مستشفى الامومه؟؟...

[raneen]

"""السلام عليكم ورحمة الله بركاته """

صباح الخيير/مسااااء الخير:hearting:
حبيباتي وخواتي الكروشااات الحلوات شلونكم ان شاءالله ابخييييررر..

بنات حبيت اسالكم منو اولدت ابمستشفى الامومه؟؟ ابيها اتقولي شلون رعايتهم ؟؟؟
وبالنسبه للدكتوره عبير المصريه في احد امجربها وشلون خياطها؟؟؟
لان اليوم امنزلين اعلان بالجريده انهم امسوين خصومات 50% على الغرف حتى العاديه ...
عاد انا دقيت عليهم وسالتهم ابجم الولاده عندكم مع الغرفه العاديه ... جان يقولي قبل الخصم كانت 500 دينار,,وعد الخصم
250 دينار و25 دينار للمرافق مع اقامه يومينوفتح الملف 4 دنانير...
بس فتح الملف ماله شغل ابسعر الولاده يعني اذا اروح الحين وابي اسوي سوووونار وفحص ادفع بس 4 دنانير ..
((يعني السونار والفحص )) مجاااني ... والعرض هذا ساري لآخر شهر عشره ...
وقالي بعد اذا ابي احجز على هذا العرض وانا كانت ولادتي بشهر 11 او شهر 12 عااادي اقدر اروح احجز..:eh_s(21):

فشرايكم بنات بالعرض .. والي عندها اي معلومه عن هذي المستشفى ياريت ماتبخل علينا لان الكل يبي يستفيد .. والي ماعندها علم ياريت ترفع الموضوع بدعوه حلوه ولها مثلها باذن الله...
ادري طولت عليكم بس انتو تدرون مالي غير الله ثم انتو... وتقبلو مروري لكم حبايبي...:33_1185028183:

 

[raneen]

رد : مستشفى الامومه؟؟...

بنات اشدعوه ولا وحده تعرف عن المستشفى شي ...؟؟؟
اب

 

[رمز الموده]

ماعندي فكره عنه

اب
اب

 

[اريج الجوري]

رد : مستشفى الامومه؟؟...

والله ماعندي فكره ,,,

ان شاء الله البنات يفيدونج ,,,

وربي يسهل عليج ...

 

[عاشقه المستحيل]

مرحبا حبيبتي
نصيحه من لاتوهقين عمرج
انا عطوني مره كوبون خصم50%للمراجعه الجايه وسالنا الموظف قال هذا عرض جديد
ولما جيت المراجعه الثانيه قالت لي موظفه الاستقبال العرض منتهي من زمان ويوم دققت بالكوبون الا مو حاطين عليه تاريخ معين

 

[العفاسيه]

مره رحت له عشان بنتي حلو دكتور الاطفال عندهم

و كنت بدش على دكتوره هنديه بس خفت لان المستشفى فااضي مافيه مراجعين

 

[راقية باخلاقي]

حيـــــــــاكـم اللــــــــــه

 

[bluegg]

ترا المستشفى يديد عشان جذي فاضي ووايد ناس يولدون فيه بس انتي روحي وشوفي نفسية الدكتورة السستترات وتقييمين بنفسج

 

[lolo.cuty]

وحده اعرفها ولدت فيه وتمدحه
عاد انا بجربه ان شاء الله
ادعولي

 

[lolo.cuty]

وحده اعرفها ولدت فيه وتمدحه
عاد انا بجربه ان شاء الله
ادعولي

 

[raneen]

حبيباتي ...
قلت خلي اكتب لكم قصة ولادتي كامله احسن عشان اتكون واضحه للكل من جميع النواحي...

