مستشفى clementine churchill وين صايرة بالضبط في لندن

[عروسة 2011]

السلام عليكم بنات الله يجزاكم خير ،،

أنا بروح لندن علاج مع ريلي فيه دسك الله يشافيه يارب
و عندي جم استفسار ممكن تساعدوني ،،

هالمستشفى
clementine churchill وين صايرة بالضبط في لندن بأي شارع قريبة من شنو ، إذا تعرفون شقق قريبة منها اتمنى تفيدوني ..؟

و سؤالي الثاني إذا أبي ابطل خدمة بلاك بيري شلون الطريقة و شنو احسن خط و بجم الأشتراك
تدرون غربة و بعيدة عن اهلي لازم اتواصل معاهم :eh_s(16):

تكفون ادعولي يسهل امري ،،

و شاكرة لكم حبيباتي

 

[beshooo]

وعليكم السلام حبيبتي
الله يشافيلج ريلج وتردون بالسلامه
حبيبتي المستشفى بمنطقه اسمهاSudbury Hill مكانها بلندن تقريبا بالشمال الغربي ورا شبرد بوش فوق اذا تعرفين شارع اجورد فهو يبعد عن شبرد بوش تقريبا خمسه واربعين دقيقه ، الاجار بالمنطاق اللي يم الستشفى رخيصه وراح تلقون سكن ان شالله بس اذا سكنتو قريب من المستشفى راح تبعد عليكم حيل السفاره الكويتيه لانها تكون ورا الهايد بارك والهايد بارك قريب حيل من اجورد رود اتوقع اذا بتراجعون السفاره بياخذ منكم طريج ساعه وشي
عموما استخدمو الباصات للتنقل احسنلكم ، بالاول بيكون صعب عليكم بس حيل بسيطه

بخصوص خدمه البلاك بيري
بالنسبه لي احلى شي وطنيه
بس هناك اي شركه اتصال كويتيه راح تصرفين وايد احسنلج اشتري خط مناك وسوي الخدمه ترا رخيصه الخطوط بس الاشتراكات شوي اغلى من هني
وعن طريقه تشغيلها بس تعبين رصيد وتطرشين مسج بعد ماشتغل تروحين للبيبي مسن وتسوين اضافه ويقبلونها بعدين تقدرين تتحجين عادي معاهم " مع الاستخدام بتعرفين"
وللي ماعندهم بلاك بيري اكو واتس اب نفس البيبي مسن*

الله يوفقج ويسهل السفره عليج وتردون بالسلامه

 

[عروسة 2011]

حبيبتي الله يجزاج ألف خير و يعله بميزان حنساتج ،،

بس ما فهمت يعني المستشفى بعيدة عن اجور رود و هايد بارك ...؟
ممكن تهميني أنا ضايعة ما أعرف شي بلندن ..

 

[beshooo]

وياج ياقلبي
حبيبتي انتي ماسويت شي
اي مكان المستشفى حيل بعيد عن اجورد رود انا المنطقه هذي مارحتلها من قبل بس رحت شبرد بوش واهي وراه
ان شالله وضحتلج الصوره
واي استفسار او اي شي انا حاظره

 

[moone GRL]

حبيبتي احسن شي تستخدمون القطارات واقرب محطة للمستشفى Sudbury Hill على البيكادلي لاين

شوفي هالصورة تلقينها على الخط الازرق البيكادلي لاين بزون 4

اهي بعيدة شوي من الاجور رود والمكتب الصحي بس بالاندر قراوند اقل من نص ساعة


البلاك بيري انا ماستخدمه صراحة بس احسن شي على orange احسن شركة اتصالات ببريطانيا


بالنسبة للسكن نصيحتي احجزوا من الكويت فندق قريب من المستشفى حق 3 او 4 ايام وبعدين لما توصلون ان شالله دوروا لكم شقة على الراحة ..

موفقين ان شالله