مساعده في افكار التزين لليوم الوطني

[myfashionbag]

حبيباتي المدرسات
انا موظفه بمؤسسه حكوميه
وطالبين مني ازين صاله المراجعين والضيوف ومكاتب الموظفات بمناسبه اليوم الوطني
فأبي افكار يديده بالتزين والديكورات وين الاماكن اللي تبيع هالسوالف
وطالبه المسئوله نسوي مجلد كبير ونغلفه مع ستانده نحطه عند المدخل يكتب كل ضيف لمن يدخل كلمه عن الكويت
المشكله الحين وين ينباع المجلد وين اقدر اغلفه
ساعدوني بأفكاركم حبيباتي بليييييييييييييييييييييييييييييييز

 

[myfashionbag]

رد : مساعده في افكار التزين لليوم الوطني

شدعوه ساعدوني ليش محد رد
وين فناتقكم وافكاركم الحلوه

 

[misspurple]

السلام عليكم
حظج حلو توها رفيجتي مسولفتلي عن سوق الديرة تقول كل شي تلقين اعلام كبيرة وصغيرة واشكال
وسوق الجملة موجود بالديرة بعد تحتارين شتاخذين ولا شتخلين

 

[قمر الكويتية]

رد : مساعده في افكار التزين لليوم الوطني

في محلا أبو 100 وايد أشياء على ألوان علم الكويت

و المجلد ممكن تروحين مطبعة تسوينه ،،، بس ما أدري يمدي الوقت أو لأ ؟؟

ممكن تشترين كتاب من المكتبة وتجلدينه وتحطين عليه أشياء تزيين نفس ألوان علم الكويت

الله يعينك

 

[أم جوري]

رد : مساعده في افكار التزين لليوم الوطني

المجلد تروحين المتبة تشترين دفتر كبير وجلديه وزيني بالاعلام والبروشات وملصقات عن الكويت تقدرين تنزلينها من النت على ورق ستيكر وتلزقينها بالدفتر وخلي الفاصل شرايط ساتان رفيعة الوان العلم ..
أما الصالة في بالسوق وايد اشياء خاصة بالعلم
واذا في شخصيات مهمة بتزوركم اخذوا هدايا لهالمناسبة لهم ..

 

[myfashionbag]

رد : مساعده في افكار التزين لليوم الوطني

مشكورين حبايبي على افكاركم الحلوه والي عندها بعد لا تبخل علينا