مسافرة دبي..اشتنصحوني أشتري؟

[yono]

:tomato2:مرحبا يا حلوين

مبين من العنوان بكرة انشالله مسافرة دبي و قاعدة يومين فقط لا غير
ما أبي أضيع وقتي بالسوق
بس أبي من أهل الخبرة يقولولي شنو في بضايع مميزة و ماعندنا منها و تسوا أشتريها و أنقلها على قلبي من دبي ؟_03BA:

و ما توصون على شي:tek:

 

[yono]

اشدعوة يا بنات 6 يمرون يشوفون موضوعي محد نصحني بشي؟؟؟؟

 

[yono]

عل أقل وصوني على عطر حلو ماعندنا بالكويت؟؟
محل غريب و مميز
أي شي يا حافظ
أنتو كويتيات قازين دبي قز و تعرفون الزين!!
يالله يا حلوين يالله تفاعل و الله العظيم باكر مسافرة الصبح:ggdw:

 

[بنت البحر]

اذا انتي من النوع الي تلبسين عبايه اشتري من الفراشه موجود بحمر عين واييييد حلوين خاصه مره شفت مذيعه لابسه

 

[yono]

مشكورة حبيبتي بنت البحر
صج اني ما البس عباية بس عالاقل جبرتي بخاطري

 

[keeka]

انا بعد رحت يوميين دبي وقعدت بسيتي سنتر وتسوقت من هناك محلاته حلوه وكل شي فيه

 

[أم عاشور]

الصراحة أنا مرتين رحت دبى أغلب الأشياء موجودة بالكويت مافى شى مميز شريتة وشيلاتهم غالية بس ماى ليدى أرخص من الكويت شريتلى دراعتين من سيتى سنتر نسيت إسم المحل وشريت كاميرا أولمبس مع طابعة أرخص من الكويت

 

[prestige]

تروحين وترديين بالسلامه

 

[yono]

:eh_s(8):مشكورين حبيباتي و صاجين و الله الكويت كلشي فيها
آنا رايحة الحين المطار ادعولي بالسهالة

 

[june_m00n]

الله يحفظج انشالله

وتروحين وتردين بالسلامه

وانشالله تستانسون هناك


والله الكويت كل شي فيها ما يسوى النقله

 

[nuna24]

روحي السوق الصيني وايد حلو في سوالف حلوة