مستشفي الامومه

[dew14]

السلام عليكم يعطيكم العافيه بنات الله يعافيكم بنات ضروري عفيه الي جربت مستشفي الامومه بالولاده وستاف التمريض تقول الله يخليكم سواء تمدح فيهم او تذم لاني متردده ما ادري اي مستشفي اروح وقلت اسال عن الامومه لاني ما اعرف بالمستشفي الا الدكتور محسن بس مو ضروري الدكتور محسن وشكرا:eh_s(16)::eh_s(16):

 

[بنفسجيه_Q8]

وعليكم السلام

انا راجعت عند محسن طلبه لحد الشهر سابع بحملي ماكملت وياه لانه اخذ اجازه وراجعت عند زكريا بالشفا
فماعندي علم بولادتهم
والله يسهل عليج ويهون

 

[دايم على البال]

انصحج فيه ولدت عندهم وعجيب صراحه والله شاهد علي
الستاف رووعه روعه وكله يضحكون ومبتسمين وانا دكتوري محمد فريد بس الحين اجازه وبراجع ان شاءالله عند محسن طلبه

من الاكل والغرف والممرضات توووب

انا يوم ولدت عندهم توه فاتح تخيلي المخاطره اللي سويتها وولدت عندهم من بعد استخاره وتوكلت ع الله سبحانه

 

[كتالونيه]

اختي والده فيه وتمدح حيل حيل
وتمدح كمامهم تقول ماحسيت كلشششش
يمدحووونه حيل
توكلي ع الله

 

[شفايف كرزيه]

فاااشل راجعت عند محسن بس خليته لان المشتشفي تجاري من الدرجه الاولي

 

[زيووونتييي]

أنا والده في فيجري عند محسن والحين ان شا الله عندهم بعد روعه من ناحية العناية والسير فز مالهم ممتاز كل شئ عجيب والدكتور بعد ما يحتاي أتكلم

والحين في عروض والاده لا تحاين حبيبتي ماكو إلا كل الخير ان شا الله

الله يسهل عليج يارب

 

[M!SS.LOBY]

الله يكون بعونج

 

[كتالونيه]

حلو واحلا مافيه انهمً يسون عروووض
وتقدرين تدفعين بوقت العروض وبعدين اذا جتج الوالاده
تروحين

 

[عروسة خالد]

انا ولاده في بحملتي الأول والحين بعد بولد عندهم
مستشفى ممتازة من ناحية الستاف التمريض والدكاتره
والنظافة والتعقيم والله عندي وحده من خواتي وسواسيه من ناحية النظافة
تحب الكل ما احد دخل الحمام يتظف الحمام ويتعقم وكل شوي تنادي ألبورتر تنظف
ما شاء الله ما يسفهونج وأنفسهم حلوه

 

[حنين الفرح]

انا ولدت عنده الحمدالله حلوه ولادته بس العنايه عقب الولاده موشي انا اذكر السسترات بموعد المضاد ومره غلطوا عطوني المضاد مرتين وانا الحين ناويه اولد بالامومه بعد لانه انا اهم شي عندي وقت الولاده ودكتور محسن الكل يمدحه

 

[حروف من ذهب*]

أنا الصراحة ماعرف عنه شئ بس كل الي أعرفهم والدو فيه عمليات ما ينطرون والله يكتب الي فيه الخير لج