مسافره عن طريق البر... نصايحكم من خبراتكم... مساعدتكم

[ملكة الفرس]

السلام عليكم

بدش بالموضوع على طول... فجأه و من دون مقدمات فاجأني ريلي و قالي أنه بنسافر يوم الاربعا عن طريق البر و رايحين صلاله ... مع اني مو متقبله الفكره بالاول بس قلت يلا تغير جو بما أنه رايحين 5 عوايل مع بعض ...

فآنه عندي ولدي عمره سنتين و نص ... فأبي من اهل الخبره تشورون علي و تعطوني نصايحكم ...

شنو الاشيا الضروريه ألي آخذها معاي ؟ يعني من ناحية الترتيبات للسفر لأني اول مره أسافر عن طريق البر و لللعلم راح نسكن في شقه هناك

ياليت من أهل الخبره تساعدوني جزاكم الله خير لأني حايسه و مو عارفه شنو الأشيا ألي بحتاجها ياليت تعطوني لسته بالاغراض ... و المستلزمات الضروريه ألي بحتاجها...

 

[mafio98]

اول شي الله يعينج على الدري وان شاء الله توصلون بالسلامه اما بالنسبه للاغراض اهي نفسها الي تاخذينه بالسفر بالطياره مايفرق غير انج بتاخذين اكلات خفايف توست صمون بطاط عصاير عشان قزرونها بالدرب واخدي محاج ديفيدي بلاير ايبود الوان عشان يلهى اليهال شوي بالدرب واذا ولدج للحين يلبس حفاضات اخذي معاج بيبي سوايب لان احتمال ماتلقون استراحه قريبه ولاشي عشان التغير علاقل تبدلين له بالسياره هذا الي اذكره حاليا لاني ماسافرت مسافات طويله بالسياره الا البحرين اتمنى من الي اخبر مني تفيدج *

 

[سولعية الكويت]

up up up

لعيووونج ,,

آن شــآء آللهـ البنــآآت يفيدوونج ,’

وترووحين وتردين ديرتج بـآلسلآآمه ,, ​

 

[ورود خذلتها العاصفه]

اهم شي ادوية ولدج للاسهال للسخونة كل هالشغلات مرات تصير مع الجهال بالطريق

جهزي ثلاجة وفيها ثلج كبار حيل مو ثلج العادي لا الثلج اللي بالشوارع السيارات الكبار عطيهم الثلاجة وهم يكسرون ويحطونلج فيها

عاد انتي عبيها عصير وحليب ومشروب زوجج المفضل
ولاتنسين الصمون والتوست والجبن تقزيرة طريق
وحب ومكسرات

واذا سيارتكم فيها تلفزيون حطي لولدج اشرطة دي فيدي بس جدد يعني غير اللي شايفهم عشان مايمل

شطاف الوضوء وجركل ماي عشان ولدج يمكن يبي الحمام ولاشي ماتحصلون استراحه وصابون سائل معاج عشان حق حمامات الاستراحات

وانا اخذ لي جم سليب عمليات لي بالطريق لان علا طول اغير واقطه

وامممممم وشغلات واجد بس ناسيه



والاهم دعاء السفر لاتنسينه

وادعي للي يجون بالج وادعيلي بالولد الصالح لان دعوة المسافر مستجابه


وبالتوفيق ياااقلبي

 

[ملكة الفرس]

مشكورين على النصايح ....

و جزاكم الله ألف خير

 

[توكلت على الله 22]

ماقصروا البنات

ورحلة سعيدة