مساعده

[عزاااه]

بنات بنتي عمره 5 شهور تجيها حراره 38 وتنزل وترد واسهال بس موواجد وتزوع بس الحين الحراره اذتنه تنزل وتصعد
وديتها قال مافيها شىء عطيه ادول وعطيتها بندول وحطيت لزق مالت الحراره الحين اشوه بس ترد

 

[كويتيه ذربه]

ماتشوف شر ان شاءالله
ديري بالج بعدها صغيره لاترتفع حرارتها حاولي تحطين ريولها بكلونيا او خل بسرعه تنزل الحراره

يمكن تبي تسنن
انا انصحج تودينها عند طبيب ثاني خل يشوفها احسن

 

[آهات الليل]

لاحول لله
الله يشافيها سويلها كمادات ماي عادي مو بارد
وحطي فيها كلونيا عشان يتبخر وشربيها ادول واذا مانفع عطيها تحميله اللي تنزل الحراره
ووديها الطبيب ضروري

 

[om__jana]

هلا قلبي ماتشوف شر انا بعد الاسبوع اللي فات بنتي نفس بنتج الحراره تنزل وتصعد وديتها الطبيب قالولي ماخذه برد وبلاعيمها احتقان وعطاني لها مضاد كل 12 ساعه وتحميله وبندول للحرارة بس بصراحه انا ماحب الادويه لليهال فماعطيتها المضاد بس كنت احطلها التحميله بالليل لأن حرارتها وصلت 39 وبالنهار اعطيها بندول مره وحده ظلت يومين جذي تصعد وتنزل تحت ال37 بعدها الحمد لله صارت زينه

خلج قيسي حرارتها كل شوي واذا صعدت عطيها بندول وان شاء الله تتحسن .. المرض بالكثير 3 او 4 ايام بعدها يروح واذا طولت لازم تودينها الطبيب

 

[عزاااه]

الحمدالله الحين 37 ان شاء الله على طول جذي

 

[عزاااه]

الحمدالله

 

[ام نوونه]

الحمدلله نزلت حرارتها بس اذا ارتفعت وديها

احتمال تبي تسنن عشان جذي فيها اسهال

انشالله ماعليها الا العافيه

 

[ام اغلى الناس]

ما تشوف شر حبيبتي
انا سمعت انه اذا حراره و اسهال يعني نزله معويه ...
ان شاء الله ما فيها شي
بس لو ردت الحراره وديها لاي دكتور شاطر
يمدحون مازن العيسى بخيطان بس دايم زحمه