مستعده تذبح نفسها عشانه !! اي ركزوا عشانه

[ms mooka]

السلام عليكم ورحمه الله

بدش بالموضوع بسرعه لان الموضوع بالذات هذا
حز بخاطري وايد ومضايقني ومادري شسوي
بنات سمعووني

اعرف وحده رفيجتي عشرة عمر معاها
وبعدين البنت تغيرت حبت واحد ع حساب نفسها
بنات تحبه لي درجه الينون والله تدق عليه إذا ما رد
قامت تبجي تدق علي تبجي !!
تحبه حيل واهوه عاد الصراحه نذل يذلها عشان تكلمه
واهيه غاسله ويها بمرق موراضيه تطيعني واهوه مستغلها عدل
تقول انه صارلها 4 سنين تحبه واهو يقول انه يحبها بس ما اصدق
بنات الصبي احسه لعوب
احسه يقص عليها
يقولها نتزوج بعد 10 سنين بعدين قالها نتزوج بعد 7 سنين من كثر
ما تبجي وتكلمه قالها نتزوج بعد 5 سنين

بنات احس ما يبيها واهيه لزقه مادري ع شنو عاد مافي شيء زود
بنات دورولي حل لها حرام والله اهيه تقولي والله ما اقدر اهده تقولي اذبح نفسي ولا نفترق
بنات متعلقه فيه حيل وكله تشتكي وتبجي منه ع تصرفاته وسلوكه
معاها حرام عليه ما يحس مايقدرها تقولي تدرين إذا بجيت بالفون شنو يرد
قتلها شنو قالت يقول بعد استانس إذا بجيتي !!! وفوق هالكلام اللي تسمعه منه تحبه. يننتني والله

 

[نـوت الحلا]

والله الي يحبك يدل خدك لو يحبها من 4 سنين جان متزوجها الحين بس شكلة الولد يلعب خل تشوف هلمقطع
‫اتصال بنت كويتيه متعلقه بشاب بالشيخ عبد المحسن الاحمد‬‎ - YouTube

​

 

[Patcholli]

حبيبتي اذا اهي راخصه بعمرها ومطيحه حظها لي هالدرجه ويا هالريال اشلون تبينه اهو يحترمها ويقدرها ويعلي شانها اذا الانسان ماعز نفسه وحشمها صدقيني الناس ماراح تحطله اعتبار طبعا بغض النظر عن حبيب او غيره لان مافي شي اسمه حب ويقولها اخذج بعد 10 سنين السالفه واضحه بس ارفيجتج مو قادره تستوعب هالشي او مستوعبه وتقص على روحها حرام عمرها راح يضيع بهالطريقه واهي مو حاسه وخوفج يستغلها ويلعب عليها بطريقه وصخه مدام اهي واصله لي هالدرجه الي بتنتحر عشانه مو صعبه عليه انه يستدرجها وياخذ منها الي يبيه ..!!
ختدير بالها ترى لي فات الفوت ماينفع الصوت وتقول قص علي اهي قاطه روحها بالتهلكه
انتي كلميها باللين واذا مافاد قطي الكلام بويهها بدون مجامله ..!!
الله يستر عليها ويفحظها من هالاشكال حسبي الله عليه يرضاها على خواته ..!!

 

[el.mlkaa]

الششررهـآ مو عليها الشرهآ على الي ححببته اخذي رقمه واشتريلج خط ثاني وكلميه على انج إختها الكبيرره وهدديييه وقوليله لايرد عليها ولا يدق عليييييهاااا حتى لو اهي دقت حق مصلحتها والله وانتي ديري بالج عليييييييهاا لاتسسوي بعمرها شي موفقين

 

[حبيبه ببي]

لاحول الله يعنيها

 

[روحين في رـوح]

ازا هي بايعه نفسها بايعهـ ومو ساله عن حالها وسعادتها بكرى بس يهدها رح تبكي وتبكي لحتى تقول بس ورح تنم انها ماسمعتلك اقول

سمعي
بيني لها انه مايحبها جبيلها دليل قاطع بحكي بلسانه انه مايحبها على ما اظن هيك ممكن تقتنع انه مابحبها ويمكن يخونهاآ مع مليوون وبحكي مع مليوونين ممكن تحزن تبكي بس تبكي فتره وتنساه وتحقد عليه احسن انها تكلمه وبتبحه وتبكي
والله البنت مجنونه شكلها الرجال مافي الهم أمان

مثل ماقلتلك اعملي صاحبيتك واكيد مابترضي الها انه كل يوم تبكي عشان واحد نذل مثلهـ

 

[ms mooka]

والله قهرتني كله تشتكي منه ومتعلقه فيه واهو يعاملها مثل ... واهي مطاوعته !!!

والله صح كلامكم اهيه كلش متعلقه في لي درجه الينون !! ينت والله

 

[الزورق222]

الله يعينهااا هاينة نفسهاا بشكل كبير ومستحيل يحترمهاا او يفكر فيهااا كزوجه ..

 

[فرزاشيهـ]

هههههههههههه تقول تموت بدونه !! خير ان شالله الدنيا ماتوقف على اي شخص


و هذي يا انها في فتره مراهقه او متعلقه باحلام ورديه يبه انصحيها لوجه الله موزين هاللي تسويه ولله كما تدين تدان ،.

و الله يجزاج خير انج مهتمه لامرها ولله يكثر من امثالج لان في بعضهم تشوف رفيجتها و عادي وو ممكن تشجعها بعد !