بليلة عرفات الي طاف بالليل كنت قاعده على النت اهني مع البنات ابتجمع ولادة شهر 11 وفراوله حبيبتي تذكر وكل بنات التجمع...
والحمدلله ماكان حزتها عندي خدامه فبيومها نظفت الشقه ابذمه وضمير ...واخر ظهري كان وايد يعورني لدرجة اني ابيي انام موقادره احس نفسي مومرتاحه...
وصارت الساعه 8 الصبح وتكرمون وانا رايحه الحمام وله ينزل علي الماي ... وفي عوار بس متوسط لاهو قوي ولاهو خفيف
قوي ...طبعا حسيت ابخوف موطبيعي ومعدتي قامت اتعورني جني داشه امتحان وقمت ارجف وجسمي صار قطعة ثلج...
رحت قعدت ريلي وطلعت الجناط ملوتي وملوت البيبي لاني امزهبتهم من مده... المهم نطرت لين صارت الساعه 11و
لبست عباتي ورحت المستشفى واول مادخلت ودوني الطواري ويوني السسترات والله كانت عنايتهم روعه ونظافتهم اروع...
والدكتوره عبير ماكانت موجوده شفتها يبلش الساعه 6 المغرب وانا دشيت الطواري تقريبا الساعه 12...
والي باشرتني الدكتورهالهنديه سراجا ...وافحصتني وكنت مفتوحه 2ونص سم...
سوولي سونار وتخطيط للطلق وحق نبض البيبي وبعدين صعدوني فوق ويابولي لبس كان وايد حلو في ورود مو ساده والغرفه كانت
مريحه وحلوه بس الي صج تعذيب بالموضوع الساعه الكبيره الي حاطينها اجبالي بالغرفه ههههههه والله كانت تعذيب ...
ويو السسترات وكانت معاهم وحده مصريه حيل حيل طيبه وحبوبه ...
وحطولي تخطيط الطلق على بطني واهني بلش يزيد الطلق وماقمت استحمله جان اقولهم ابي الكمام .. اول ماعطوني ياه وشميته
ههههههه جان اتحوشني دوخه جان اقول حق ريلي يمه دخت وله يقولي مخالف حبيبتي شمي شمي جان لقوله صوتي ليش صار
صوت ريايل ههههه وامي واقفه يمي اتقولي حبيبتي صوتج حلو مو مثل الريايل اقولها امبلا سمعي ههههههه وريلي يضحك
علي ... طبعا مادريت عن السالفه الا بعد الولاده ...
وقام يزيد الطلق وصار منتظم مالعوار نفس عوار الدوره بس دبل ...
وطبعا في سستر تمت معاي بالغرفه ملطلعت وكل ساعه تيي سراجا وتفحص وقمت ماحس بالوقت بسبةالعوار والكمام والساعه امجابله ويهي وسببتلي أرق لان عيني كله عليها واحس الوقت مايمشي والعوار يزيد وانا اشفط بالكمام وكل ماتييني الطلقه امي فديتها تمسك ايدي وانا ادعي واقول يالله وياربي سهل علي وشافي ولد اخوي.(ولد اخوي فيه لوكيميا بعيد الشر عنكم وعن عيالكم)
وامي تقره عند راسي قران وادعيه وتبجي فديتها الله ايطول ابعمرها يارب... واشوف ريلي قاعد يخزني ويخز الجهاز مال تخطيط الطلق ويها مقهور على تعبان على يحاتي...
بس حزتها كان ودي المه هههههه ما ادري ليش,,,,وقمت اغيب عن الدنيا واقعد حزة الطلقه ويوم يتني الطلقه ابي امسك ايد امي
وله امي ماكو ما اردري وين راحت وله ريلي يقوم ابسرعه ويمسك ايدي جان اطالعه واقوله حبيبي والله يعور وابجي وليش بجيت مادري وادموعي اربع اربع جان يقولي ميخالف حبيبتي هانت مابقى شي... وله تيي امي واتقول حق ريلي انا بروح فوق غرفتها احضر ملابسها لان السستراتقول قربت خلاص جان اقولها يعني خلاص بولد جان اتقولي ان شاء الله حبيبتي وانا ابجي قفالها اوكي طبعا كانت خالتي ام ريلي معاها وعمي قاعد مع ابوي ابغرفتي فوق ياكلون فطاير ويشربون جاي هههههه...
وصارت الساعه 5 وقمت احس ابشي يبي يطلع وماني قادره اوقفه وماسكه ايد ريلي حيل وله اسمع صوت ريلي يقولي حبيبتي رنين شوفي منو وصل شوفي الدكتوره عبير يت ... انا كنت نايمه على جنبي اليسار بس التفت وقلت هلادكتوره وله اقولها خلاص
بيطلع وله تفص وجان اتقول كلمه ماذكر شنو كانت بس شفت ان ريلي اختبص يبي يطلع وقام يدعم بالسسترات خاف لا اولد واهو
موجود لاني قايلتله مابيك حزة الولاده...
ويوني السسترات يركضون ورافعوا ريولي وقالتلي يلا يارنين دزي دزيت تطلع شوي جان اخذ نفس يعني ريحت واهو مايصير
لازم تدفعين وانا شفطته داخل مره ثانيه واهي اتصارخ علي لا لالالا دزي جان اتقولي يالله ياحبيبتي يا الله دزي وانا ادز ادز ادز
و ولدت الحمدالله وشفته جان اقولها فديت قلبه واهي تضحك واتقولي شاطره يارنين الحمدلله على السلامه الحمدلله على السلامه..

