مستشفى العدااان

[hmama]

السلام عليكم..شلونكم بنات؟؟

بغيت رايكم بمستشفى العدان (قسم الولاده)

من ناحيه الدكاتره و اسسترات

شلون عنايتهم حزة الولاده؟؟ متعاونين و الا منفسين

وشلون طريقه السراير بالولاده..يعني بينهم ستاير والا سرير بظهره سرير ثاني

لانه اختي ولدت اول مره بالصباح وحمد الله .. الله سهل عليها

والحين غيرت مكان سكنها وصارت على مستشفى العدان

وقاعده تحاتي الولاده ​

 

[ألوي الكويت]

والله ما عندي فكره

الله يسهل عليها وتولد بالسلامه

 

[SweeTa_4ever]

والله ياقلبي ودي افيدج بس ماعندي فكره ختروح اختج واشوف غرفه الولاده وكل شي عشان ترتاح

 

[أم عزيـز]

اذا الصباح ما يمدحونها هالدور العدان ؟؟

انا حريم عمامي كلهم يولدون هناك عساس قريب يم بيتهم بس صراحه لا عنايه ولا اهتمام ولا دكاتره سنعه
تقولين تطرين منهم

اذا عندج واسطه هناك توكلي على الله ما عندج واسطه الله يعينج

 

[hmama]

والله ما عندي فكره

الله يسهل عليها وتولد بالسلامه

امين

مشكوره على مرورج

 

[مها احمد]

صراحه موووووووووووووووو حلووووووووووووووه ابدا لا رعايه ولا اهتمام --شفت الموت بعيوني وانا فيها -----------الخاص احسن مليون مرة

 

[++The DuchesS++]

اي والله صاجين البنات
اختي لاعت جبدها من الاهمال والوصاخه
والله لا يوريكم المكان اللي قطوها فيه كااااااارثه
من الزحمه مسكرين نهايه الممر وحاطين سرير ولا تكييف ولا شي
وحزتها كان ب شهر 8 تخيلو العذاب

 

[المجره]

بالنسبه لى ولايدى فيه كلها بس من زمان احس انه عكس كلام الناس زين وفيه ناس قرايبى يمدحونه ويذمون الخاص كله وبالنسبه للبكريه مافيه احسن منه مايستعجلون عليها اما الاجنحه عاديه جدا

والله يهون عليها

 

[أبيار الكويت]

عندج واسطه روحي

 

[@ دهن العود @]

خواتى كل ولاداتهم فى العدان وحيييييييييييييييييل مرتاحين ويمدحونها

والتساهيل من الله

 

[بنات حواء2]

حبيبتي الصراحه ما عندج سالفه تفكرين بالعدان او غيره امن مستشفيات الحكومه من صج وصخ و غذاره رفيجتي تقول و هي قاعده تطلق و تولد يطقونها يقولولها بسرعه بسرعه يله نبي نروح و يطفون عليها اليتات و الله العظيم انه البنيه تحلف انهم سوو فيها جذي اولد بشارع و لا اولد بمستشفى حكومي بذات العدان يسمونها مستشفى الاعدام

 

[بتبوتااا]

مافيها شي انا كانت ولاده هناك وغرف الولاده محد يمج !
والسستر دوم يمج

بس اللهم المكان عادي جداا والله يسهل ولادت اختج انشالله

 

[۩۩ الجـــــود ۩۩]

انا والده مرتين عندهم والله مرتاحه

وممرضات يهبلون عنايتهم ومقابلتهم ومخلينى على راحتى

فى ناس تشتكى منه انا ما شفت عليهم شى بوقت الطلق الكمام ماشالوه منى

فى حريم يقولون يا خذونه

وهى كلها ليله وحده عندهم وعقب تطلع اختج

 

[hmama]

صراحه موووووووووووووووو حلووووووووووووووه ابدا لا رعايه ولا اهتمام --شفت الموت بعيوني وانا فيها -----------الخاص احسن مليون مرة

