مساعده عروس

[Paris_girl]

السلام عليكم و رحمه الله و بركاته

بدش بالموضوع سيدا

مهري ثلاثه ونص بس ، ادري وايد شويه بس الحمدلله

و اهلي قالو راح يساعدوني اب 500 بس

يعني المجموع 4 بس

طبعا انا ما عندي شي من اغراضي الحين اقدر اخذه معاي و متوهقه شلون اوزعهم و ودي اكشخ ماودي اجهز تجهيز بسيط ^_^

طبعا انا اول بنت ف ما عندنا خبره بالتجهيز .. ياريت تساعدوني خواتي

و شكرا

 

[بنك بااستا]

شوفي مواضيع البنات موفقه

 

[Paris_girl]

لو كنت ابي تجهيز بس كنت طالعت مواضيع القسم

لكن انا ابي نصايحكم بحصوص مهري الشويه

لكن ما قصرتو شكرا

 

[اسامي]

رديت عليج امس بس كان معلق وما رضا يوصل الرد


بنت خالتي كانت نفس حالتج مهرها تقريبا 4000
اول شي سوته حجزت الثوب والصالون
راحت حنا دشتي واختارت الثوب من عندهم مع الصالون سوولها دسكاونت وخذتهم اثنينهم ب 1000
بقى عندها ثلاث الاف
طبعا ما اشترت ذهب
راحت اشترت العطورات من محمود سعيد مخازن العارضيه عطوراتهم مركزه وما تفرق عن المراكز الكبيره وتقريبا بنص السعر
خذت 10 ب 200 تقريبا
وخذت بخور ودهن عود من المحلات المعروفه مثل العربيه للعود واجمل والشايع كملت العطور بس 400
ومن زهور الريف وبودي شوب خذت شغلات وايد حلوه واللي ساعدها انه كان فتره خصومات
وبعدين راحت سرداب الشايع بالمباركيه وخذت الميكب اللي يعجبها وتبيه وتقريبا قطت 250
بعدين قسم الباقي على الملابس والجناط والجواتي عزج الله والكفرات وكل شي كان تحتاجه
والعبي اشترت وحده غاليه وفخمه شوي والباقي نعومات
انتي حاولي تقسمين المهر على حسب احتياجاتج ودوري الاماكن اللي يسوون فيها تنزيلات فرصتج الحين بالصيف كل مكان مسوين عروض
وتجنبي المعارض والانستغرام ترا والله تاكل فلوسج اكل ومبالغ خياليه ع الفاضي
وكل شي موجود ومتوفر بكل مكان صدقيني وباسعار ارخص وايد
اي شي تبينه وتبين تسألين عنه سأليني وانا اعرف وايد اماكن حلوه وعندهم كل شي تبينه

 

[CuTe KuwaiTia]

وعليكم السلام ورحمة الله وبركاته

الله يوفقج حبيبتي وتتهنين ان شاء الله ويتمم عليج و يرزقكم الذرية الصالحة

ماعليه الحمدلله يمكن هذي امكانيات و قدرات الزوج المهم التوفيق

انصحج تييبين نوت و قلم تكتبين كل المستلزمات و تحطين الاساسيات تحتهم خط و تبتدين بالاساسي راح تلاقين وايد شغلات مو مهمة لهالدرجة و نفس ماقالت الاخت الي قبلي روحي اماكن تنزيلات و على قد الضروري و لا تاخذين الاغراض علطول شوفي الاحسن والارخص

المهم تحطين خطة عامة وتنظمين الصرف اذا صار في تنظيم راح تتسهل الامور ان شاء الله

موفقة