت اللابتوب و خذيت نظرة سريعة عن المدارس الخاصه ,
و مستوى الثنويات فيهها ..
بس بصراحه؟ حيل احترت حيل حيل حيل !!!!!​

مآ بين :
1/ مدرسة الرؤيا
2/ مدرسة الابداع
3/ مدرسة الحياة
4/ مدرسة التكامل
5/ مدرسة روض الصالحين​

قريت رد عضوة الله يجزآها خير ؟
اذا تبين لغه و انشطه و المدرسات امريكيات واهتمام بالدين
و ماكو اختلاط و موسيقى ؟
اختاري " الإبداع و الحياة و التكامل "​

و اذا تبين يتكلمون انجليزي اوكيه وماشي حاله وتكون معلوماتهم بالعلوم
و بالماث قويه و مأخوذه من كتب امريكية و تكون المدرسه اسلامية ..
و ستايل كويتي !
اختاري " الرؤيا و روض الصالحين "​

و من خلال البحث ..
استنتجت ان الرؤيا حييييييل مديّنه ,
و الي مايصلي يدقون ع ولي أمره !!!
ف ما اتوقع بيرضون بالتساهل و مساعدة الابلات ؟
لا تحطون ببالكم اني رآيحه حق الغش ..
بس ابي مدرسة تراعي الدرجات و تكون خاصه !
ما يهم البعد .. عآدي باص يجيبني و يوديني ,​

و إن التكامل :
مو ثنائية اللغه و صعبببببه ..
و مو سهل نتأقلم فيها ,
و كل سنه يزيدون اسعارهم ..
و صارت اسعارهم للأسف خيآآآليه ​

و إن الحيآة :
شوي دراستها صعبه ؟
و مو إسلامية ..
بس مآفيها حصص موسيقى ,
تحتاج لـ تعب حيييل !!!​

و للأمانة ..
ما بحثت عن روض الصالحين ,
لان الاغلبية يقولون نفس نظام الرؤيا​

و إن الابداع :
قوية بالانجليزي بس مستوى الرياضيات أضعف من الرؤيا
و كذلك العكس مع الرؤيا ..
و دراستها قويه و ادارتها و مدرساتها متمكنين و يهتمون بالطآلب
و موو مختلطه و من نآحية الدين؟ حيل حلوه ,​

و إنه نظامها امريكي و انشطة و طريقة الامريكآن
و المدرسين و المدرسات من كندا و امريكا ,
و اسلاميه و الاهم " انها مو مختلطه "​

مآدري؟ شرايكم بنات ؟​

أحس شوي بديت أقتنع بـ الإبداع ؟
مآدري شرايكم ؟
اهم ما علي مدرسة تساعد شوي و ترآعي الدرجات ..
انا الحمدلله شاطره حييييل ما امدح روحي ,
و انشالله متأمله اجيب نسبه عآليه يمكن 95 ..
و ادخل هندسه , و اقدم اوراقي للجامعه بعثه للخآرج ..
و اكمل دراسة الهندسه برا بـ امريكآ ​

ف محتآآآآآآآآآآآآآآآآآره حيل موو شوي ؟
عفيا ساعدوني..
لأن مستقبلي الحين؟ بيدكم
انتو تحددون لي شنو المدرسة المنآسبه عشان اروحلها ..
و صدقوني بدعي لها من كل قلبي الي تستفسر لي *​

يعطييكم العافيه ماقصرتو ,
بإنتظآركم ..​

​

 

[ريـمـآس]

آآب ​

 

[الأميرة جوري]

الله يكتب لج اللي فيه خير

 

[ريـمـآس]

اللهم آميييين ..
اب اب اب ,​

 

[ريـمـآس]

up up ..​

 

[Freakya]

طلبة المدارس الحكومة تأسيسهم أفضل من المدارس الخاصة ولو تشوفينهم بالجامعة نسبهم أعلى من طلبة المدارس الخاصة .. مدارس الحكومة اللي امتحاناتهم سهلة معروفة بالمناطق التابعة لمنطقة العاصمة التعليمية ..

 

[lovkom]

اول شي .. مدارس الحكومه وقت التخرج اهم الاولى حق الجامعه

توكلي على الله وروحي مدرسه حكومه .. انا مافي انذل من مدرستي بالدرجات بس بالسياسه كل شي يمشي وخلاص الحين الثنويات كله متساهلين بالدرجات سوالف تليعن مافي !!

