مستشفى الحكومه والحمل

[glby7sas]

السلام عليكم ورحمة الله وبركاته
بنات ابي اتعالج بالحكومه شنو الاوراق المطلوبه ووين اوديهم بالضبط وشنو اقولهم وهل صج دوري يطول سنين على ما ايي يعني لو سمحتو قولولي الاجراءات بالتفصيل مع العلم العيب من زوجي وصارلي سنه زواج ووله مره سويت اطفال انابيب ابي اسوي الفحوصات من اول ويديد عند الحكومه وهل ياخذون رسوم وهل تنصحوني بالحكومه

 

[خطف قلبي]

أنا نفسج بعد
وحابه استفيد
الله يرزقنا بالقريب العاجل ان شاء الله

 

[مرفأ الذكريات]

بالحكومة مايفتحون ملف الا يكون عندج التأخير سنتين واكثر اقل من سنتين ما يفتحون ملف

واول شي تروحين مستوصف المنطقة الي ساكنه فيها يحولج ع المستشفى وبعدين هناك يعطونج موعد لفتح الملف

يعني تقعدين اشهر على ما يعرفون شنو فيج

تختصريها من اولها وروحي عيادة الدكتورة مهجة البدر اسعارها مناسبة

بس التحاليل تسوينها عند مختبرات بره غالية وانت شوفي وضعك المادي يسمح او لا

انا لما شفت المستشفيات مطولين رحت عند مهجة وفكيت عمري

 

[سيكولوجية]

أنا الحكومه العبو فيني
و فوق هذا يجذبون بتحاليلج
يقولج زينه وانتي فيج شيء !
يقولي هرموناتج زينه وتبويضج زين
ويوم رحت الخاص لقيت هرموناتي ملخبطه وتبويضي موذاك الزود

ف حسيت الحكومه من الضغط عليهم بس يبون يخلصونج بدون اي اهتمام
والدور تعالي نطري
إذا مراجعات يعطيني بعد جم شهر

سونار داخلي بعد شهر ؟ ليش ؟

رحت خاص وارتحت صج مرات يكلفج بس دوري راحتج
وفي دكاتره حيل اسعارهم رخيصه مو مادين

أنا اعالج عند د.سميره العوضي واسعارها حيل حلوه
انصخج فيها

 

[عهد الغرام]

الله يوفقج

 

[glby7sas]

مشكورين بناات والله يعطيكم العافيه انا وزجي رحنا للخاص بس دكتور الخاص عطا زوجي اخر فرصه هالشهر واذا مافيه اي تقدم يبي يسويلنا الانابيب ومثل ما انتو عارفين تكلف ويمكن ماتضبط من اول مره بعد الله يعينه ياارب
انا رحت عند تجمع بنات اللي يعالجون بالصباح وشفتهم يمدحون استانست بس الحين غيرت رايي بعد ماشفتكم تذمون فيهم والله مشكله الواحد مو عارف شيسوي
انزين بنات جم ارخص شي ممكن يكلف الانابيب ؟؟؟

 

[بحرانيه حلوة]

لاحبيبتي روحي قسم اطفال الانابيب بمستشفي الولاده ومعاج تقرير عن حالتج من مستشفي خاص وصور بطاقاتكم المدنيه انتي وريلج وصوره عقد زواج حتي لو متزوجه خمس شهور ومبين بالتقرير ان اكو مشكله يواء فيج او زوجج يفتحولج ملف نصيحه روحي ولاتسمعين كلام وايد تري صج فحوصاتهم طواله بس اطباء ممتازين واي سوال حاضرين حياتي

 

[سيكولوجية]

أنا مع بحرانيه
اخذي تحاليلج وادويتج كله من خاص
بس إذا ماتقدرين تسوين بالخاص اطفال انابيب
روحي حكومه ماعليه لانها صج مكلفه
ولاتخافين
يارب تطيحين على دكتور ممتاز
والله يرزقج يارب

 

[@ام يوسف@]

الله يرزقج الذريه الصالحه عاجلا غير آجلا

 

[Q8_QT]

حبيبتي اطفال الانابيب بالصباح ممتازين صج يطولون شوي بالإجراءات بس مايستعيلون فيج ويمكن لان عليهم ضغط بعد بس بالعناية معروفين حتي المستشفيات الخاصة اذا فيج شي علي طول يحولونج الولادة انا اقول صلي استخارة وتوكلي علي الله والله يرزقج ويرزق الجميع ان شاءالله

 

[emo2]

حبيبيتي والله مدري انا من السعوديه مدري انتي من وين ومستشفيات الحكوميه اول ماتجيك الدوره ثاني يوم موعدك بالعكس وعندنا متخصصين بعلاج العقم بمستشفى اليمامه خاص للحمل والولاده والاطفال وحتى يسون كل شي فحوصات واشعه صبغه وتلقيح


