مسافرات العيد وبعد العيد لاوربا تعالو شنو تجهيزكم ؟

[اخت خالتهم]

السلام عليكم ورحمة الله وبركاته




شلونكم بنات شخباركم




الناس سافروو استانسو وراحت هبه السفر واحنا للحين
ههههه مشتطين ومتشوقين


بغيت اسال شنو تجهيزكم ؟ صيفي والا ربيعي والا شتوي

شنو تنصحون
وشلون الجو بهالشهر خاصه الخبيرات



متى بتزهبون اغراضكمقبل السفرة بجم يوم ؟

انا باقي 26 يوم وناااسه قبل اقول شهرين اللحين اقل من شهر




انا سفرتي مددتها تقريبا صارت شهر بسافر 2 يوم العيد
وارد 17 /9
جم جنطة تنصحون وجم بدله



يلا ناطرتكم

 

[اخت خالتهم]

معقووله محد رد

 

[mi corazon]

وي نفس حالتي

انا ان شالله عقب العيد يوم ٢٦ بسافر وبرجع باذن الله ١٠-٩

ما زهبت ولا شي

اصلا عطيت ريلي كل الفلوس اللي عندي وقعدت جذي مادري شنو اسوي اصلا

تهقون لازم عندي فلوس ولا عادي كلها عنده؟

انا حاطه في بالي صيفي رشتوي لان الربيعي خليط بينهم مابي زحمه وانا حامل وبنتنقل وايد فا مابي احوس وايد

منو سافرت واهي حانل اوروبا؟ وشلون كان الوضع؟

ننتظر الافاده

 

[Engineer A]

وعليكم السلام ورحمه الله وبركاته
الحمدالله تمام انتي شلونج شخبارج ؟
انا تجهيزي صيفي + شتوي لان يقولون لندن براد شهر 8
والمشكله ماعندي شتوي وايد
وان شاء الله بجهز اغراضي قبلها بيوم يمدي


تاريخ سفرتي 24/8 وبنرد 12/9

الله يتمم علينا وعليكم

 

[ام نيوفي]

بنات انا ان شاءالله معاكم بروح لالمانيا بس للحين ما حجزنا ان شاءالله هاليومين نحجز بروح انا و ريلي و اول مره اروح لاوربا الله يتمم علي و عليكم
بس للحين ما جهزت شي بس ناويه اشتري لي عبايه للسفر و ملفع قطن للسفر ب

 

[ام نيوفي]

بنات صج علي طاري الجو برد الحين
ما ادري اخذ صيفي او شتوي
و بيكون الجو مطر في المانيا​

 

[ميس الورد والشوق]

انا توني جاااااااااااااايه من اوروبااا

صراحه من اجمل واحلى الاماكن اللي زرتها طبيعتها هواها بحيراتها سوقها << اهم شي لووول>>

اجنن

الله يتمم عليكم سفركم

ويكتبها لي قرررررريب يارب

 

[ميس الورد والشوق]

اللي يسالون عن الجووو

نصيحه اخذوا صيفي شتوي ربيعي

لان الجوو متقلب في كذا منطقه ويصدف اربع فصول 4 بيوم وااحد سبحان الله

حر شوي مطر بعدهاا هوااا ونسمة براااد بعدها يدخل البرررد بعد المغرب

اخذوا احتياطكم

 

[الكادي 1981]

انا رايحة لندن ثاني يوم العيد الفجر باذن الله وسمعت ان الجو بااارد فاطلع الشتوي والله قاعدة آخذ كذااا قطعه وطبعا الجناط قبل السفر ٤ اياام والله يتمم علي خير يااارب

 

[mi corazon]

صباح الخير

ميس الورد شوقتينييييي عاد انا حدي رومانسيه يعني ممكن الجو الحلو يهيض مشاعري وابجي لول

تعودونها بالسلامه ان شالله

 

[mi corazon]

ام نيوفي اخذي عبايه وسوي حسابج بعد جم بنطرون الجيب كلوت الوسيع اذا بتروحين اماكن فيها مشي وصعدات وايد

الله يتمم علينا وعليكم

 

[اخت خالتهم]

كورازون
هههههههه نفسي السنة الي طافت
كنت قاعدة ببلكونة الفندق و صار ضباب ومطر جان تدمع عيني
هههههههههههه احب هالاجواء
والا السوق
مع ان سوقهم حلو بس ما احب اطول
احب طبيعتهم اكثر

امس
شريت ملابس حق السفر جم قميص طويل

وانا احب البرد ما البس جاكيت واتدفا ما احب

بس يبيلي مسكرا

 

[اخت خالتهم]

انا ما البس عباتي بالسفر ما اخذ راحتي هناك

شريت قمصان وسيعه

 

[اخت خالتهم]

اب
اب

 

[بخـــارى]

هلا وغلا
انا هالمره معاي عيالي فحوستي حوسه بالتجهيز كل يوم احط شغله حطيت شويه موايد ملابس شتويه للعيال احتياط
الاكل الي مايخترب
مواد التنظيف ديتول سايل ةبخاخ وصابون ديتول وصابون ملابس
وابريج الماي
حطيت لنا بطانيات خفاف وفوط للسبوح خفاف
اذا تذكرت شي بسدحه اهني

 

[اخت خالتهم]

بنات ليش تاخذون اكل

اهم اهل الاكل خاصه البسكوت و التوست و الصمون


وترى اكل اهل الكتاب حلال
وهذا مكتوب بالقران



اناا اخذ نسكفيه معاي بس

 

[bent-alqsoor]

وعليكــم الســـلام ...

انـــأ تجهيـــزي صيفــي شتــوي لان المنـأأأطق اللي بروحلهاااا في بارده وفي حاااره
السنــه اللي طـــأفت كنت رايحه النمســا والمانيــأ وايطاليـــا كا ن الجووو باارد ومطـر ماشاءالله
بس اتوقع هالنسه البراد يخف


وبالنسبـه حـق تجهيـز الجنطه .. انا اسويها قبل السفره بيوم او يومين ماا اعرف اكــثر لوووووووووووووووول

وبـــــــــــاقي 19 يوم على السفره بأذن الله :eh_s(9):

 

[bent-alqsoor]

بنات ليش تاخذون اكل

اهم اهل الاكل خاصه البسكوت و التوست و الصمون


وترى اكل اهل الكتاب حلال
وهذا مكتوب بالقران



اناا اخذ نسكفيه معاي بس

والله اكثر شي اخذه النسكافيه لاني ادماان عليه والصمون والتوست وحليب الصغير
حق الريوق او اذا بنتعشى اكل خفيف .....

السنـه اللي طافت كانت امي الله يحفظهاا ماخذه معاهاا عيـش وقهوه عربيه ابوي مايستغنى عنها
وحليب واجباان كنا قاعدين شهر وايد وفر عليناااا :d:d

 

[أمل المنصوري]

تصدقون عاد مافكرت في الثياب صيفي وله شتوي

خذت حق عيالي ترنقات حق المطار اريح لهم لان رحلتنا في الليل
ويمكن ينامون

و خذت لي قمصان طويلة .. والبناطلين الوسيعه ..

لاني بالسفر نفس ( اخت خالتهم ) مالبس العباية

مع لويه اليهال والمشي ما اقدر اخذ راحتي

رحلتنا ان شاء الله ( ميونخ زلمسي فيينا لندن )

 

[أمل المنصوري]

والاكل ما احاتيه هناك كل شي متوفر

اليهال يحطون بجناطهم شوكلت وحلويات بس