مستشفى لندن

[كويتيه فدعاا]

السلام عليكم ورحمة الله وبركاته


بنات انا ناويه ان شاء الله اسوي طفل انبوب بس محتاره مدري وين اسويه
ناس شكثر امدحو لي مستشفى لندن
بس مدري اذا فيه احد سامع عنهم شيء؟:gr4uu:
والا اذا فيه وحده تعالج عندهم ؟
ومنو احسن دكتور عندهم؟
وجم التكلفه ؟

ياليت اتفيدوني :eh_s(2):

 

[روج كرزي]

د.باتريك شاطر بس مادي حيييل ,,, انا سمعت انه زين اهو و د.ناهض اذا كانت المشكلة من الزوجة اما اذا الزوج احسن شي رويال حياة د. فاطمي,, والله يرزقنا اجمعين بالذريه الصالحه ,,,

 

[روج كرزي]

باتريك احيانا تكلفته 4000 وفوق ’’’

 

[:: Diva ::]

انا تجربتي معاهم كانت جداً ناجحه و انصح حالات الحمل الصعب و الاجهاض المتكرر مراجعة المستشفى

 

[نـور الكويت]

اللله يرزقج ويرزقنا يارب العالمين

 

[روج كرزي]

ووحده جابت 4تؤام على الله ثم علاج باتريك ,,

 

[$حبيبة عبودي$]

رد : مستشفى لندن

معرووووووف لندن حق الحمل طبعا بعد الله ..
اعرف وحده 15 سنه ماحملت من عقب لندن رزقها الله بتوم

 

[$حبيبة عبودي$]

رد : مستشفى لندن

معرووووووف لندن حق الحمل طبعا بعد الله ..
اعرف وحده 15 سنه ماحملت من عقب لندن رزقها الله بتوم

 

[عروسه 99]

والله ما انصح فيه كلش كلش من خلال تجربتي عنده واخر يووم خلاني الدكتور وسافر وكان لابد من اني اسويها وسويت ووللاسف فشلت ولاخر لحظه سحب بهالفلووس والله من قلبي ما انصح فيه الكل قال اول شي شاطر وموووت اهتمام وغيره والله ثم والله الحين لوووو يقولون لي ببلاش وقسما بالله لو اخر مستشفى ما اطبه والله الشاهد على كلامي والاخيس من هذا السكرتيره تهاني اللي نفسيتها بخشمها ونصابه مثل باتريك وما احلل لهم الفلووس اللي خذووها على الطل ومايصير اسوي اي تحليل برى وتحاليل بس تقريبا 300 وقالي ريلج فيه ضعف وكا من خليتها على الله الله عطاني طبيعي وناويه اكتب قصتي بس ان شاء الله الله يتمم علي الحمل ويثبته يارب والله يرزق كل محرومه يارب بس والله انا اسمع عن ناهض حماديه شاطر والله اعلم اهوه وفوزيه القطان على الاقل قلبهم فيه رحمه ابرك من هالباتريك اللي ماهمه غير اخذ وسحب بهالفلووس وتحبط بالمعنويات حتى لو الشخص مافيه شي وبالنهايه الامر راجع لج لكن وقسما بالله اكتب لج من حرقة قلبي ومن كثر ما حبط ريلي وحبطني والحمدلله ربج كريم والله يرزقج من غير علاج يارب وسامحييني اذا ضايقتج بكلامي واذا كثرت كلام لكن ماقدرت اني اسكت والله وبالتوفيق وين ماسويتها والله يرزقج يارب ويرزق كل محرومه

 

[يا عيون سمي]

اعرف وحده مسويه عنده وجابت توام

 

[جوري الكويت]

رد : مستشفى لندن

وحده كانت معاي بالدوام ما يابت لمده عشر سنين

بس اللله رزقها ب ولد بعد ما عالجت عند مستشفى لندن

للأسف ما عندي رقمها لأني غيرت دوامي

جام سألتها عند منو عالجت

 