والله يرزقك يااااااااااااارب ويرزقني بالذريه الصالحه

 

[glby7sas]

حبايبي مشكورين
بشوف الدكتور شيقول هالشهر وان شاءالله بتوكل على الله واخذ التقارير واوديهم الصباح والله كريم ان شاءالله ومشكورين حيل حيل بناات الله يرزقكم ياارب وجميع المسلمين ومن قال اميين

 

[*عهد*]

هلا حبيبتي انا حااليا اراجع عند الصباح مال طفل الانبوب
اول شي رحت للمستوصف معي اوراقي من الخااص تقارير (اشعه الصبغه _ تقرير عملية مناظر _ فحوصاات حقي وحق زوجي وتحاااليل ) رحت مووعد ايام الحومل طبعاا طردوني وجيت اياام مواعيد امراض النساء .. شافتهم الدكتوره وقلت الله يرحم ولديك شايفه اوراقي ابي تحويل للصباح قالت مايصير احولج للمستشفى تبع المنطقه ويشوفو حالتك اذا تستعدي يحولونج للصباح قلت اوك اخذت موعد ورحت للمستشفى الموعد بعد اسبووع شافني الدكتور وطبعاا معي جميع اوراقي قلت مسويه كلشي برا مريحتكم قال مايصير احولج ضروري نسوي شي في المستشفى اقل شي تحليل هرمون الحليب وبعدها اعطيج تقرير وتحويل للصباح قلت مو مشكله سوينا التحليل بعد شهر طبعااا تطلع النتيجه وتعالي دوري عاد الدكتور الي قال بعطيج التقرير يتغيروون
ربي حبيبي طيحني عن دكتوره هندي شاف تقاارير كان يوم الاحد قالت تعالي الخميس اخذي التقرير
والحمدلله اخذته وديته للصبح قسم الطفل الانبوب حق سكرتيره ضروري يكون معج بطاقة الزوج وبطاقتج وعقد الزواج طبعاا صور .
لموعد بعد اسبوع طلع وعاد سهالات ....

احس قرقرت عليكم هههههههه .

 

[د.أطفال]

مشكورة عهد الله بزيج كل خير ويرزقج توم بصحة وسلامة يارب

 

[عسل حدي]

اب اب اب

 

[glby7sas]

مشكورين بنات عالرد انا خلاص قررولي يا حقن مجهري او انابيب معني مادري شالفرق بينهم الحمدالله على كل حال
شكلي بسويها اول مره بخاص وبودي اوراقي حكومه الدكتوره حبطتني تقولي حطي دورج الحين وكملي علاج معاي لانهم يطولون سنين الا اذا عندج واسطه استغفر الله حتى بهالشي واسطات

 

[glby7sas]

عهد حبيبتي وايد طولوها معاج زين مامليتو الله كريم ويرزقج ويرزق كل بنات المسلمين يارب واللي بهالقسم عاجلا غير اجلا يارب العالمين

 

[*عهد*]

عهد حبيبتي وايد طولوها معاج زين مامليتو الله كريم ويرزقج ويرزق كل بنات المسلمين يارب واللي بهالقسم عاجلا غير اجلا يارب العالمين

الا والله مليت من الركض ورا الدكاتره بس الحمدلله اذا وصلتي مركز طفل الانبوب تمشي الامور بسرعه ..انا قاابلتني دكتوره مصريه وريتها تحليل مسويه في الخاص ماارضت خلتني انطر شهر كامل علشان احلل ثاني يوم الدوره بعدها في اسبوع جيت اكمل اورقي واشوف تحليلي من حظي كان ا تغير دكتوره الي قابلتني جى مكاانه دكتور كويتي اسمه عبد العزيز عسسسسسسسسسسسسسسسسسسسل الله يفتحها عليه دنيا واخره
قعد يخانقني انتي متاخره والاواق كلها جااهزه غريبه ليش ماادخلوج على دكاتره الي فوق قلت والله انتم اخرتوني شهر كاامل علشان تحليل . قاال بس على طول ثاني يوم لدوره تسوين سونار داخلي وصى علي ,,
على فكره الدكاتره تتغير كل يوم بس الطااقم يهبل كلهم بشوشين .. موعدي يوم الاحد سوناار
ادعوللي ياابنات ...

 

[glby7sas]

عهد الله يوفقج حبيبتي ويرزقج بالذريه الصالحه عاجلا غير اجلا ياارب وله يضيع تعبج

 

[ناتشوو]

لا
تحاتين وتوكلي ع الله
وبالتوفيق
والله الرزاق واحنا نبذل الاسباب