مستشفى الولادة

[احلى ديما]

صباح الخير بنات
حبيت اسال اللي عندها فكرة عن مواعيد السونار او المراجعه بمستشفى الولادة انا عندي تحويل من.المستوصف حقهم لان حملي الاول حيل كنت تعبانه ومنومه عندهم من السادس بس هالحمل الحمدلله كل شي بخير واراجع بالشفا وبطيبه مره هني ومره هني وبما اني قربت عالثامن قلت دام عندي تحويل خل اروح عشان لا سمح الله اذا في شي يكون عندهم فكره عن حالتي فبغيت اسال اذا رحت باجر اخذ موعد متى يخلون الموعد ؟؟ يعني قريبه مواعيدهم والا بعيده ؟؟
ومنو احسن دكتورة اخلي ملفي عندها ؟؟
اللي تعرف ياريت تفيدني حدي ثقيله وماودي اروح ويعطوني موعد بعيد

 

[بننناتي]

احيانا مواعيد السونار علا طلب الدكتور واحيانا ماتحصلين موعدالا بعد شهر وانت بما انج حامل بالثامن احتمال يقربون موعدج

 

[احلى ديما]

معقووولة شهر !!!!!! وايد والله جني بهون لووول

 

[أم معاذ الكندري]

مواعيدهم مو اقل من شهر ويعطيج موعد السونار مع موعدج وعموما الكويتين العصر
بس اتوقع يجرب لج الموعد لان انتي بالثامن

 

[راقيه وجذابه]

اسم المستشفى ( مستشفى الولاده ) ؟؟

وين صايره اول مره اسمع فيها

 

[احلى ديما]

والله شهر وايد ماتسوى علينا
راقيه مستشفى الولادة تابع حق الصباح بمنطقة المستشفيات

 

[kuwaitiya_84]

روحي راجعي عندهم انا علي بجري نوموني بسبب الطلق المبكر والسونار علي حالتج ماله شغل زحمه او لا وانتي بالثامن ما اتوقع تحتاجين سونار لانه حتي بالخاص بالثامن والتاسع مايسوون وجربت ولادتهم وخياطهم واااايد زين بس عيبهم مافي اهتمام بعد الولاده

 

[أبله هنوف]

حبيبتي روحي يوم الثلاثاء يونت 2 الوحده الثانية
عند الدكتوره منى الجناعي
أهي استشاريه
اتهبل وشاطره
لازم عندج تحويل لا تتعنين بدون تحويل
ماكو شي أسمة أترو حين وتحطين موعد
ضروري التحويل وتاخذين معاج صورة البطاقة المدنية لج وحق ريلج وعقد الزواج او راح اردونج

 

[mimiuo-ing]

صراحه انا اللحين اراجع بالولاده مع د.لطيفه الكندري وااايد زينه بس مواعيدهم شوي بعيده بس عموما للحين زينين الله يستر بالولاده انشاءالله ما يخورونها معاي لاني حامل بثلاث تبارك الرحمن ...الله يستر ويسر

 

[*ريمي*]

روحي جربي حظج بس اتوقع لازم عندج دكتور او دكتورة تراجع وياج
ومواعيد السونار في صبح وعصر للكويتين واذ الدكتور كتب عاجل تحصلين بسرعه موعد