والله العظيم روحي حكومه وجابلي ودرسي عدل وشاركي وسمعي كل شي بوقته بتلقين اللي يسرج وانا اكلمج الحين وقبل جم اسبوع متخرجه من الثنويه !! ومجربه ثنويتين ! وتقريبا رفيجاتي نصهم بالعاصمه

يعني لاتحاتين كلش سوالف الدرجات .. وعلى فكره المدارس الخاصه اذا وصلتي 12 تمتحنين برا المدرسه وماتدرين مدرسه شديده وتعاملها خايس وياج .. وتنقهرين منهم

يبا خلج عالحكومه وايد احسن واااااااااااايد كلش لاتفكرين بالخاص تبهذل عالفاضي

والثانوي الحمدالله لحد يقص عليج ويقولج المنهج خيال المنهج مستحيل !!

بالعكس في شي صعب ويصير سهل و في شي سهل من اول نظره .. ومافي مكان تروحينله صعب وتعجيزي للأبد

واذا انتي تقولين ابي درجات ويراعون , الله كاتبلج هالشي يا ينقصونج يا يزيدونج .. رحتي خاص ولا حكومه كل شي مكتوب لج

توكلي على الله ولاتحاتين .. موفقه

 

[أم_فلان_الفلاني]

انتي لا تفكرين بالمدارس اللي تعطي درجات فكري بالمدارس اللي تدريسها ممتاز ومستوى عالي بين المدارس الحكوميه
وثاني شي اذا كنتي شاطره مو لازم تخافين من الابلات يطونج درجات مو زينه
فكري وتو الناس على المدرسه لا تستعيلين بالتفكير

 

[Ǥoldɛn ʝɛωɛL]

نصيحه خلي عنج الخاص اذا تبين تكونين الاولى اللي تاخذ مقاعد بالجامعه
وو اذا اتبعتي نظام انهم يعطون درجات ونظام انهم يسوون لج كل شي يعني يعلمونج شنو لج وشنو عليج
مو مثل الحكومي !
نصيحه لا تدشين جامعة الكويت ! انا اعرف بنات كانو مدارس خاصه ولا وحده قدرت تتوافق مع جامعة الكويت
بسبب انه على قولتهم ما يساعدون وما ينظمون شغلنا وهو بالعكس ! تدرين ليش ؟
لانهم ما تعودو على نظام العام
والمدارس الحكوميه قارني مشاء الله درجاتها بدرجات الخاص بتشوفين الفرق وواضح بعد ! ! !
و اذا انتي متفوقه بابتدائي و متوسط ! لا تحاتين اذا كنتي متفوقه باعتمادج على نفسج اكيد بتظلين متفوقه لي اخر سنه لج
و المدرسه ابدا ما تردج بسؤال كان ببالج بالعكس تستانس اكثر وتعطيج اهتمام وتميزج عن غيرج
لو اعطيج مثال هالسنه كانت اخر سنه لي
وكانوا كل صفي يذمون ابلتي الكيميا انها ما تعرف تشرح وصج ما كانت تعرف تشرح ( بالصــــف ) قمت اييها ولا اشوف انها مبدعه بالشرح تاخذ وتعطي معاج لا نفسيه ولا شي بالعكس !

استخيري والله يوفقج ووراج وقت فلا تحاتين وربي يوفقج ان شاء الله سواء قررتي بــ الحكومي أو بــ الخاص 3>

 

["." simba]

احس صعب طول عمرج تدرسين عربي و فجـأة تدرسين بالانجليزي من غير لا يمهدونلج و لا شي

نصيحه لاتركضين ورا اللي يعطون درجات لان اول شي بتدشين مكان ماتستحقينه بالجامعة و ثاني شي ماراح تقدرين تكملين

و ترا من خاص لي خاص يفرق اذا تبين خاص تدريس قوي و كل شي تاخذينه بجهدج روحي اما تبين اهم يعطونج من غير

لاتدرسين ما انصحج لان انتي رايحه المدرسة عشان تنمين عقلج مو بس تكسبين درجات روحي مدرسة حكومية تعطي درجات

شفوي لان بصراحه يفيد وايد بس لاتروحين مدرسة تغششج و تعطيج درجات بالهبل علبو دافعين فلوس

 

[{ شيوخهـ ~]

طلبة المدارس الحكومة تأسيسهم أفضل من المدارس الخاصة ولو تشوفينهم بالجامعة نسبهم أعلى من طلبة المدارس الخاصة .. مدارس الحكومة اللي امتحاناتهم سهلة معروفة بالمناطق التابعة لمنطقة العاصمة التعليمية ..

وآزيد على كلآم آلآخت آذآ آنتي قآدره تتحملين صعوبه آلثآنويه آلعآمه عشآن تضمنين قدرآتج بآلجآمعه، تمآم..
بس آذآ مو قآدره دخلي مدرسه خآصه وضمني نسبه الثآنويه عشآن تدشين آلكلية آللي تبينهآ..
نصيييييحه ! لآ تدشين عشآن بنت خآلتج دآشه.. دشي عشآنج آنتي مقتنعه..
وهذآ كل شي بآختصآر ! آستخيري وآلله يكتب آللي فيه آلخير آن شآءآلله..