 

[pink Barbie]

مع باتشولي بكل كلمة قالتها
البنت ارخصت نفسها شلون يحترمهاا :/

 

[عسل سل]

والله ابتلاااء هذاا لاتضحكووون ماراح تقتنع بكلاامج بس شووفي الزمن شراح يسوي وياهم وشوفي عقب فتره يطفي حبها

 

[قمر بيت أبوها]

القلب اللي تعلق بحب غير حب الله عذب بهالحب
وكونها تذل نفسها عشان يرد عليها كارثه ومصيبه

و علي اي اساس حبت هالشخص

سبحان الله ماادري ليش هالجيل مطيحين حب خارج الاطار الواقعي لهالحب وتضحيات لشخص مايعرفون عنه غير اسمه وشكله واهلهم اللي اهم اهلهم الظاهر مايدرون هم تغدوا ولاتعشوا كلن ماسك جواله ويتغزل بالمهم والحبيب والعشيق اللي خارج حدود منزله
تافهين هالطائفه بصراحه ويستاهلون الاهانه صبح ومساء

 

[شوشو الشقيه]

الله يعينهااا هاينة نفسهاا بشكل كبير ومستحيل يحترمهاا او يفكر فيهااا كزوجه ..

يسلمو شوفي عندي حل
خلها تهاوش معاه هواش كبير او مشكلة المهم تفتعلها وتقوله انا بنهي علاقتي معاك للابد
باي طريقة المهم تتركه حتى لو اضظرت تهاوش معاه هوشة كبيرة
هنا قولي لها هذا اختبار له بنعمل فيه هذه الحركة عشان نختبره هل يحبج او فقط تسلية
لو رجع لها قولي يحبها
لو ما رجع بعد فكه جاءت منه هو طلع حقيقته كذاب وهنا بتكتشف مع مرور الوقت انه كذاب
لانه لن يسال عليها
هنا بتعرف انه حبه لها كذب في كذب
الي يحب مستحيل يعيش بدون حبيبه


خلها تجرب هذه الاختبار تعطيني النتائج
خلها تجرب القدر هل حبهم قوي او ضعيف وتقيس حبه
يعمله نفسه روميو هاها بنشوف النتيجة هذا روميو
ترسل لي رسالة ضوروي على الخاص

لمو
اختي بصراحة غبية
اقولها لج بكل صراحة
احلف لج والله ثم والله
لو كنت مكانها بموت بيقولون خلاص اذاذ ابتعدت عنه بموت اذا هو يعاملني بتطنيش و لا يسال عني و كل يتهرب مني
اقسم بالله لو احبه اموت كرامتي فوق كل شيء ادوس على قلبي واتركه
لو اطيح مريضة في غيابه من كثر حبي استحمل كل هذولا ولا ابقى مع شخص يحسسني انا لست شخص مهم في حياته
ويعمل نفسه كله مشغول ويتهرب ومني واتصل فيه وكله يتهرب
انا عندي عزة نفس اتركه اعطيه رسالة عنوانها ابتعادي فيها رسالة غير مباشرة له ( انا لي عزة نفس و كرامة ومو انت الي تهين كرامتي واذا هنتها فترة بقائي معاك
اللحين بصحح خطاي ببتعد عنك كرامتي تسوى الف مثل حبك بموت و الموت واحد ولكن موتي بعدك افضل بمليون مرة
من موتي بقربك لانه قربك هلاك ودمار كل ما حسستني وتهربت مني بانشغالك تقتلني الف مرة الموت واحد )

اقولج هي ما عندها كرامة سموحة
االانسان يقدر يبقى بدون حب ويعيش بدونه
ولكن الانسان اذا راحت كرامة يبقى ولا شيء بالوجود


لو تحبه تموت فيه شخص يتهرب منها و كله يسوي نفسه مشغول او لا يرد على اتصالها ويتعذر باعذار واهية
بعد تجلس عنده بصيغة غير مباشرة يقولها ذلفي = تركيني انا شبعت منج وتمللت

هذا معناته حركاته هذه معناتها بعد شنو تنتظر تنتظر الي ما يقول لها او يرفسها عشان تتركه
اللبيب بالاشارة يفهمه
ما يبيله ذكاء

شوفي اذا شفتي الشاب يتهر من بنت ويقل اتصاله تتصل فيه ولا يرد عليها
يتعذر باعذار واهية بانه مشغول والي اخره
استنتجي هذا الشاب لا يريد هذه البنت يعني تحفظ الماء وجها الباقي تتركه

مو شرط على علاقة حب
حتى علاقة صداقة بين شاب وبنت
اذا شفتيه يفعل هذه الاشياء خلاص لا تقرب صوبه

من اختج شوشو الشقيه

 

[كزنوفا]

انا اقولك خليها تسوي الي تبغاه لانه هي متعلقه فيه مره يعني ماينفع معاها الكلام

انتي سوي من غير ماتدري امسحي رقمه من جوالها
وثاني شي اشتري لها هديه اللي هي رقم جديد


بس بطلبك طلب قولي لها تستغفر قبل لاتنام 100مره كل يوم
بس تستمر بالاستغفار

باذن الله الله ماراح يخليها وراح يرزقها بحيث ماتحتسب ويخليها تكره ان شاءالله

هذي نصيحتي

 

[al-musk]

لا حول ولاقوة الا بالله
ليش ماتجرب تروح لاستشاري نفسي او دكتورة فوزية الدريع وراح تحطها باذن الله عالطريق الصح

 

[عسل مرت قيمر]

الله يهديها يارب

 

[الغريقه]

خليها تقرب من ربها ...
وقولي لها انتي بتخسرين نفسج وتخسرينه


فالاحسن تختار نفسها وتتركه وسمعيها كلام قوي يمكن يصحيها من الغفله اللي هي فيها


الله يهديها

وادعي لها وقولي لها خل تكثر استغفار ربي يفرجها عليها