مستحضرات اوباجى

[ام فهادى]

بنات منو منكم جرب مستحضرات اوباجى وشنو صار معاكم ... يعنى شنو تأثيرها على البشره ؟؟

 

[Melodyk81]

مرحبا إختي

بصراحة أنا ماأعرف أي شي عن هاذي الماركة سمعتها بالصدفة توه أول أمس ببرنامج ...

هذا البرنامج كان في دكتور بعد ماسوى ليزر حق المريضة اللي عنده نصحها وقالها تاخذ الأدوية من الموظفة اللي برة في الإستقبال علشان تسوي تقشير للبشرة وتجددها وقال أصلا هذا شي روتيني المفروض لنضارة البشرة ...

ولم راحت عندها تاخذ الأدوية لقيت المكان كله مكتوب أوباجي أوباجي أوباجي

قلت ماركة طبية والطبيب ناصح في بعد واهو لبناني يعني يعرفون بالشغلات الزينة ...

فقلت أقولج لأن أنا من وقتها قلت بشتريه ... وإن شاء الله أفدتج حبيبتي ...


بالتوفيق

 

[* مـذهـلـه *]

انا ما جربتها بس الصيدلي مدحها لي و قالي انها زينه لاني كنت بجربها بس قالي انها تعطي مفعول مثل الخلطه اللي استخدمتها الريتن اي + الدوكين فور + كريم افالون + كريم حساسيه ..​

 

[*ستايل*]

سمعتها حلوووه ........بس ما جربتها​

 

[cawcaw]

مركز اوباجي للعنايه بالجسم والبشره..
موجود بمجمع الرايه ومجمع زهره..

انا ماجربته بس يمدحونه وايد وايد ويمدحون منتجاته..

 

[عروبه]

انا اعالج بشرتى عند اوباجى بالشعب
بصراحة اسعارهم وايد غالية
بس اثناء العلاج البشرة تتقشر وتطلع روعة وعلاجهم يطول كورس 3 اشهر يعنى علتى مراحل
وكل مرحلة مدتها 6 اسابيع
وهذا وقته لان الشمس خفيفة بس بداية العلاج كنت بموت من حرارة التقشير
والحين صارلى شهر واسبوع احس البشرة وايد تحسنت
واذا تبين تقشير بس انا اكتب لج وصفتى كاملة

 

[Brounzi_girlly]

بنات محد فيكم سأل عن علاج الهالات السوداء عند اوباجي
مع تحياااااااااااااتي...........​

 

[Harmony]

اللى اعرفه انهم طبيين و زينين بس لازم الدكتور مالهم او غيره يفحصج و يقولج شنو تحتاجيين احسن مو تروحين تشتريين و بس

 

[مريم2007]

لاااااااااااااااااا بناااااااااااااااات
ولا وحده تستخدم اوباجي لعب في بشرتي لعب

 

[مريم2007]

والله يابنات نصيحه من اخت لا تستخدموووون اوباجي

 

[مريم2007]

انا استخدمته شهر 12 العام بشهر 6 قبل عرسي
اول ماتستخدمينه يتقشر حييييييل وبعد فترة تصير بشرتج تجنن
والكل يمدح فيها صارت خيالية لكن بعد العرس بشهر تخرع

 

[moonlight_n83]

صراحه آنه جربت منتج أوباجي اللي يفتح اسمه clear
المهم هو ينباع عندنا بقطر ب 300 ريال يعني تقريبا ب25 دينار كويتي
وصفتلي دكتورة الجلد عشان تعرفون الوجه والرقبه تصير فيه بعض المناطق الغامقه مع الحمل فاستعملته بعد الولاده.. في البدايه كان مرتين باليوم أحطه بعدين قمت أستعمله مره وحده بس..
عاد شنو النتيجه طلعت رووووووووعه:eh_s(15):
والله كل من يشوفني يقولي شفيه ويهج منور فتحتي
وصارت الدكتوره تقولي اذاحملتي مره ثانيه استعمليه من البدايه بس لا تكثرين شهر استعمليه وشهر وقفيه عشان تتجنبين سواد البشره مع تغيرات الحمل
وترى هالمنتج عادي تاخذينه بدون وصفة طبيب
وماركة أوباجي هاذي لها أكثر من منتج للبشرة بس آنه ماستعملت إلا هاي
بس عموماً يمدحون هالماركه
تحياتي:eh_s(8):​

 

[moonlight_n83]

انا استخدمته شهر 12 العام بشهر 6 قبل عرسي
اول ماتستخدمينه يتقشر حييييييل وبعد فترة تصير بشرتج تجنن
والكل يمدح فيها صارت خيالية لكن بعد العرس بشهر تخرع