ونظفتني عدل من الشيميه والدم واهني قلتها دكتوره ابي الخياط التجميلي الي من بره بس جان اتقولي حاضر ياحبيبتي...
واهي قاعده اتخيطني قتلها دكتوره مشكوره جان اتقولي العفو حبيبتي... جان اقولها ابي انام...ههههه جان اتقولي نامي حبيبتي
نامي وبعد اشوي تروحين غرفتج فوق...
وبعد ساعتين صعدوني داري وقبل لا اصعد ياني ريلي وقالي حمدلله على السلامه ويت امي وخالتي...واصعدوا معاي للغرفه ...

وهذي كانت تجربتي وقصة ولادتي ... اكلهم ماشاءالله نظيف وامرتب غرفهم رووووووووعه واهتمامهم فيني كان اكثر من روعه
والمستشفى هادىء مو مزعج واهتمامهم بالبيبي عجيب...

والحمدلله ... الله يتمم عليكم ويسهل عليكم ولادتكم مثل ماسهلها علي يااااااااااااااااااااارب
واي سؤال انا حاضره

 

[ANGELICA]

لوووووووووووووووووووووول الحمدلله على السلامه ولو اني اخر وحده بس اسلوبج خفيف طينه مع اني اقرى وابجي تخيلت الوضع

صوتج حلو مو مثل الريايل اقولها امبلا سمعي ههههههه <<لوووووووووووول هلوسة المخدر بدت

بس حزتها كان ودي المه هههههه ما ادري ليش ((الناس وين وانتي وين لوووووول


وعمي قاعد مع ابوي ابغرفتي فوق ياكلون فطاير ويشربون جاي << عايشين جوهم لوووووول شحقه متعنين اصلا لووول بس والله انج صاجه تخيلت ابوي وعمي هذي سوالفهم الرجاجيل لووووووووووووووووووووول




بس جد موضوعج جا بوقته جنج قريتي افكاري نفس الاسئله وبسأل عن عبير بس شحقه يقولون اختاري الدكتوره اللي تبين دام الموضوع فيه حسب شفتها؟؟؟
ومتى راجعتي عندها ؟؟الشهر الاخير؟ وشنو سالفة الخياط لازم؟؟

وسلامتج وتعيشين

 

[بيتي بوب بس كويتيه]

أنا اراجع عندهم ويولد عندهم اذا الله سهل
والله مرت اخوي أولدت عندهم وايد تمدحهم
فانا بجرب والله يسهل

 

[raneen]

بيتي بوب حبيبتي الله ايسلمج من كل شر ......هههههههههه ومشكوره

وبالنسبه حق اسالتج... يقولون لج اختاري اذا كنتي اتراجعين عند وحده معينه او تبين دكتوره معينه اهي الي اتولدج وانا يوم رحت المستشفى وانا بالطريج دقيت على الدكتوره عبير وقتلها وقالتلي خلص روحي وانا رح اخذ اخبارج وفعلا يت قبل ولادتي و ولدتني
وراجعت عنها مرتين قبل ولادتي باسبوع مره سونار والثا2ي سويت فحص دم...
مافهمت سؤالج بالنسبه للخياط ممكن اتوضحين اكثر...

 

[raneen]

.
.
.
اسفه الكلام حق انجليكا

 

[raneen]

وبيتي بوب الله ايسهل عليج حبيبتي وتقومين بالسلامه...

 

[ANGELICA]

هلا رنين

اقصد الخياط التجميلي لازم؟؟
لاني حجزت بعرض هلا فبراير380 وكاتبين مع دفع الباقي عقب@@ مادري شقصدهم بهالشي
اللي بعرفه خياطج ضمن الحجز ولا هذي اشياء غير انتي مخيره فيها؟

 

[raneen]

لا لا ضمن الحجز بس قصدهم اذا خذيتي ابرة الضهر او تحاميل طلق صناعي هذيله قالولي اذا احتاجيتيهم رح تدفعينهم بعد الولاده
والحمدلله مااحتجتهم..

 

[ام التاريخ]

الحمدلله السلامه

 

[أأأميرة الورد]

الله يعطيج العافية يا رنين
صج الموضوع جاء بوقته
الله يسهل علينا ونولد بالسلامة