وي بعد عمريي

مو بشااااااااااااااره

 

[hmama]

حبيبتي الصراحه ما عندج سالفه تفكرين بالعدان او غيره امن مستشفيات الحكومه من صج وصخ و غذاره رفيجتي تقول و هي قاعده تطلق و تولد يطقونها يقولولها بسرعه بسرعه يله نبي نروح و يطفون عليها اليتات و الله العظيم انه البنيه تحلف انهم سوو فيها جذي اولد بشارع و لا اولد بمستشفى حكومي بذات العدان يسمونها مستشفى الاعدام

اشدعواااااااااااا

حسبي الله ونعم الوكيل

انا رفيجتي ولدت بالهادي والدكتوره تصرخ عليها

يالله انا خلص دوامي برووح

تخيلي واهي تطلق

تقول اشتكيت عليها بالاداره

 

[$ الـسـلـطـانـــــه $]

شوفوا حبيبتي

بالنسـبه للدكاتره اللي بالعدان يهبلوووووووون يهبلووووووووووووووووووون كلهم وهذا على كلام امي

وعندج الدكتور اشرف البدري انصحج فيه حليووو ونصوووح


وبالنسبه للولاده بالعدان

ما يستعجلون عليج مثل الخاص .. وبالعكس انا اسمعهم يقولون احلى مافي العدان الولااااااده بس


وحده اعرفها والده في العدان تقول حمامات الولاده نظيفه والسسترات حليوااااات واصلا على طول كمام واذا تبين ابره ...؟؟؟



انا مادري ليش في بنات حيييل يذمونه .. ( الخاص أحلى ) الوحده مايهمها خاص ولا عام المهم ولادتج سهله وميسره وخلاااص وبعدين كلها يوم وبتطلعييين ..؟؟


وعلى كل حال السهاله من اللــه

 

[$ الـسـلـطـانـــــه $]

شوفوا حبيبتي

بالنسـبه للدكاتره اللي بالعدان يهبلوووووووون يهبلووووووووووووووووووون كلهم وهذا على كلام امي

وعندج الدكتور اشرف البدري انصحج فيه حليووو ونصوووح


وبالنسبه للولاده بالعدان

ما يستعجلون عليج مثل الخاص .. وبالعكس انا اسمعهم يقولون احلى مافي العدان الولااااااده بس


وحده اعرفها والده في العدان تقول حمامات الولاده نظيفه والسسترات حليوااااات واصلا على طول كمام واذا تبين ابره ...؟؟؟



انا مادري ليش في بنات حيييل يذمونه .. ( الخاص أحلى ) الوحده مايهمها خاص ولا عام المهم ولادتج سهله وميسره وخلاااص وبعدين كلها يوم وبتطلعييين ..؟؟


وعلى كل حال السهاله من اللــه

 

[أغلى حبيبه]

والله انا جربتهم السسترات نفسيه خايسه

والعنايه زفت حتى البورتر نفسيه

لا وانتي بغرفت الفحص بتروحين الولاده على السرير نايمه ومفصخه الممر كله رياييل

شي يفشل

والاصنصير الله لايوريج

توج طالعه من الولاده بتروحين الجناح معاج رياييل غرب بنفس الاصنصير

شي شي يلوع الجبد

والزياره من الصبح لي الليل مافي راحه ابد

وانا ولدت بالممر على لانه غرف الولاده متروسه

وبعدددد

اي غير الحريم اللي يصرخون ويسبون رياييل عشان حملوو خخخخخخخ

هالسالفه مت عليهم من الضحك وانا اطلق

والله هم يبجي وهم يضحك





والله يسهل على اختج

 

[جكورة]

خواتي ثنتين وحريم خواني ثنتين وبنت خالتي والدين فيها ويمدحونها حيل.

 

[@ نجمة العطااا @]

السهاله من اللــه