بالنسبه لكريم أوباجي للتفتيح مو التقشير
صح تحسين ساعات انه بشرتج قامت تقشر بس مو وايد
يعني لما تحكينها تحسين فيها قشور
بس بعد فتره مع كريمات الترطيب تحسين تروح القشره
وبعدين لين تفتح بشرتج مع كريم أوباجي ماترجع للون الغامق السابق
:eh_s(17):​

 

[ام فهادى]

صج مستحضراتهم تسبب احمرار للبشره ؟

 

[نورالدنيا***]

بنات الاحمرار شي طبيعي لان الكريمات وظيفتها تجدد الجلد
رفيجتي ويها كله نمش ومبقع وكانت بشرتها موحلوه والله شرت مجموعة الكريمات مالت التقشير وقامت تستخدمها بشرتها صارت حمرة حيييييييييييييييييييييييل وتقشرت بس عقب شوفو بشرتها اتهبل صارت بشرة بيبي وقامت اتقشر بالسنة مرتين عشان تجدد خلايا البشرة

بس صج بشرتها صارت رووووووووووووووووووووووووعه

 

[نورالدنيا***]

نسيت اقولكم تري التقشير يشد البشرة بشكل عجيب
تقشير الوجة لليل والنهار والعين والحماية وتونك

 

[مريم2007]

مرحبا بنات ادري تأخرت بالرد
انا استخدمت عند اوباجي كورسين للعلاج
الأول كان تقشير يومي , وتونيك , ومجدد , مبيض , كريم للعين
حماية , صابون
والكورس الثاني : تقشير بالاسبوع مرتين او ثلاث , مبيض ,تونيك
وفيتامين سي , كريم العين , مجدد , قناع بالاسبوع مره , صابون
حماية ,
لمدة 6 أشهر متواصلين .. بالأول تصير بشرتج حلوه لمدة اسبوعين
وبعدين يبدأ تأثير التقشير ( احمرار , حكة , ألم فظيع )
تحسين ودج تقطعين وجهج ويصير يابس .. والله يابنات بعد ما اغسل
التقشير وانا احط التونيك أبجي تحسين روحج تبي تطلع
واقول مايخالف كله نبي نتيجه زينه
والله بعد اربع اشهر صارت بشرتي خيالية والله بدون مبالغه
صارت كأنها مرايه حتى بالدوام يقولون انتي مسويه بلوى
(صفاء , نقاء , لمعه , بياض بنسبة 40 % )
ولله الحمد الكل يقول بشرة خيالية
لكن بعد 6 أشهر : مسامات مفتووحه والله وكبيرة تخرع
وحتى اذا حطيت كريم اساس يخرع شكلي المسامات توضح اكثر
اسمرار وجهي كأني مريضه
احس من الشفايف صارت كأنها تجاعيد
ورحت للدكتور عبد الرضا لاري قاللي اوباجي زين لكن مشكلته قوي
على البشره حيل

 

[honey2005]

انا استخدمتها وقطيت عليها 200 دينار بس عالطل ما سويتلي شي وعندي بعد رفيجتي استخدمها ولما اتركتها رد ويه مثل اول يعني شي مؤقت واسعارهم غالية

 

[وحــده..]

انا من اول ما فتح اوباجى وانا استعمله ...

-- كريماتهم غاليه بس تستاهل .. تكرهين عمرج بالعلاج بس النتيجه تشجعج ..

البشره ما ترجع مثل اول ..اذاتركتيه وما سويتى صيانه ولكن ما راح تكون مثل ما انتى تسوين صيانه ..ولكن نصيحه نصيحه لا تستخدمين العلاج كورس 6 شهور .. سوى شهر ونص وعقب سوى الصيانه لانه قوى .

 

[دلـــع_الكويــت]

انا مجربيته بصراحة ماعجبني..سود بشرتي باماكن وراجعت الدكتور يقولي معليش حطي فوق الحرق وكملي العلاج بس ماقدرت حكة وحرقة وحالتي حالة..ولما رحت حق دكتور ثاني قالي شمسوية بعمرج وليه يومج بشرتي تلوع الجبد منه...

ويع ماعجبني شفت انهم ماديين زيادة عن اللزوم...ولا شنو اروح حق عيادة اقط فيها من اول زياة 200 على ولا شي!! لا وجان زين في نتيجة جان قلت يالله مو مشكلة تستاهل بشرتي اني اقط عليها.....بس يمكن في بنات يضبط معاهم ..مادري الله اعلم

وبس