مساعده

[lovemyself]

مساالخيرات
كويتيات بختصرلكم مشكلة بنت عمتي البنية متزوجة ومستقرة من سنين ولله الحمد ويابت عيال من ريلها وكونوا عايلة
والحين تشتكي ان في واحد يراسلها عالواتساب ويدق ويزعجها يقول انا اعرفج وهالسوالف وعرفت رقمج من ترو كولر تعرفونه برنامج المهم اهي تقول جذاب وانا اعتقد انه فعلا كانت تعرفه بس ماتبي تقول المهم البنت تحب بيتها وعيالها وكل يوم والثاني اييلها رقم يديد علي نقالها واهي خايفه مو عارفه تتصرف
ممكن تفيدوني

 

[زوجة حياتي]

اولا تغير رقمها وتحاول كثر ماتقدر تقطع كل وسيلة ممكن يكلمها فيها او يوصل لها وتدعي عليه بالتلت الأخير من الليل وتقول اللهم اكفيني شره بما شئت وتداوم على الاستغفار عسى الله يستر عليها ويبعد عنها ولاد الحرام

 

[بيبي2014]

اهي ليش ترد على ارقام غريبه ؟

اي رقم غريب يدق عليها لا ترد مصيرهم بيملون ويتعبون وحتى بالوتساب اي رقم غريب بلووك

اذا بتقعد اترد على فلان وعلنتان وناخذ وتعطي معاهم بالكلام بيتمادون معاها ويزعجونها

 

[سعوديه 1]

تعطيه بلوك بالواتساب والرقم حتي يتصل يطلع مشغول و تفك نفسها من المشاكل .. وتغير رقمها وبس ..

والله يحفظها ويستر عليها ..

 

[منيره آل ثاني]

بلوك او اتغير رقمها ابرك

 

[الأميرة جوري]

احلي حل بلوك للمكالمات والواتس واصلا ليش ترد على أرقام غريبه أو تغيير رقمها