[ازرع وهم]

رد : مستشفى لندن

اختي انا اعالج عند مستشفى لندن وسويت مرتين طفل انبوب وفشلت

لكن للامانه انا مارحت له الا لمن قابلت بنات من سنين ماحملو وكتب الله لهم حمل عند الدكتور باتريك


بالنسبة للدكتور باتريك فعلا نفسيته بخشمة بس شاطر

والتكلفة بصراحة ماتفرق بين كل المستشفيات الخاصة لاني سويتها قبل عند ماجدة اليتامى ونفس التكاليف تقريبا


عموما الله يرزقج واذا تبين اي استفسار انا حاضرة

 

[الزيـــــ^^ـــــن]

رد : مستشفى لندن

الله يرزق كل محرومه

 

[مناوووي]

الله يرررررررررررزقج

 

[كويتيه فدعاا]

رد : مستشفى لندن

بنات يعطيكم العافيه ماقصرتم
بس بسألكم
منو تراجع عند دكتوره حفصه اللي برويال حياة
لاني دقيت عليهم الدكتور فاطمي مسافر ويمكن يطول
وحجزت موعد عند دكتوره حفصه البحرينيه
ياليت تردون علي لان موعدي اليوم

 

[كويتيه فدعاا]

رد : رد: مستشفى لندن

انا تجربتي معاهم كانت جداً ناجحه و انصح حالات الحمل الصعب و الاجهاض المتكرر مراجعة المستشفى

حبيبتي بسالج انتي راجعتي عند اي دكتور ؟
جم كانت تكاليف العمليه كامله
لان البنات يقولون عنهم ماديين

 

[كويتيه فدعاا]

رد : رد: مستشفى لندن

والله ما انصح فيه كلش كلش من خلال تجربتي عنده واخر يووم خلاني الدكتور وسافر وكان لابد من اني اسويها وسويت ووللاسف فشلت ولاخر لحظه سحب بهالفلووس والله من قلبي ما انصح فيه الكل قال اول شي شاطر وموووت اهتمام وغيره والله ثم والله الحين لوووو يقولون لي ببلاش وقسما بالله لو اخر مستشفى ما اطبه والله الشاهد على كلامي والاخيس من هذا السكرتيره تهاني اللي نفسيتها بخشمها ونصابه مثل باتريك وما احلل لهم الفلووس اللي خذووها على الطل ومايصير اسوي اي تحليل برى وتحاليل بس تقريبا 300 وقالي ريلج فيه ضعف وكا من خليتها على الله الله عطاني طبيعي وناويه اكتب قصتي بس ان شاء الله الله يتمم علي الحمل ويثبته يارب والله يرزق كل محرومه يارب بس والله انا اسمع عن ناهض حماديه شاطر والله اعلم اهوه وفوزيه القطان على الاقل قلبهم فيه رحمه ابرك من هالباتريك اللي ماهمه غير اخذ وسحب بهالفلووس وتحبط بالمعنويات حتى لو الشخص مافيه شي وبالنهايه الامر راجع لج لكن وقسما بالله اكتب لج من حرقة قلبي ومن كثر ما حبط ريلي وحبطني والحمدلله ربج كريم والله يرزقج من غير علاج يارب وسامحييني اذا ضايقتج بكلامي واذا كثرت كلام لكن ماقدرت اني اسكت والله وبالتوفيق وين ماسويتها والله يرزقج يارب ويرزق كل محرومه

جزاج الله خير على النصيحه

 

[Hoooooda]

رد : مستشفى لندن

شوفي حبيبيتي اولا واخيرا الرزق بيد الله
واذا علي الدكتور باتريك صج شااطر واغلب اللي سوي عنده انابيب انجحت بفضل الله طبعاا
بس من ناحية ماادي فهوو مادي يموت عالفلس لانه المستشفي اهو شريك فيها فعلي كيفه