مساعده

[الجرووح]

السلام عليكم بما ان هذا اول حمل لي اتمنى منكم تفيدوني جزاكم الله خير مشكلتي معاي دوخه فجاه تيني دوخه ثانبه وتروح وانا معاي نقص بدم وانا اخر سادس ولاحظت هل جم يوم انتفاخ بيدي وريلي واحس ساعات قلبي يرقع بسرعه موعارفه السبب اتمنى تفيدوني بتجاربكم وادعولي الله يتمم علي وسهل الولاده يا اخواتي لان حيل خايفه

 

[نسيم الأمل]

حبيبتي الله يتمم حملج على خير يا رب
روحي راجعي عند الدكتورة الحين ولا تنطرين لأن إحتمال عندج تسمم حمل .

الله يعطيج الصحة والعافية يا رب

 

[sosowaty]

وعليكم السلام

اب

 

[((غلاي))]

اخذي حبوب الحديد الدوخه من قلة الحديد
و روحي الطبيب بخصوص الانتفاخ
بس وايد اعرفهم صار لهم جذي بس من الشهر8

 

[الجرووح]

جزاكم الله خير جميعا وشنو اعرض تسمم الحمل اختي

 

[ملاك الدهمشي]

تسمم الحمل صار فيني قبل
بس مو جذي اعراضه
كانت بدايته حراره ماتنزل 40 مرتفعه حيل
ورجفه قويه
بس رقعة القلب هاذي طبيعيه والدوخه واضبي عالفيتامينات
اما الانتفاخ لازم تراجعين دكتورج

 

[نسيم الأمل]

الأعراض

ارتفاع ضغط الدم ، وارتفاع نسبة الزلال في البول ، وتورم الأطراف والوجه

 

[الجرووح]

بصراحه انا نوعي خوافه واحاتي لازم اسوي تحاليل بس تحليل دم ولا مكرم سامع البول بعد اي واحد ابين اكثر

 

[Katkoota85]

حبيبتي سؤالج لازم ينطرح على طبيب .،
روحي الطبيب اليوم وجيكي على نفسج ولازم يسوولج تحاليل والدكتور هو اللي يحددها شنو ،،
الله يسهل حملج وولادتج ويتمم عليج يارب

 

[الجرووح]

جزاكم الله خير جميعا رحت سويت تحاليل وقالولي بهد ثلاث ايام وفي تحليل طلع معاي التهاب بالبول مكرم أسامع وطلبوا تحليل خروج بس شنو سبب تحليل الخروج مو عارفه شنو الفايده منه

 

[BeNt PaRiS]

اذا انتفاخ بالايدين و الرجول يمكن معاج زلال


روحي فحصي عن الزلال لانه خطر

 

[الجرووح]

الزلال مايبين بتحليل البول بصراحه امس رحت طوارئ الصباح الدكتوره معاملتها زفت اسمحولي اقولها شنو فيني اتقول التهاب والله والله شاهد علي تدرون شنو عطتني دوا بندول ومال الحموضه الحارج