انا اختلف عن البنات ... انا يوم السبت 13/3 راده من بانكوك وبوكيت .
بالنسبه للعمله صرفي دولارات 100 دولار يساوي 3270 بات . والألف بات يساوي 8.950 حيل مرتفع ... لا تاخذين كويتي .
بالنسبه حق السوق في بانكوك روحي مجمع سيام دراغون هذا مجمع كله ماركات أصليه وفخم نفس مجمع الصالحيه .
واذا تبين شي حلو ورخيص روحي طوكيو سنتر ومجمع mbk .. وعندج سوق الليل اذا تبين شي تقليد من جناط وساعات درجه اولى شارع nan او قولي فندق جريس هذا شارع العرب من مطاعم وكل شي واشهر المحلات للساعات والجناط ( حفيظ / فريده علي / جاكي / ليلى العراقيه ) ... والبنسبه حق بوكيت فيها مجمع وااايد حلو يم فندق ملينيوم أسمه جونسون وايد حلو وفخم وفي مطاعم وايد ... بالنسبه حق سوقهم في شارعين فو الي على البحر مباشره والثاني وراه الي في المطاعم العربيه .
الرحلات بانكوك ( سفاري بارك / ووتر وورلد / رحلة سانتا كروز عباره عن رحلة ساعتين بالبحر مع العشى وايد حلوه / الاكواريوم الي في مجمع سيام دراغون )
الرحلات بوكيت ( جيمس بوند 1500بات / بي بي ايلاند 1500 بات / فنتازيا للشخص 2200 بات للشخص مع العشى ) وتروحين البحر حق البراشوت والجت سكي .
رحله موفقه
انا بعد كنت رادة من تايلند السبت بتاريخ 13-3 رايحة على التايلندية
ووصلت الكويت 7 المغرب تقريبا
وقعدت في بوكيت 10 ايام وبانكوك بس من طيارة الى طيارة بس
المهم اختي شوفي .. صرفي فلوس من الكويت احسن الألف بات يساوي 8.950 مثل ماقالت الاخت
يعني مرتفع لان في ايام كان ب 8.200
انا سكنت في باتونج بيج في فندق هوليدي ان
وبالنسبة حق المجمعات راح تلقينهم بنفس هالشارع يم ميلينيوم
وهم تقدرين تروحين البحر لان كلهم صايرين بمكان واحد على امتداد الشارع وراح تلقين محلات عادية برة المجمعات
بس اذا شافوكم عرب
يعطونكم دبل السعر
كل من قالي ان سوق بانكوك وايد ارخص من بوكيت
بس انا للاسف ماقعدت في بانكوك
راح تلقين في واحد من هالمجمعات كارفور ... تقدرين تشترين منه ككاو وشبس وبيبسي
بس انتبهي على كلمة حلال واغلبة مصنوع في اندونيسيا
في صالونات اسمهم توكيو
هذول اختصاص تنظيف بشرة بس
وتنظيف بشرة عجيب حده مايطلع 3 دنانير كويتي
الرحلات عندج :جيمس بوند 950بات حق الواحد
بي بي ايلاند 800 بات حق الواحد
والرافتج 750 حق الواحد
وهل الرحلات تكون من 7 الصبح الى المغرب 6 وباص ياخذكم من الفندق ويردكم
ويكون مع وجبه سناك وجاي وقهوة وغدى
الله يزيد النعمه اكل اسيوي بس تضطررين تاكلين لان مافي اكل سنع
الاسعار تختلف من مكان لي مكان انتي تعاملي مع واحد معين عشان يرخص لج
وراح تلقينهم كشكات بالشارع ... اهما عندهم كل شي مصبغه تاكسي رحلات وتحجزين طيران كله منهم
وراح تلقين بشارع المجمعات مطاعم عربية وايد بس غالية شوي
بس انتبهي ان اغلبهم موثقه
ومطعم كنتاكي اهوا الوحيد الي حلال
لان عندهم لوحه مكتوب ان جذي
وبس
عليكم بالعافية
لان استانست وايد وغيرت جو
اتمناكم رحلة سعيده
