مستشفي السلام

[rachaaa]

السلام عليكم بنات شلونكم ابي اسال عن الولادة بمستشفي السلام
شلون الولادة ؟
كم تكلف ؟
وايد طلعتو عن المتوقع
ماابي دكتور تاني لان دكتوري هناك

 

[سنو - وايت]

المستشفى حيل حلو ولادتي ببجري فيه قبل 3سنين عند نزهت بس الاسعار ماادري جم بالضبط لان كان عندي تأمين بس اتذكر انه الولاده الطبيعيه 250 تقريبا والدكتور من السلام نفسه بس بدون الغرفه والادويه والتحاليل...?

وانا حاليا بالثامن وولادتي عندهم ان شاءالله ...الله يسهل عليج وعلي ?

 

[galawi]

من ناحية سؤالج عن مستشفى السلام خل اقولج
انا جربت دار الشفا وجربت السلام بالنسبه لتقييمي كان من ناحية الكمام والعنايه الطبيه .. كمام مستشفى السلام خفيف شوي وغرفة الولاده حلوه وكبيره والعنايه الطبيه ماعليه كلام سواء اثناء الولاده او بعد الولاده اذا رحتي لغرفتج وتقييمي للمستشفى انصحج فيه

 

[galawi]

نسيت اقولج من ناحية التكلفه الاسعار تغير يعني الافضل تروحين لهم وتمرين الاستقبال وطلبي منه يعطيج ورقة الاسعار والغرف وتكلفة الولاده كامله اذا طبيعي او قيصريه .. والله يسهل امورج ان شاء الله ����

 

[CuTe KuwaiTia]

ودنا نسمع اكثر عن المستشفى مع تفاصيل

 

[اميره بكلمتي]

شوفي السلام وايد حلو كرعايه واهتمام وستافهم مريح

 

[halooyaa]

ع حسب كلام خواتي انه احسن مستشفى من حيث الرعايه لج وللبيبي والله يسهل يارب

 

[راحيل العبدلي]

توووب التوووب خوش مستشفى صراحه
جربته كذا مره وعنايه واهتمام

 

[Sugar cube]

بالنسبه للاسعار الافضل تراجعين المستشفى و يعطونج ورقه الاسعار

انا جربت المستشفى قبل 5 سنين تقريبا و كان ما شاء الله 10/10

و الحوامل من اهلي اللي ولدوا فيه بهالفتره يمدحونه ما شاء الله

و الميزه اللي فيه ان دكاتره الاطفال فيه زينين يعني لا سمح الله صار لاي مولود بالولاده شي الا ستاف دكاتره الاطفال زينين و هذي النقطه تهمني


بس ما يمنع تصلين استخاره لان التوافيق من الله

 

[QT]

ولاداتي كله بالسلام
الاسعار لازم تمرين الاستقبال تاخذين ورقه منهم
في ورقه لاسعار الدكاتره من داخل وفي لدكاتره برا المستشفى
الاسعار تختلف

من ناحية الرعاية رائعه وخاصة غرفة الولادة كبيرة وشرحه وحمام خاص بالغرفة
قدامج التلفزيون حطي قران وارتاحي

والكمام ماعليه كلام زين. وطبعا على حسب الدكتور اذا قرب الولد يطلع خففو عنج البنج عشان تساعدينهم


الممرضات عنايتهم اتهبل قبل الولاده وبعد الولاده بغرفة الولادة


لدرجة الدكتورة المساعده تقول لي امري امر عيوني انتي. امري باللي تبينه شنو تبين


ومايخلونج معاج لدرجة يبوني ارتاح وانام بدال لا اقعد ساعتين خلوني ثلاث ساعات
عشان انام بعد الولادة

وبعدها صعدوني


لغرفتي






وان شاء الله كل مرة اولد هناك لانه نفسيا اكون مرتاحة
مع ان الطريق بعيد بس اريح

 

[QT]

انا دكتوري من برا المستشفى
اخذو علي ٧٠٠

وبجري عند امل عبدالعزيز
اخذو فوق الالف بس مو مذكره بالضبط